Soane 10:36 - Tosi Tapu

³⁶ ko leia kua fakatapui e le Tamana, o kakau mai ki le malama nei, e kotou pati kiate ia : E ke fatituu ki le Atua ! talie na kau pati : ko le Alo au o le Atua.

Soane 10:36 ပူးပေါင်းရင်းမြစ်များ

Pesalemo 2:2

Kolea kua malaga ai ki aluga a sau o le malama nei, Ti kua kau ai a pule mo latou, O agatuu ki le Eteleno mo lona mesia ?

Esaia 42:1

Ko leinei laku tagata fakasausau, leia e kau tokoi loa ki ai, Laku filifilia, leia e fiafia ai loku laumalie. Na kau tuku kiate ia loku Laumalie ; E fakasa loa e ia le faitotonu ki atu puleaga.

Esaia 42:3

E leaise fatii loa e ia le fa u kua mafati, Ti e leaise tamate loa e ia le vavai malama koi ka ; E fakasa loa e ia le faitotonu i le maoki.

Esaia 55:4

Ko leinei, na kau fakanofo a ia ke fakamaoki i mua o ni kakai, Ke takimua mo pule ki atu puleaga.

Selemia 1:5

Na kau iloa a koe i mua o laku fakatupu a koe i le manava o lou tinana, ti na kau fakatapui a koe, ti na kau fakanofo a koe ko le polofeta o atu puleaga i mua o lau mavae i lona manava.

Mateo 27:43

Na fanaki a ia ki le Atua, ke saofaki a ia e le Atua i le lakaga nei, mo kapau e alofa le Atua kiate ia. Talie na pati a ia : Ko le Alo au o le Atua !

Mateo 27:54

Ko le setulio mo latou ala na nonofo mo ia o leo Sesu, na tio loa ki le mafuike ti mo nea fuli ala na soko, na i lasi loa, o pati : E maoki ai, ko le tagata leinei ko le Alo a ia o le Atua.

Luka 1:35

Na tali loa le aselo kiate ia : E au loa le Laumalie Maokioki kiate koe, ti e fakamalumalu loa a koe e le mafimafi o le Taualuga. Koia e fakaigoa ai loa le fanau maokioki leia e tupu loa meiate koe ko le Alo o le Atua.

Soane 10:35

Kapau na fakaigoa e ia ko atua latou ala na fakasa ki ai le folafola a le Atua, ti kapau e leaise feala ke puli le folafola,

Soane 17:18

Ofaipe lau kakau mai au ki le malama nei, na kau toe kakau foki latou ki le malama nei.

Soane 17:21

o tupu ke lotou liliu fuli ko se nea e tasi, ofaipe koe, Tamana, e ke nofo iate au, ti mo au iate koe, o tupu ke lotou liliu foki ko se nea e tasi ia taua : O tupu ke tui le malama nei na ke kakau mai au.

Soane 17:8

Talie na kau soli kia latou a folafola ala na ke tuku mai kiate au ; ti kua lotou tali latou, ti kua lotou iloa papau na kau au meiate koe, ti kua lotou tui na ke kakau ia mai au.

Soane 19:7

Ti na tali loa le kau Sutea kiate ia : E i ai lamatou lao ; ti i lamatou lao, e tonu ke mate a ia, talie na pati a ia ko le Alo a ia o le Atua.

Soane 20:28

Na tali loa Tomasi kiate ia : Ei loku Aliki mo loku Atua ! Na pati loa Sesu kiate ia :

Soane 20:31

Kae kua tosi a nea anei o tupu ke kotou tui ko Sesu ko le Kilisito, ko le Alo o le Atua, ti ke kotou maua le mauli i lona suafa ki lakoutou tui.

Soane 3:17

Talie na leaise kakau mai e le Atua lona Alo ki le malama nei ke fakamaaui e ia le malama nei, kae ke mauli le malama nei iate ia.

Soane 3:34

talie ko leia na kakau mai e le Atua e fakasa ia a folafola a le Atua, talie e leaise tuku e le Atua kiate ia le Laumalie Maokioki, o fakafuafua.

Soane 5:30

E leaise kau mafai fua se nea iate au totonu : E kau fakamaau o mulimuli ki le nea leia e kau logo ki ai ; ti e maoki laku fakamaau, talie e leaise kau afa ia loku finegalo, kae e kau afa le finegalo o leia na kakau ia mai au.

Soane 6:27

Aua na kotou gaoi ki le nea kai leia e maumau, kae kotou gaoi ki le nea kai leia e tologa ki le mauli lee gato, le nea kai leia e soli atu loa e le Vosa o le tagata kia koutou ; talie ko ia leia na fakamailoga e le Tamana, e le Atua totonu, ki lona fakamailoga.

Soane 6:38

talie na leaise kau ifo mei lagi o fai loku finegalo, kae le finegalo o leia na kakau ia mai au.

Soane 6:57

Ofaipe le Tamana leia e mauli na kakau ia mai au, ti e kau mauli i le Tamana, ko leia e kai kiate au e mauli loa iate au.

Soane 6:69

Ti kua motou tui, ti kua motou iloa ko le Kilisito a koe, ko le Sagato o le Atua.

Soane 8:42

Na pati loa Sesu kia latou : Kanapau na koutou tamana ki le Atua, e kotou alofa loa kiate au, talie na kau au mei le Atua, ti ko ia leia na kakau ia mai au ki leinei ; na leaise kau au i loku loto faitalisa, kae ko ia leia na kakau ia mai au.

Loma 1:4

leia na fakasa fakamakeke ko le Alo o le Atua e le Laumalie Maokioki i lana toe tuuake mei le kau mate, Sesu-Kilisito, lotatou Aliki ;

Loma 8:3

Talie - na leaise mafai a ia e le lao, talie na fakaliliu e le kanofi le lao o gaegae - na tautea e le Atua le agasala i le kanofi, i lana kakau mai, o tupu ko le agasala, lona Alo totonu i se kanofi na tatau mo le kanofi o le agasala.

Loma 9:5

ti mo le kau pateliaka foki, ala na tupu mei ai le tino o Kilisito, leia e taualuga i nea fuli, ko le Atua manuia o lee gato. Amene !

Kalate 4:4

kae i le kaku mai o le temi leia na fakatuutuu ki ai, na kakau mai loa e le Atua lona Alo, leia na tupu mei se fafine, leia na tupu i le lao,