Soane 1:14 - Tosi Tapu

¹⁴ Ti na tupu tagata le folafola, ti na nofo a ia ia tatou, o apele i le kalasia mo le maoki ; ti na motou tio ki lona kololia, ko se kololia ofaipe le kololia o le Alo fuatasi na au mei le Tamana.

Soane 1:14 ပူးပေါင်းရင်းမြစ်များ

Pesalemo 2:7

E kau fakasa loa le fono ; Na pati mai le Eteleno kiate au : Ko loku alo a koe ! Na kau fakatupu a koe i le aso nei.

Pesalemo 45:2

E mapunapuna ni masau fakalaukau i loku loto. E kau pati : E tuku laku gaoi ki le sau ! Ke fai loku alelo pe le peni a se tagata maau !

Pesalemo 85:9

E kau fakalogo loa ki le nea leia e pati loa ki ai le Atua, le Eteleno ; Talie e masau a ia ki le tokamalie ki lona kakai mo lana kau agatonu, O tupu ke aua na lotou toe vilo ki valea.

Esaia 40:5

Ti e fakasa loa le kololia o le Eteleno, Ti e tio loa kiate ia a tagata fuli i le temi fai lena ; Talie kua folafola le gutu o le Eteleno.

Esaia 53:2

Na tupu ake a ia o lasi i ona mua ofaipe se ga laakau gaegae, Ofaipe se uli leia e somo ake i se kele malo ; Na leaise maua e ia se fulumalie, pe ko se gigila ke tapa ki otou mata, Ti na leaise nea fua iate ia ke tou alofa ai kiate ia.

Esaia 7:14

Koia e tuku atu loa e le Aliki totonu kia koutou se fakamailoga ; Ko leinei, e tinae loa le taupoou, ti e fanaui loa e ia se tama, Ti e soli loa e ia kiate ia le igoa ko Emanuele.

Esekiele 37:27

E tuu loa loku nofoaga i lotolotoga o latou ; e kau nofo loa i ai ko lolatou Atua, ti ko latou ko loku kakai.

Mateo 1:16

ko Sakopo na tupu ai Sosefo, avaga o Malia, leia na fanaui ia Sesu, leia na igoa ko Kilisito.

Luka 2:11

I le aso nei, i le kolo o Tavite, kua tupu kia koutou se Fakamauli, leia ko Kilisito, ko le Aliki.

Luka 2:7

ti na fanaui loa e ia lona tama uluaki. Na kofukofu loa e ia a ia, o fakamoe i se kaiaga manu, talie na leai se nofoaga i le fale talifanoga kia latou.

Luka 9:32

Na mamafa ai a mata o Petelo mo ona kaukau nea i le fia momoe ; kae i lalatou alaala, na lotou tio loa ki le kololia o Sesu mo tagata e toka lua ala na tutuu mo ia.

Soane 1:1

I le kamataaga na agai le folafola, ti na agai le folafola mo le Atua, ti na Atua le folafola.

Soane 11:40

Na pati loa Sesu kiate ia : Pe na leaise kau pati atu kiate koe, kapau e ke tui, ti e ke tio loa ki le kololia o le Atua ?

Soane 14:6

Na pati loa Sesu kiate ia : Ko au ko le ala, mo le maoki, ti mo le mauli. E leaise au se tasi ki le Tamana, kae iate au.

Soane 14:9

Na pati loa Sesu kiate ia : Kua fualoa ai laku nofo mo koutou, kae leaise ke iloa aifai a au, Filipo ! Ko leia kua tio kiate au kua tio a ia ki le Tamana ; e feaki e ke pati ai : Fakasa mai kia matou le Tamana ?

Soane 17:22

Kua kau tuku kia latou le kololia leia na ke soli mai kiate au, o tupu ke lotou liliu ko se nea e tasi ofaipe taua ko se nea e tasi,

Soane 17:24

Tamana, na ke soli mai latou kiate au, ti e kau loto ke lotou nonofo foki mo au i le ganea leia e kau nofo ai, o tupu ke lotou tio ki loku kololia, le kololia leia na ke soli mai kiate au, talie na ke alofa kiate au i mua o le fakatupu o le malama nei.

Soane 18:37

Na pati loa Pilato kiate ia : Pe ko se sau koia a koe ? Na tali loa Sesu : E ke fakasa a ia, e kau sau. Na kau tupu ti na kau au ki le malama nei o fakamaoki ki le maoki. Ko leia e nofo i le maoki, e logo a ia ki loku leo.

Soane 2:11

Ko le uluaki milakulo loa a ia, leia na fai loa e Sesu i Kana i Kalilea. Na fakasa loa e ia lona kololia, ti na tui loa ana tisipulo kiate ia.

Soane 3:16

Talie na alofa lasi ai le Atua ki le malama nei, na soli e ia lona Alo fuatasi, o tupu ko se tasi fua e tui kiate ia ke aua na mate, kae ke maua e ia le mauli lee gato.

Soane 3:18

Ko leia e tui kiate ia e leaise fakamaaui loa ; kae ko leia e leaise tui kua fakamaaui a ia, talie na leaise tui a ia ki le suafa o le Alo fuatasi o le Atua.

