Soane 1:36 - Tosi Tapu

³⁶ Ti i lana tio kia Sesu e fakalaka, na pati loa a ia : Ko leia le Akeno o le Atua.

Soane 1:36 ပူးပေါင်းရင်းမြစ်များ

Senesi 22:7

Na pati loa Isaake kia Apalaamo lona tamana : Ei loku Tamana ! Na tali loa a ia : Ko leinei au, ei loku vosa ! Na toe pati loa Isaake : Ko leinei le afi mo le fafie, kae kofea loa le akeno ki le failaulau ?

Esaia 45:22

Kotou tafoki mai kiate au, ti e kotou mauli loa, Koutou fuli ala e nonofo i potupotu o le malama nei ! Talie ko au ko le Atua, e leaise tasi ake Atua.

Soane 1:29

I leia ake a aso, na tio loa Soane kia Sesu e au kiate ia, ti na pati loa a ia : Ko leinei le Akeno o le Atua, leia e fakamolemole ia le agasala o le malama nei.

Soane 1:37

Na logo loa le sa tisipulo ki lana pati, ti na la muli loa ia Sesu.

Epelo 12:2

o tio fuai kia Sesu ko le kamataaga mo le gatoaga o le tui ; ko ia leia na tali ia a mamae o le koluse, ti na fakanoai ia le luma o le mate lena, talie na tio a ia ki le fiafia leia na tuu i ona mua, ti kua nofo i le lima atamai o le agaiaga o le Atua.