Soane 10:35 - Tosi Tapu

³⁵ Kapau na fakaigoa e ia ko atua latou ala na fakasa ki ai le folafola a le Atua, ti kapau e leaise feala ke puli le folafola,

Soane 10:35 ပူးပေါင်းရင်းမြစ်များ

Senesi 15:1

I le oki o nea ana, na tuku loa le folafola a le Eteleno kia Apalamo i se tio kiate ia, o pati : Apalamo, aua na ke i ! Ko au ko lou paletau, ti e lasi loa lou fakapale.

Lua tosi a Samuele 7:5

Ano o pati ki laku tagata fakasausau ko Tavite : Ko leinei le folafola a le Eteleno : Pe ko koe leia e lagai ia loa kiate au se fale ke kau nofo ai ?

Lua tosi o Sau 15:12

Koia na soko ia loa le nea leia na fakasa fakatomua e le Eteleno kia Seu, o pati : E ekeeke loa ou vosa i le ekeekeaga fakasau o Iselaele, o kaku ki le fa o tautupu.

Uluaki tosi o Koloniko 22:8

Kae na tuku mai le folafola a le Eteleno kiate au, o pati : Kua lasi le toto leia kua ke liligi, ti kua ke fai ni tau lasi ; e leaise ke fakatuu loa se fale ki loku suafa, o tupu kua ke liligi se toto lasi ki le kele i oku mua.

Lua tosi o Koloniko 19:2

Ti na ano loa Seu, vosa o Anani, le polofeta, o fakafetaulaki kiate ia. Ti na pati loa a ia ki le sau ko Sosafate : Pe totonu kiate koe ke ke tokoi ki le tagata agaveli ? Pe ke alofa kia latou ala e vesia ki le Eteleno ? Koia kua ita ai le Eteleno kiate koe.

Mateo 24:35

E puli loa le lagi mo le kele, kae e leaise toe puli loa aku folafola.

Mateo 27:35

Ti na lotou tutuki loa a ia ki le koluse, ti na lotou vae loa ona kofu, o toso, ke fakasoko ai le folafola a le polofeta : Na lotou vae oku kofu, ti na lotou toso, pe ko ai ka maua ia loku taupulupulu.

Mateo 5:18

Talie e kau fakasa maoki atu kia koutou, e leaise puli loa le kele mo le lagi kae e leikiaise fakasoko a ga puani fuli ti mo ga matai tosi fuli o le lao.

Luka 16:17

Ti e faigaofie ake ke puli le lagi mo le kele, i le vilo o se ga matai tosi ikiiki o le lao.

Soane 10:34

Na tali loa Sesu kia latou : Pe leaise tuu koia i lakoutou lao : Na kau pati : ko ni atua koutou ?

Soane 10:36

ko leia kua fakatapui e le Tamana, o kakau mai ki le malama nei, e kotou pati kiate ia : E ke fatituu ki le Atua ! talie na kau pati : ko le Alo au o le Atua.

Soane 19:28

Sili aia, ko Sesu, leia na iloa ia kua soko nea fuli, na pati loa, o tupu ke fakasoko le Tosi : E kau fia inu.

Gaoi 1:16

Fetaina, e tonu ke fakasoko le nea leia kua fakasa fakatomua e le Laumalie Maokioki i le Tosi tapu, i le gutu o Tavite o uiga mo Sutasi, leia na taki ia latou ala na too ia Sesu.

Loma 13:1

Ke fakataulalo a tagata fuli ki pule taualuga ; talie e leai se pule leia e leaise au mei le Atua, ti ko latou ala kua fakanofo, na fakanofo latou e le Atua.

Tetelonome 18:15

E fakatuu ake loa e le Eteleno, lou Atua, i loto malie o ou, i ou fetaina, se polofeta o tatau mo au : ke kotou fakalogo loa kiate ia !

Uluaki tosi a Samuele 15:1

Na pati loa Samuele kia Saulo : Ko au leia na kakau e le Eteleno ke fakanofo ia a koe ke sau ki lona kakai, ko Iselaele : ti ko leinei, ke ke fakalogo loa ki le nea leia e fakasa e le Eteleno.

Uluaki tosi a Samuele 28:6

Na afa loa e Saulo le finegalo o le Eteleno ; kae na leaise tali fua le Eteleno kiate ia, pe i ni moe miti, pe i le ulimi, pe i le kau polofeta.

Uluaki tosi a Samuele 30:8

Ti na afa loa e Tavite le finegalo o le Atua, o pati : Pe kau tuli loa le solia leinei ? Pe kau maua loa a ia ? Na tali loa le Eteleno kiate ia : Tuli, talie e ke maua loa, ti e ke saofaki loa lou kakai.