Soane 1:45 - Tosi Tapu

⁴⁵ Na felavei loa Filipo mo Natanaele, ti na pati loa a ia kiate ia : Kua motou maua leia na tosi ki ai Moisese mo le kau polofeta, ko Sesu mei Nasaleti, vosa o Sosefo.

Soane 1:45 ပူးပေါင်းရင်းမြစ်များ

Senesi 22:18

E tapuakina loa a puleaga fuli o le malama nei i lou sakoga, talie na ke fakalogo ki loku leo.

Senesi 3:15

E kau tuku loa le vesia iate koe mo le fafine, i lou sakoga mo lona sakoga : E takafi loa e le sakoga o le fafine lou ulu, kae e ke uuti loa lona mulivae.

Senesi 49:10

E leaise fakamamao loa le pala fakasau ia Suta, Ti mo le tokotoko fakaaliki i lima o lona sakoga, O kaku ki le aso leia e sa ai loa le Silo (leia e tonu ke maua ia a ia), Ti ke fakalogo loa kiate ia a kakai fuli.

Esaia 4:2

I le aso lena, e maua loa e le pulapula o le Eteleno Se fulumalie mo se kololia, Ti e maua loa e le fua o le fenua se gigila mo se fulumalie Kia latou ala na sao i Iselaele.

Esaia 53:2

Na tupu ake a ia o lasi i ona mua ofaipe se ga laakau gaegae, Ofaipe se uli leia e somo ake i se kele malo ; Na leaise maua e ia se fulumalie, pe ko se gigila ke tapa ki otou mata, Ti na leaise nea fua iate ia ke tou alofa ai kiate ia.

Esaia 7:14

Koia e tuku atu loa e le Aliki totonu kia koutou se fakamailoga ; Ko leinei, e tinae loa le taupoou, ti e fanaui loa e ia se tama, Ti e soli loa e ia kiate ia le igoa ko Emanuele.

Esaia 9:6

E fakamafola loa e ia lana pule ki atu puleaga, E tuku loa e ia le tokamalie lee gato ki le ekeekeaga fakasau o Tavite, mo lona puleaga, Ti e fakamakeke loa e ia a ia ti mo poupou a ia ki le lao mo le faitotonu, I le temi nei o lee gato : Ko lena le nea e fai loa e le Eteleno o kau tau i lona alofa lasi.

Mikea 5:2

Koia leia e tuku ai loa e ia lona kakai O kaku ki le temi leia e fanau ai loa leia e tonu ke liliu o tinana, Ti ko le toega o ona fetaina E toe liliu mai loa ki fanau o Iselaele.

Sakalia 6:12

E ke pati loa kiate ia : Ko leinei le folafola a le Eteleno o kau tau : Tio ki se tagata leia e igoa ko Somo ; e somo ake loa a ia i lona ganea, ti e fakatuu loa e ia le fale tapu o le Eteleno.

Sakalia 9:9

Ke ke nekenekea, taine o Sione ! Ke ke fai ni kalaga fakafiafia, taine o Selusalemi ! Ko leinei, e au lou sau kiate koe. E faitotonu a ia mo malo, E agamalu a ia ti e eke a ia i se asino, I se asino, le uviki o se asino fafine.

Mateo 10:3

mo Filipo, ti mo Patolomeo ; mo Toma, ti mo Mateo, ko le popelikano ; mo Sakopo, vosa o Alefeo, ti mo Tateo ;

Mateo 13:55

Pe se ko le vosa a ia o le tagata fai papa ? Pe leaise ko Malia leia ko lona tinana ? Pe leaise ko ona fetaina ala ko Sakopo, mo Sosefo, mo Simone ti mo Suta ?

Mateo 2:23

ti na ano loa a ia o nofo i se kolo na igoa ko Nasaleti, talie ke fakasoko ai le nea leia na fakasa fakatomua e le kau polofeta : E fakaigoa loa a ia ko le Nasaleti.

Mateo 21:11

Na tali loa le kakai : Ko Sesu, le polofeta, mei Nasaleti i Kalilea.

Maleko 14:67

I lana tio ki le fakamafana a Petelo, na pati loa a ia kiate ia : Ko koe foki, na ke nofo mo Sesu mei Nasaleti.

Maleko 6:3

Pe se ko le tagata fau fale a ia, le tama o Malia, le taina o Sakopo, mo Sosefo, mo Suta, ti mo Simone ? Ti ko ona tuagaane, pe leaise lotou nonofo i leinei mo tatou ? Ti na leaise lotou tui kiate ia.

Luka 18:37

Na fakasa ake loa kiate ia : Ko Sesu mei Nasaleti leia e fakalaka.

