Soane 1:29 - Tosi Tapu

²⁹ I leia ake a aso, na tio loa Soane kia Sesu e au kiate ia, ti na pati loa a ia : Ko leinei le Akeno o le Atua, leia e fakamolemole ia le agasala o le malama nei.

Soane 1:29 ပူးပေါင်းရင်းမြစ်များ

Ekesote 28:38

E tuu loa a ia i le lae o Alone, ti e amo loa e Alone a sala o fanau a Iselaele mo ka lotou momoli alatou moliga tapu i mua o le Eteleno, ti e tali loa e le Eteleno a fanau a Iselaele.

Esaia 53:10

Na malie ki le Eteleno ke fatii a ia i le mamae… I le oki o le soli o lona mauli ko se sakilifisio ki le agasala, E tio loa a ia ki se sakoga ti e fakatologa loa e ia ona aso ; Ti e manuia loa le gaoiaga a le Eteleno i ona lima.

Esaia 53:11

E fiafia loa ona mata o tupu ko le gaoi o lona laumalie. I lona iloa e fakamatatonu loa e laku tagata fakasausau agatonu ni tagata toka api, Ti e amo loa e ia alatou agaveli.

Esaia 53:7

Na fakaveliveli a ia mo fakamamae, Kae na leaise fakamavaa fua e ia lona gutu, Ofaipe se akeno leia e taki ki le fale tamate manu, Se ovi fafine gutu mate i mua o latou ala e koti ia a ia ; Na leaise fakamavaa fua e ia lona gutu.

Oseo 14:2

Kotou toe liliu mai ki le Eteleno, Kotou aumai ni masau. Kotou pati kiate ia : Fakamolemole ki amatou agaveli fuli, Ti ke ke tali matou i lou alofa ! E motou momoli atu loa kiate koe le fakafetai o omatou laugutu, kae leai ni pipi tagata.

Levitiko 10:17

Kolea na leaise kolua kai ai le kanomate o le sakilifisio lena i le ganea tapu, talie ko se nea kai tapu a ia ? Kua tuku a ia e le Eteleno kia kolua, o tupu ke kolua amo ia le agasala o le kakai, o tupu ke kolua fai kiate ia le fakamolemole o agasala i mua o le Eteleno.

Sakalia 13:1

I le aso lena, e fakamavaa loa se matapuna vai Ki le fale o Tavite ti mo le kakai o Selusalemi, Ki le agasala ti mo le kelekele.

Numelo 18:1

Na pati loa le Eteleno kia Alone : Ko koe, mo ou vosa, ti mo le fale o lou tamana mo koe, e kotou amo ia loa le mamae o agasala ala na fai i le sagatualio ; Ko koe mo ou vosa, e kotou amo ia loa le mamae o agasala ala na fai i lakoutou gaoi fakapelepitelo.

Numelo 18:23

E fai loa e le kau Levi le tausi o le falela tapu, ti e lotou amo loa alotou sala. E leaise lotou maua loa se tofiga i loto malie o fanau a Iselaele : ko se lao loa lena ke tuku sosolo i okoutou sakoga.

Numelo 21:9

Na fai loa e Moisese se gata kapa, o fakapipiki ki se pou laakau. Ti ko leia na uuti loa e se gata, ti na tio loa ki le gata kapa, na mauli loa.

Numelo 7:27

mo se pipi tagata muli, mo se ovi tagata, mo se akeno fetuu tasi, ki le failaulau ;

Numelo 7:39

mo se pipi tagata muli, mo se ovi tagata, mo se akeno fetuu tasi, ki le failaulau ;

Mateo 1:21

E fanaui loa e ia se tama, e ke soli loa kiate ia le igoa ko Sesu, talie ko ia loa leia ka saofaki ia loa lona kakai mei alatou agasala.

Mateo 20:28

Na fenaaki le au o le Vosa o le tagata, talie na leaise au a ia ke fakasausau ake kiate ia, kae na au a ia o fakasausau mo soli lona mauli ke totogi ai le toka api.

Soane 1:35

I leia ake a aso, na koi nofo Soane i le ganea lena mo se toka lua o ana tisipulo ;

Soane 1:36

Ti i lana tio kia Sesu e fakalaka, na pati loa a ia : Ko leia le Akeno o le Atua.

Soane 1:43

I leia ake a aso, na loto loa Sesu ke ano ki Kalilea, ti na felavei loa a ia mo Filipo. Ti na pati loa a ia kiate ia : Muli mai iate au.

Soane 2:1

Na sili loa aso e tolu, ti na i ai loa se faiavaga i Kana i Kalilea ; na nofo i ai le tinana o Sesu,

Soane 3:16

Talie na alofa lasi ai le Atua ki le malama nei, na soli e ia lona Alo fuatasi, o tupu ko se tasi fua e tui kiate ia ke aua na mate, kae ke maua e ia le mauli lee gato.

Soane 4:42

ti na lotou pati loa ki le fafine : E leaise motou tui o tupu ko nea ala na ke pati ki ai ; talie kua motou logo tonu kiate ia, ti kua motou iloa ko le fakamauli maoki a ia o le malama nei.

