Senesi 9:23 - Tosi Tapu

²³ Koia na too ai loa e Semi mo Safeti se taupulupulu o teki ki ola tuauma, ti na la saele fakasolomuli loa ki loto o le falela, o uufi le telefua o lola tamana. Na tio kese ola mata ke aua na la tio ki le telefua o lola tamana.

Senesi 9:23 ပူးပေါင်းရင်းမြစ်များ

Senesi 9:22

Ko Kami, tamana o Kanaane, na tio loa ki le telefua o lona tamana, ti na fakasa loa e ia le nea lena ki ona fetaina e toka lua ala na nonofo i fafo.

Senesi 9:24

I le ofo ake a Noe i lona kona, na logo loa a ia ki le nea leia na fai kiate ia e le lua o ona vosa.

Ekesote 20:12

Fakaapaapa ki lou tamana mo lou tinana, o tupu ke tologa lou mauli i le fenua leia e soli atu loa kiate koe e le Eteleno, lou Atua.

Levitiko 19:32

E ke tuu loa ki aluga i mua o le ulu sina, ti ke fakaapaapa loa ki le matua. E ke i loa ki lou Atua. Ko au ko le Eteleno.

Loma 13:7

Ke kotou liufaki ki tagata fuli le nea leia e tonu ke maua e ia : le tukusau ki leia e tonu ke kotou ui ki ai, le totogi ki leia e tonu ke kotou totogi ki ai, le i ki leia e tonu ke kotou i ki ai, le fakaapaapa ki leia e tonu ke kotou fakaapaapa ki ai.

Kalate 6:1

Fetaina, kapau e maua atu se tasi kua sala, ko koutou ala e fakalaumalie, kotou fakatonutonu a ia i se loto agamalu. Tokaga kiate koe totonu, talie ke aua na toe fakasalai foki mo koe.

Uluaki tosi kia Timoteo 5:1

Aua na ke valoki fakamakeke le matua, kae fakalotomakeke a ia ofaipe se tamana ; fakalotomakeke le kau tupulaga ofaipe ni fetaina,

Uluaki tosi kia Timoteo 5:17

Ko kau fakamatuatua ala e taki malie, ke tuku kia latou se fakaapaapa lasi, kae tafito latou ala e gaoi ki le folafola mo le akonaki.

Uluaki tosi kia Timoteo 5:19

Aua na ke tali fua se fakalakasala o se fakamatuatua, mo kapau e leaise tuku a ia e ni tagata fakamaoki e toka lua pe toka tolu.

Uluaki tosi a Petelo 2:17

Kotou fakaapaapa ki tagata fuli, kotou alofa ki fetaina, kotou i ki le Atua, kotou fakaapaapa ki le sau.

Uluaki tosi a Petelo 4:8

I mua o nea fuli, ke kotou maua i okoutou vasaa se alofa vevela, talie E uufi e le alofa ni agasala lasi ai.