Soane 10:27 - Tosi Tapu

²⁷ E logo aku ovi ki loku leo ; e kau iloa latou, ti e lotou muli mai iate au.

Soane 10:27 ပူးပေါင်းရင်းမြစ်များ

Uluaki tosi o Sau 18:21

Ti na fakafeofi ake loa Elia ki le kakai katoa, o pati : E kaku loa ki afea lakotou loto vaelua ? Kapau e Atua le Eteleno, kotou mulimuli iate ia ; ti kapau ko Paale, kotou mulimuli iate ia ! Na fakalologo loa le kakai.

Esaia 66:22

Talie, ofaipe le lagi foou Mo le kele foou ala ka kau fakatupu loa E tutuu loa i oku mua o lee gato E tutuu loa lokoutou sakoga mo lokoutou igoa i oku mua o lee gato.

Mateo 16:24

Na pati loa Sesu ki ana tisipulo : Ko leia e fia muli mai iate au, ke fakafiti a ia kiate ia totonu, ke amo e ia lona koluse, ti ke muli mai a ia iate au.

Mateo 17:5

I le lolotoga o lana masau, na uufi loa latou e se ao gigila. Ti ko leinei, na fakasa loa e se leo mei le ao a folafola anei : Ko ia leinei ko loku Alo alofaina, leia kua kau tuku ki ai loku alofa : Kotou fakalogo kiate ia !

Mateo 25:12

Kae na tali loa a ia : E kau pati maoki atu kia koutou, e leaise kau iloa fua koutou.

Mateo 7:23

Ti e kau pati loa kia latou i le lauatea : Na leaise kau iloa fua koutou, kotou fakamamao atu iate au, koutou ala na fai ia le agaveli.

Maleko 10:21

Na tio loa Sesu kiate ia, ti na alofa loa a ia kiate ia, o pati kiate ia : E puli le nea e tasi kiate koe ; ano, fakatau a nea fuli ala e ke maua, soli a ia ki le kau mativa, ti e ke maua loa se koloa i le lagi. Ti oki a ia, ti ke au, o muli mai iate au.

Maleko 8:34

Ti na kalagai loa e Sesu le kakai mo ana tisipulo, o pati kia latou : Ko leia e loto ke muli mai iate au, ke fakafiti a ia kiate ia totonu, ke amo e ia lona koluse, ti ke muli mai a ia iate au.

Luka 13:27

Ti e tali loa a ia : E kau pati atu kia koutou, e leaise kau iloa pe ko koutou meifea ; kotou fakamamao atu iate au, koutou fuli ala e fai ia le agaveli.

Luka 9:23

Ti na pati loa a ia ki le kau tisipulo fuli : Kapau e loto se tasi ke muli mai iate au, ke fakafiti a ia kiate ia totonu, ke amo e ia lona koluse i le aso taki tasi, ti ke muli mai a ia iate au.

Soane 10:14

E kau iloa aku ovi, ti e lotou iloa au,

Soane 10:16

Koi i ai foki ni iki a ovi a aku, ala e leikiaise kau ki le lotoa ovi leinei ; e tonu foki ke kau aumai latou ; e lotou logo loa ki loku leo, ti e i ai loa se kau ovi e tasi, mo se tagata tausi ovi e tasi.

Soane 10:8

Ko latou fuli ala na muamua mai iate au, ko ni tagata kaia mo fakamakeke ; kae na leaise fakalogo le kau ovi kia latou.

Soane 12:26

Kapau e tausi se tasi kiate au, ke muli mai a ia iate au ; ti ko le ganea leia e kau nofo ai, e toe nofo ai foki laku tagata fakasausau. Kapau e tausi se tasi kiate au, e fakakololia loa a ia e le Tamana.

Soane 21:22

Na pati loa Sesu kiate ia : Kapau e kau loto ke mauli a ia o kaku ki laku toe liliu mai, kolea lona mauiga kiate koe ? Ko koe, muli mai iate au.

Soane 5:25

E maoki, e maoki, e kau pati atu kia koutou, e au le ola, ti kua soko foki a ia, e logo ai loa le kau mate ki le leo o le Alo o le Atua ; ti ko latou ala e logo loa ki ai e mauli loa.

Soane 8:12

Na toe masau loa Sesu kia latou, o pati : Ko au ko le malama o le malama nei ; ko leia e muli mai iate au e leaise toe saele loa a ia i le fakapouli, kae e maua loa e ia le malama o le mauli.

Soane 8:43

Kolea e leaise kotou matala ai ki laku masau ? Talie e leaise mafai ke kotou fakalogo ki laku folafola.

Gaoi 3:23

ti ko leia e leaise fakalogo loa ki le polofeta lena, e motusi loa a ia mei lotomalie o lona kakai.

Uluaki tosi ki le kau Kolinto 8:3

Kae kapau e alofa se tasi ki le Atua, e iloa a ia e le Atua.

Kalate 4:9

kae i le temi nei kua kotou iloa ai le Atua, ti kua iloa foki koutou e le Atua, kolea e kotou toe liliu ai o tausi ki taulaatua gagae mo mativa ana e kotou loto ke kotou toe popula ki ai ?

Lua tosi kia Timoteo 2:19

Kae e tuu mau aifuai le fakatafito makeke leia na teki e le Atua, ti mo folafola anei e fakamaoki ia a ia : E iloa e le Aliki latou ala a ana ; ti e mailoga leia e sua ia le suafa o le Aliki, ke mavae a ia mei le agaveli.

Epelo 3:7

Koia, o mulimuli ki le pati a le Laumalie Maokioki : I le aso nei, kapau e kotou logo ki lona leo,

Apokalipisi 14:4

Ko latou anei na leaise fakakelekele mo ni fafine, talie e lotou taupoou ; e lotou muli i le Akeno, i ganea fuli ala e ano a ia ki ai. Na totogi latou mei lotolotoga o tagata, ofaipe ni uluaki fua ki le Atua ti mo le Akeno.

Apokalipisi 3:20

Ko leinei, e kau tuu i le matapa, ti e kau fitifiti. Kapau e logo se tasi ki loku leo, mo fakamavaa le matapa, e kau ulu loa ki lona fale, e kau kai afiafi loa mo ia, ti ko ia mo au.