Soane 6:51

Ko au ko le pane mauli leia na ifo mei le lagi. Kapau e kai se tasi ki le pane lena, e mauli loa a ia o lee gato ; ti ko le pane leia e kau soli loa, ko loku tino, leia e kau soli loa ki le mauli o le malama nei.

Gaoi 13:39

ti ko leia e tui kiate ia e lauatea loa i agasala fuli ala na leaise mafai ke kotou lauatea ai i le lao a Moisese.

Gaoi 8:32

Ko le koga tosi leia o le Tosi tapu na lau e ia ko ia leinei : Na taki a ia ofaipe se ovi fafine ki le fale tamate manu ; Ti, ofaipe se akeno gutu mate i mua o leia e koti ia a ia, Na leaise fakamavaa fua e ia lona gutu.

Uluaki tosi ki le kau Kolinto 15:3

Na kau akonaki atu kia koutou i mua o nea fuli, ofaipe le nea leia na kau tali ia foki : na mate Kilisito o tupu ko atatou agasala, o mulimuli ki le Tosi ;

Lua tosi ki le kau Kolinto 5:21

Ko leia na leaise iloa ia le agasala, na fakaliliu a ia e le Atua ko le agasala kia tatou, o tupu ke tou liliu iate ia ko le faitotonu a le Atua.

Kalate 1:4

leia na soli ia a ia o tupu ko atatou agasala, ti ke taaki ai tatou mei le sekulo veli leinei, o mulimuli ki le finegalo o lotatou Atua mo Tamana,

Kalate 3:13

Na totogi tatou e Kilisito mei le malaia o le lao, o liliu a ia ko se malaia o tupu ko tatou - talie e tuu i le Tosi : Malaia leia e tautau i le laakau -

Uluaki tosi kia Timoteo 2:6

leia na soli a ia totonu ke totogi ai tagata fuli. Ko lena le fakamaoki leia na tuku e ia i lona temi totonu,

Tito 2:14

Na soli e ia a ia totonu o tupu ko tatou, o tupu ke totogi ai tatou mei agaveli fuli, ti ke fai e ia kia tatou se kakai maokioki ma ana, leia e mafi lasi ki gaoi malilie.

Epelo 1:3

Ko le Alo ko le malama a ia o lona kololia ti ko le tatau a ia o lona agai, ti e taofi e ia a nea fuli ki lana folafola mafimafi. Kua fai e ia le fakamea o agasala, ti kua ekeeke a ia i le fetuu atamai o le lima atamai o le Atua i ganea taualuga.

Epelo 2:17

Koia na tonu ai ke fakatatau a ia ki ona fetaina i nea fuli, talie ke liliu ai a ia ko se pule fai sakilifisio manavaalofa mo agatonu i lana gaoi i mua o le Atua, ti ke fai e ia le fakamolemole o agasala a le kakai.

Epelo 9:28

E tatau foki mo Kilisito, kua momoli e ia a ia o tua tasi ke amo ai a agasala a se kakai toka api. Ti e toe sa loa a ia i se tua lua o leai ke fufulu ai a agasala, kae ke fakamauli ai latou ala e talitali kiate ia.

Uluaki tosi a Petelo 1:19

kae ki le toto mauiga o Kilisito, ofaipe se akeno sala ila mo lee mele ;

Uluaki tosi a Petelo 2:24

a ia leia na amo ia toka tasi atatou agasala i lona tino i le laakau, o tupu ke tou mate ki atatou agasala kae ke tou mauli ki le maokioki ; ti kua tou mauli i ona kafo.

Uluaki tosi a Petelo 3:18

Talie ko Kilisito foki na mamae o tua tasi o tupu ko le agasala, a ia leia na agatonu ki le kau lee agatonu, o tupu ke aumai e ia tatou ki le Atua ; ti na tamate a ia i lona tino fakatagata, kae na toe aumai a ia ki le mauli e le Laumalie.

Uluaki tosi a Soane 2:2

Ko ia totonu ko le vikitima fakamolemole o atatou agasala, ti e leaise gato fua ki atatou agasala, kae ki agasala foki a le malama nei katoa.

Uluaki tosi a Soane 3:5

Ti e kotou iloa, na sa Sesu ke too e ia a agasala, ti e leaise maua se agasala iate ia.

Uluaki tosi a Soane 4:10

Ti ko leinei le alofa lena : e leaise ko tatou ala na alofa ki le Atua, kae ko le Atua leia na alofa kia tatou ti na kakau ia mai lona Alo ofaipe se vikitima ke totogi ai atou agasala.

Apokalipisi 1:5

ti meia Sesu-Kilisito, ko le tagata fakamaoki agatonu, ko le uluaki tupu mei le kau mate, ti ko le Aliki o sau o le malama nei ! Ki leia e alofa kia tatou, leia na fufulu ia tatou ia tou agasala ki lona toto,

Apokalipisi 12:11

Ti na lotou malo iate ia, o tupu ko le toto o le Akeno, ti mo le folafola o lalatou fakamaoki, ti na leaise lotou alofa ki olatou mauli ke lotou i ai ki le mate.

