Senesi 9:6 - Tosi Tapu

⁶ Kapau e liligi e se tasi le toto o se tagata, ti e toe liligi loa e le tagata lona toto ; talie kua fakatupu e le Atua le tagata o fakatatau kiate ia.

Senesi 9:6 ပူးပေါင်းရင်းမြစ်များ

Senesi 4:14

Ko leinei e ke kapu au i le aso nei i le kele leinei ; ti e tonu loa ke kau mumuni o mamao mo koe ; e kau liliu loa ko se nea sese mo foli noa i fuga o le kele, ti ka maua loa au e se tasi, ti e tamate loa e ia au.

Senesi 42:22

Na masau loa Lupeni kia latou, o pati : Pe na leaise kau pati atu kia koutou ke aua na kotou fai se nea veli ki le toe ? Kae na leaise kotou fakalogo mai kiate au. Ti ko leinei, kua tou totogi loa lona toto.

Senesi 5:1

Ko leinei le tosi o le sakoga o Atama. I le fakatupu e le Eteleno le tagata, na fai loa e ia a ia o fakatatau ki le Atua.

Lua tosi a Samuele 4:11

ti e feaki ake loa mo kapau kua tukipooi e ni tagata agaveli se tagata agatonu i lona fale, i lona moeaga, pe leaise toe kese ake loa laku afa lona toto ki okoulua lima, pe leaise kau tamate fenaaki loa koulua ?

Uluaki tosi o Sau 2:9

I le lakaga nei, aua na ke tuku loa a ia ke sala tua ; talie ko se tagata poto a koe, ti e ke iloa loa le nea leia e tonu ke fai kiate ia. E ke fakaifo loa lona fa ulu sina kua totototoa ki le popoko.

Lua tosi o Sau 11:1

I le tio loa a Atalia, tinana o Akasia, kua mate lona tama, na tuu ake loa a ia, o tamate le sakoga sau fuli.

Lua tosi o Sau 11:16

Na tuku ake loa a ia ke ano, ti na ano loa a ia ki le fale sau i le ala leia e ulu ai a osi : ti na tamate loa a ia i ai.

Lua tosi o Sau 11:20

Na fakafiafia le kakai katoa o le fenua, ti na fimalie loa le kolo. Na lotou tamate loa Atalia ki le seleta i le fale o le sau.

Lua tosi o Koloniko 33:24

Na fono loa ana tagata fakasausau ke tamate a ia, ti na lotou tamate loa a ia i lona fale.

Pesalemo 51:4

Ke ke fufulu katoa au i laku agaveli, Ti ke ke fakamea au i laku agasala.

Ekesote 20:13

Aua na ke tukipo.

Taagapati 28:17

Ko se tagata leia e nofo mo se tukipo i lona loto E sola o kaku ki le popoko : ke aua na taofi a ia !

Ekelesiasi 3:3

se temi ke tamate ai, ti mo se temi ke fakamauli ai ; se temi ke soloi ai, ti mo se temi ke laga ai ;

Levitiko 17:4

ti e leaise aumai loa e ia a ia ki le uluaga o le falela tapu, o momoli ki le Eteleno, i mua o le falela o le Eteleno, e lau loa le toto ki le tagata lena ; kua liligi e ia le toto, e tuuti loa le tagata lena mei lona kakai.

Levitiko 24:17

Ko leia e tamate ia loa se tasi e tautea loa a ia ki le mate.

Numelo 35:16

Kapau e taai loa e se tasi lona oloi ki se nea ukamea o tupu ai lona mate, ko se tukipo a ia : ti e fakatuaa loa le tagata tukipo ki le mate.

Numelo 35:25

E fakamauli loa e le kakai le tagata tukipo mei le lima o le tagata totogi toto. E toe fakaliliu loa e le kakai le tagata lena ki le kolo ulufaga leia na sola ki ai. E nofo loa a ia i ai o kaku ki le mate o le tagata faisakilifisio lasi leia kua pani ki le lolo tapu.

Numelo 35:33

Ke aua na kotou fakakelekele loa le fenua leia e kotou nonofo ai loa : talie e fakakelekele e le tagata tukipo le fenua ; ti kapau e tukipooi loa se tagata o mate, koi fakamea loa le fenua mo kapau e tamate loa le tagata tukipo.

Mateo 26:52

Na pati loa Sesu kiate ia : Toe velo lau seleta ki lona tukuaga, talie ko latou fuli ala e too ia loa le seleta e toe mamate loa i le seleta.

Loma 13:4

Ko le pule ko le tagata fakasausau a ia a le Atua o uiga mo lou malie. Kae kapau e ke fai le veli, ke ke i ; talie e leaise too noa e ia le seleta : ko ia ko le tagata fakasausau a le Atua, ke fai ia le lagavaka ti mo tautea ia leia e fai ia le veli.

Uluaki tosi ki le kau Kolinto 11:7

E leaise tonu ke puloui e le tagata lona ulu, talie ko le paaki a ia o le kololia o le Atua, kae ko le fafine ko le kololia a ia o le tagata.

Tetelonome 19:11

Kae kapau e sola loa se tagata ki se kolo o kolo ana, kae na teuteui e ia ni puleaki veveli i lona vesia ki lona oloi, ti na lama e ia a ia o taai o tupu ai lona mate,

Tetelonome 5:17

Ke aua na ke tukipo loa.

Sakopo 3:9

E tou fakafetai ki le Aliki lotatou Tamana i le alelo, ti e tou lauveli foki i le alelo ki tagata ala na fai o fakatatau ki le paaki o le Atua.

Apokalipisi 13:10

Kapau na fakatuutuu se tasi ki le fakapopula, ti e ano loa a ia ki le fakapopula ; kapau e tamate se tasi ki le seleta, e tonu ke tamate a ia ki le seleta. Ko leinei le kataki fualoa mo le tui a le kau sagato.

Tuifakamaau 9:56

I le nea lena, na totogi loa e le Atua kia Apimeleke le veli leia na fai e ia ki lona tamana, o tamate ona vosa e tino fitu,

Uluaki tosi a Samuele 15:33

Na pati loa Samuele : Ofaipe lau seleta leia na fakaliliu ia ni fafine o sala fanau, e sala vosa loa lou tinana i fafine ana kua sala fanau. Ti na tutuuti loa e Samuele a Akake i mua o le Eteleno, i Kilikale.