Soane 6:51

Ko au ko le pane mauli leia na ifo mei le lagi. Kapau e kai se tasi ki le pane lena, e mauli loa a ia o lee gato ; ti ko le pane leia e kau soli loa, ko loku tino, leia e kau soli loa ki le mauli o le malama nei.

Soane 8:32

ti e kotou iloa loa le maoki, ti e fakalauatea loa koutou e le maoki.

Gaoi 13:33

kua fakasoko e ia kia tatou ala ko alatou fanau, i lana toe fakatuuake Sesu mei le kau mate, o mulimuli ki le nea leia e tosi i le pesalemo lua : Ko loku Vosa a koe, Na kau fanaui a koe i le aso nei.

Loma 8:3

Talie - na leaise mafai a ia e le lao, talie na fakaliliu e le kanofi le lao o gaegae - na tautea e le Atua le agasala i le kanofi, i lana kakau mai, o tupu ko le agasala, lona Alo totonu i se kanofi na tatau mo le kanofi o le agasala.

Loma 9:5

ti mo le kau pateliaka foki, ala na tupu mei ai le tino o Kilisito, leia e taualuga i nea fuli, ko le Atua manuia o lee gato. Amene !

Uluaki tosi ki le kau Kolinto 15:47

Ko le uluaki tagata, leia na tupu mei le kele, e fakakele ; ko le lua tagata ko le Aliki a ia mei lagi.

Lua tosi ki le kau Kolinto 12:9

kae na pati mai a ia kiate au : e feauga loku kalasia kiate koe, talie e fakasoko loku makeke i le gaegae. Koia e kau fakakololia tafito loa i oku gaegae, o tupu ke nofo le makeke o Kilisito iate au.

Kalate 4:4

kae i le kaku mai o le temi leia na fakatuutuu ki ai, na kakau mai loa e le Atua lona Alo, leia na tupu mei se fafine, leia na tupu i le lao,

Efeso 3:8

Kiate au, leia e ikiiki oki i le kau sagato katoa, kua tuku ki ai le kalasia lena ke kau fakasa ia ki le kau pagani a koloa loloto o Kilisito,

Kolose 1:19

Talie na loto le Atua ke nofo a apeleaga fuli iate ia ;

Kolose 2:3

misitelio leia e fufu ai a koloa fuli o le poto ti mo le iloa.

Kolose 2:9

Talie e nofo fakatino iate ia le apeleaga katoa o le Atua.

Uluaki tosi kia Timoteo 3:16

Ti e maoki, e lasi le misitelio o le alofa o le Atua : Kua fakasa le Atua i le kanofi, kua fakamaoki a ia i le Laumalie, kua tio kiate ia le kau aselo, kua fakamafola a ia ki puleaga, kua tui kiate ia i le malama nei, ti kua siki ake a ia ki le kololia.

Epelo 1:3

Ko le Alo ko le malama a ia o lona kololia ti ko le tatau a ia o lona agai, ti e taofi e ia a nea fuli ki lana folafola mafimafi. Kua fai e ia le fakamea o agasala, ti kua ekeeke a ia i le fetuu atamai o le lima atamai o le Atua i ganea taualuga.

Epelo 1:5

Talie ko ai i le kau aselo kua pati ki ai le Atua : Ko loku Alo a koe, Kua kau fakatupu a koe i le aso nei Ti e toe pati foki : E kau liliu loa ko se tamana kiate ia, ti e liliu loa a ia ko se vosa kiate au.

Epelo 10:5

Koia na pati ai Kilisito, i lana au ki le malama nei : Na leaise ke loto ki se sakilifisio pe ko se moliga, Kae na ke fau se tino kiate au ;

Epelo 2:11

Talie ko leia e fakamea ia, ti mo latou ala kua fakamea, e lotou au fuli mei le toka tasi. Koia e leaise luma ai a ia i lolatou fakaigoa ko ona fetaina,

Epelo 5:5

Kae ko Kilisito, na leaise too e ia totonu kiate ia le kololia ke nofo ko le pule fai sakilifisio, kae na maua e ia mei leia na pati kiate ia : Ko loku Vosa a koe, Na kau fakatupu a koe i le aso nei !

Uluaki tosi a Soane 4:14

Ti ko matou, na motou tio, ti e motou fakamaoki na kakau e le Tamana lona Alo ko le Fakamauli ki le malama nei.

Uluaki tosi a Soane 4:9

Na fakasa le alofa o le Atua kia tatou i lana kakau mai lona Alo fuatasi ki le malama nei, o tupu ke tou mauli iate ia.

Lua tosi a Soane 1:7

Talie kua ulu mai ki le malama nei ni tagata toka api, ti e leaise lotou fakasa ia kua au Sesu-Kilisito i se tino fakatagata ; ko leia e felaaki ko le tagata a ia, ti ko le atekilisito.

Apokalipisi 19:13

ti na kofu a ia ki se taupulupulu na ukui i se toto. Ko lona igoa ko le folafola a le Atua.

Apokalipisi 21:3

Ti na kau logo loa mei le ekeekeaga fakasau ki se leo makeke leia na pati : Ko leinei le tapenakulo o le Atua mo tagata ! E nofo loa a ia mo latou, ti e lotou liliu loa ko lona kakai, ti e nofo loa le Atua totonu mo latou.