Soane 1:38 - Tosi Tapu

³⁸ Na mafuli loa Sesu, o tio e la muli iate ia, ti na pati loa a ia kia laua : Kolea e kolua afa ? Na la tali loa : Pule e ke nofo ifea ?

Soane 1:38 ပူးပေါင်းရင်းမြစ်များ

Uluaki tosi o Sau 10:8

Manuia lou kakai, manuia au tagata fakasausau ala e nonofo tuumau i ou mua, ala e logo ki lou poto !

Pesalemo 27:4

E kau kole ki le Eteleno le nea e tasi, leia e kau oli mamae ki ai : E kau loto ke kau nofo i le fale o le Eteleno i loku mauli katoa, O tio ki le malie o le Eteleno Ti mo afa lona finegalo i lona fale tapu.

Taagapati 13:20

Ko leia e nofo tuumau mo le kau poto e liliu loa o poto, Kae ko leia e fiafia i le nofo mo le kau vale e liliu loa o veli.

Taagapati 3:18

Ko se laakau a ia o le mauli kia latou ala e too ia a ia, Ti e manuia latou ala e kukumi mau ia a ia.

Taagapati 8:34

Manuia le tagata leia e fakalogo mai kiate au, Leia e talitali i aso fuli i oku matapa, Ti e taupau ia ona pou !

Tagi laulau a Selemia 5:19

Ko koe, Eteleno, e ke pule o lee gato ; E tuu lou ekeekeaga fakasau i le tautupu ki le tautupu.

Luka 10:39

Ti na i ai sona taina, na igoa ko Malia, leia na tonatona i vae o le Aliki, o fakalogo ki lana folafola.

Luka 14:25

Na ano ni kakai toka api mo Sesu i le ala. Ti na mafuli loa a ia ki muli, o pati kia latou :

Luka 15:20

Ti na tuu loa a ia ki aluga, ti na ano loa a ia ki lona tamana. Koi natu a ia i mamao, kae kua tio mai lona tamana kiate ia, ti na manavaalofa loa a ia, ti na makape loa a ia, o fui lona vosa ki ona lima, ti mo sogi kiate ia.

Luka 19:5

I le kaku mai a Sesu ki le ganea lena, na tagaki loa ona mata ki aluga, o pati kiate ia : Sakeo, ifo fakatavili ki lalo talie e tonu ke kau nofo i le aso leinei i lou kaiga.

Luka 22:61

Na mafuli loa le Aliki ki muli, o tio kia Petelo. Ti na manatui loa e Petelo le folafola leia na fai e le Aliki kiate ia : I mua o le koukoua o le moatoa i le aso nei, kua ke fakafiti tua tolu kiate au.

Luka 8:38

Ko le tagata leia na mavae ai le kau temonio, na kole ake loa kia Sesu ke fakataga ake ke nofo a ia mo ia. Kae na kakau loa a ia e Sesu, o pati :

Soane 1:37

Na logo loa le sa tisipulo ki lana pati, ti na la muli loa ia Sesu.

Soane 1:39

Na pati loa Sesu kia laua : Kolua au, o tio. Na la ano loa, ti na la tio loa i le ganea leia na nofo ai a ia ; ti na la nonofo loa mo ia i le aso lena. Ko le ola fa ia o le sili lalatea.

Soane 1:49

Na tali loa Natanaele, o toe pati : Pule, ko koe ai ko le Alo o le Atua, ko le Sau o Iselaele.

Soane 12:21

na ano loa kia Filipo, mei Petesaita i Kalilea, o kole kiate ia : Aliki, e motou fia tio kia Sesu.

Soane 18:4

Kae i le iloa e Sesu o nea fuli ala e tonu ke soko kiate ia, na saele loa a ia kia latou, o pati : Ko ai leia e kotou afa ia ?

Soane 18:7

Ti na toe vesili loa Sesu kia latou : Ko ai leia e kotou afa ia ? Ti na lotou pati loa : Ko Sesu mei Nasaleti.

Soane 3:2

leia na au loa kia Sesu i le pouli, o pati kiate ia : Pule, e motou iloa ko se toketa a koe na au mei le Atua ; talie e leaise tasi e fai ia a milakulo ana e ke fai, mo kapau e leaise nofo le Atua iate ia.

Soane 3:26

Na lotou ano loa kia Soane, o pati kiate ia : Pule, ko leia na nofo mo koe i leia atu kauvai o le Solotane, leia na ke fakamaoki ki ai, ko leinei, e faipapitema a ia, ti kua ano fuli le kakai kiate ia.

Soane 4:31

I le temi lena, na fakakolekole e le kau tisipulo kiate ia ke kai, o pati : Pule, kai.

Soane 6:25

Ti na lotou maua loa a ia i leia atu fetuu o le tai, o pati kiate ia : Pule, na ke au nafea ki leinei ?

Gaoi 10:21

Ti na ifo loa Petelo, o pati ki tagata ana : Ko leinei, ko au leia e kotou afa ; kolea le nea e kotou au ai ?

Gaoi 10:29

Koia na leaise faigataa ai kiate au ke kau au, talie kua kotou kalagai au ; ti e kau kole atu loa kia koutou pe kolea na kotou aumai ai au.

Lute 1:16

Na tali loa a Lute : Aua na ke fakamakeke au ke kau tiaki a koe, ti ke kau toe liliu o mamao mo koe ! Ko le ganea leia e ke ano loa ki ai, e kau ano loa ki ai ; ko le ganea leia e ke nofo loa i ai, e kau nofo loa i ai ; e liliu loa lou kakai ko loku kakai, ti e liliu loa lou Atua ko loku Atua ;