Apokalipisi 13:8

Ti na atolasio loa kiate ia a kakai fuli o le malama nei, latou ala na leaise tosi olatou igoa i le tosi o le mauli a le Akeno, leia na tamate talu mei le fakatupu o le malama nei.

Apokalipisi 14:1

Ti na kau tio loa, ti ko leinei, na tuu le Akeno i le mauga o Sione, ti na tuu mo ia se kakai ko le tino lelau tino fa tupu fa afe, ala kua tosi i olatou lae lona suafa ti mo le suafa o lona Tamana.

Apokalipisi 14:10

ti e inu loa e ia totonu le vino o le sausau o le Atua, leia kua liligi fakataufua ki le ipu o lona sausau ; ti e fakamamaei loa a ia i le afi mo le sulifa, i mua o le kau aselo maokioki ti mo mua o le Akeno.

Apokalipisi 14:4

Ko latou anei na leaise fakakelekele mo ni fafine, talie e lotou taupoou ; e lotou muli i le Akeno, i ganea fuli ala e ano a ia ki ai. Na totogi latou mei lotolotoga o tagata, ofaipe ni uluaki fua ki le Atua ti mo le Akeno.

Apokalipisi 15:3

Ti na lotou sua loa le katiko a Moisese ko le tagata fakasausau a le Atua, ti mo le katiko o le Akeno, o pati : E lalasi ai mo fulumalie ai au gaoi, ei Aliki ko le Atua Mafimafi ! E maokioki mo maoki ou ala, Sau o atu puleaga !

Apokalipisi 17:14

Ti e lotou tau loa ki le Akeno, ti e malo loa le Akeno ia latou, talie ko le Aliki a ia o aliki, ti ko le Sau a ia o atu sau ; ti e toe malo foki ia latou le kau kalagai, mo le kau filifiliia, ti mo le kau agatonu ala e nonofo mo ia.

Apokalipisi 19:7

Tou fiafia, tou nekenekea, ti tou tuku le kololia kiate ia ; talie kua soko le avaga o le Akeno, kua teuteu lana feauaki,

Apokalipisi 19:9

Ti na pati mai loa le aselo kiate au : Tosi : Manuia latou ala kua kalagai ki le kaitasi o le avaga o le Akeno ! Ti na toe pati mai loa a ia kiate au : Ko folafola anei ko folafola maoki latou a le Atua.

Apokalipisi 21:14

Ti ko le kaua o le kolo na fakatuu ki ni fatu fakatafito e kau agafulu tupu lua, ti na tosi i ai a igoa e kau agafulu tupu lua o apositolo e tino agafulu tupu lua a le Akeno.

Apokalipisi 21:27

Ti e leaise ulu loa ki ai se nea kelekele, pe ko se tasi leia e fai nea fakalialia, pe ko se tasi leia e loi ; kae e ulu loa ki ai latou ala kua tosi i le tosi o le mauli a le Akeno.

Apokalipisi 21:9

Ti na oki a ia, ko se tasi o aselo e toka fitu, ala na too ia a ipu e fitu kua apele i malaia fakaoki e fitu, na au loa o masau mai kiate au, o pati : Au, e kau fakasa atu loa kiate koe le feauaki, le avaga o le Akeno.

Apokalipisi 5:6

Ti na kau tio loa, i loto malie o le ekeekeaga fakasau, mo manu mauuli e fa, ti mo loto malie o le kau matua, ki se Akeno leia na nofo i ai o sakinake kua momoli i se sakilifisio. Na maua e ia ni tala e fitu ti mo ni mata e fitu, ala ko Laumalie e fitu o le Atua kua kakau i le malama nei katoa.

Apokalipisi 5:8

I lana too le tosi, na tulolo loa a manu mauuli e fa ti mo matua e tino lua tupu fa i mua o le Akeno, o tasi too lana alepe ti mo ni ipu aulo kua apelepele i kaloni, ala ko faikole a le kau sagato.

Apokalipisi 6:1

Ti na kau tio loa, i le fakamavaa e le Akeno le uluaki fakamau o fakamau e fitu, ti na kau logo loa ki le uluaki o manu mauuli e fa na pati ofaipe se leo o se mana : Au.

Apokalipisi 6:16

Ti na lotou pati loa ki mauga mo utu : kotou vivilo mai kia matou, o fufu matou mei mata o leia e ekeeke i le ekeekeaga fakasau, ti mei le sausau o le Akeno ;

Apokalipisi 7:14

Na kau tali loa kiate ia : Ei loku Aliki, e ke iloa a ia. Ti na pati mai loa a ia kiate au : Ko latou anei na au mei le mamae lasi ; ti kua lotou fo olatou kofu, ti kua lotou fakatetea latou i le toto o le Akeno.

Apokalipisi 7:17

Talie ko le Akeno leia e nofo i loto malie o le ekeekeaga fakasau e fagai ia loa latou ti mo taki ia loa latou ki matapuna o le vai mauli, ti e solosoloi loa e le Atua a loimata fuli i olatou mata.