Luka 2:4

Na pale foki Sosefo mei Kalilea, mei le kolo ko Nasaleti, o ano ki Sutea, ki le kolo o Tavite, na igoa ko Peteleemi, talie na kau a ia ki le fale mo le famili o Tavite,

Luka 2:48

I le tio o ona matua kiate ia, na la punamauli ai, ti na pati loa lona tinana kiate ia : Ei loku fanau, kolea kua ke fai felaaki ai kia maua ? Ko leinei lou tamana mo au, kua ma afa a koe mo se loto mamae.

Luka 24:27

Ti na kamata loa a ia meia Moisese ti mo le kau polofeta fuli, o fakamatala kia laua i le Tositapu katoa a nea o uiga mo ia.

Luka 24:44

Ti na pati loa a ia kia latou : Ko nei a nea ala na kau fakasa atu kia koutou koi kau nofo mo koutou : E tonu ke fakasoko a nea fuli ala kua tosi kiate au i le lao a Moisese, mo le kau polofeta, ti mo pesalemo.

Luka 3:23

Na fetuu kau tolu Sesu i lana kamata fai lana gaoi, kae na pati ko le vosa a ia o Sosefo, vosa o Eli,

Luka 4:22

Ti na fakamaoki le kakai fuli kiate ia ; na lotou punamauli i folafola malilie ala na mavae mei lona gutu, ti na lotou pati : Pe leaise ko le vosa a ia o Sosefo ?

Soane 1:44

Na au Filipo mei Petesaita, mei le kolo o Atelea mo Petelo.

Soane 12:21

na ano loa kia Filipo, mei Petesaita i Kalilea, o kole kiate ia : Aliki, e motou fia tio kia Sesu.

Soane 14:8

Na pati loa Filipo kiate ia : Aliki, fakasa mai kia matou le Tamana, ti e motou feauga ai.

Soane 18:5

Na lotou tali loa kiate ia : Sesu mei Nasaleti. Na pati loa Sesu kia latou : Ko au. Ti na tuu foki mo latou a Sutasi, leia na fakatau ia a ia.

Soane 18:7

Ti na toe vesili loa Sesu kia latou : Ko ai leia e kotou afa ia ? Ti na lotou pati loa : Ko Sesu mei Nasaleti.

Soane 19:19

Na fakatotonu foki e Pilato ke tosi se fakamailoga, o fakapipiki ki le koluse, ti na tosi feneeki : Ko Sesu mei Nasaleti, sau o le kau Sutea.

Soane 21:2

Ko Simone Petelo, mo Tomasi leia na igoa ko Titime, mo Natanaele mei Kana i Kalilea, mo vosa o Sepeteo, ti mo ni iki ake tisipulo e toka lua a Sesu, na fakatasi.

Soane 6:42

Ti na lotou pati : Pe leaise ko Sesu koia lena, le vosa o Sosefo, leia e tou iloa lona tamana mo lona tinana ? Ti kolea e pati ai loa a ia : Na kau ifo mei le lagi ?

Soane 6:5

I le siki ake loa e Sesu ona mata, o tio ki le kakai toka api leia kua au kiate ia, na pati loa a ia kia Filipo : Pe tou totogi loa meifea ni pane ke fagai ai le kakai leinei ?

Soane 6:7

Na tali loa Filipo kiate ia : Ko fa pane ala e mafai ke too ki ni fa tenalio e kau lelau e lua, e leaise feauga ke lotou tasi mo ia se ga pane.

Gaoi 10:38

Ti kua kotou iloa le fakanofo e le Atua o Sesu mei Nasaleti i le Laumalie Maokioki mo le makeke. Ti kua kotou iloa foki le ano saele a Sesu i le fenua katoa o fai a nea malilie ti mo fakamauli latou fuli ala na saisai e le pule o le temonio, talie na nofo iate ia le Atua.

Gaoi 2:22

Tagata Iselaele, kotou fakalogo mai ki folafola anei ! Ko Sesu mei Nasaleti, le tagata lena kua fakamaoki ki ai le Atua i okoutou mua ki ni milakulo, mo ni nea fakaofolele, ti mo ni fakamailoga ala na fai e le Atua iate ia i lotolotoga o koutou, ofaipe lakotou iloa, e koutou totonu ;

Gaoi 22:8

Ti na kau tali loa : Ko ai a koe, Aliki ? Ti na pati mai loa a ia kiate au : Ko au ko Sesu mei Nasaleti leia e ke fakavelivelii.

Gaoi 26:9

Kiate au foki, na kau manatu e tonu ke kau fakafesagai fakamakeke ki le suafa o Sesu mei Nasaleti.

Gaoi 3:6

Ti na pati loa Petelo kiate ia : E leaise kau maua se paaga pe ko se aulo ; kae ko le nea leia e kau maua, e kau soli atu a ia kiate koe : I le suafa o Sesu-Kilisito mei Nasaleti, tuu ki aluga, o saele.