Soane 1:26 - Tosi Tapu

²⁶ Na tali loa Soane kia latou : Ko au, e kau fai papitema ki le vai, kae i lotomalie o koutou e i ai se tasi leia e leaise kotou iloa, leia e au i oku muli,

Soane 1:26 ပူးပေါင်းရင်းမြစ်များ

Mateo 3:11

Ko au, e kau papitema koutou ki le vai o uiga mo le fakasemala, kae ko ia loa leia e olo mai kiate au e makeke ake iate au, ti e leaise kau gali ke kapa ki ona taka. Ko ia leia e papitema ia loa koutou ki le Laumalie Maokioki ti mo le afi.

Mateo 3:6

ti na lotou kofesio fakalauatea alatou agasala, ti na papitema latou e Soane i le vai o Solotane.

Maleko 1:8

Ko au, na kau papitema koutou ki le vai ; kae e papitema loa e ia koutou ki le Laumalie Maokioki.

Luka 3:16

na pati loa Soane kia latou fuli : Ko au, e kau papitema koutou ki le vai ; kae e au loa leia e makeke ake iate au, ti e leaise kau gali ke kau tatala ia a sai o ona taka. Ko ia leia e papitema ia loa koutou ki le Laumalie Maokioki mo le afi.

Soane 16:3

Ti e lotou fai loa a nea ana kia koutou, talie na leaise lotou iloa le Tamana, pe ko au.

Soane 17:25

Tamana faitotonu, na leaise iloa a koe e le malama nei ; kae na kau iloa a koe, ti kua iloa e latou anei na ke kakau ia mai au.

Soane 17:3

Ti ko leinei le mauli lee gato, ke lotou iloa a koe, leia ko le Atua maoki fai e tasi, ti mo leia na ke kakau ia mai, Sesu-Kilisito.

Soane 8:19

Na lotou pati loa kiate ia : Kofea lou Tamana ? Na tali loa Sesu : E leaise kotou iloa fua au, pe ko loku Tamana. Kanapau na kotou iloa au, e kotou iloa foki loku Tamana.

Gaoi 1:5

Talie na papitema Soane ki le vai, kae ko koutou, i ni ga aso teiki fua, e kotou papitema loa ki le Laumalie Maokioki.

Gaoi 11:16

Ti na kau manatui loa le folafola leinei a le Aliki : Na papitema Soane ki le vai, kae ko koutou, e kotou papitema loa ki le Laumalie Maokioki.

Gaoi 19:4

Ti na pati loa Paulo : Na fai papitema Soane ki le papitema o le fakasemala, o pati ki le kakai ke tui ki leia e au i ona muli, ko lona uiga, kia Sesu.

Uluaki tosi a Soane 3:1

Kotou tio ki le lasi o le alofa leia na soli mai kia tatou e le Tamana, ke tou igoa ko fanau a le Atua ! Ti ko tatou ko ana fanau maoki. Kapau e leaise iloa tatou e le malama nei, talie na leaise iloa e ia le Atua.