Senesi 9:2 - Tosi Tapu

² E i loa a manu fuli o le kele kia koutou, a manu lele fuli o le lagi, mo nea fuli ala e taka i aluga o le kele, ti mo ika fuli o le tai : kua tuku fuli atu latou ki okoutou lima.

Senesi 9:2 ပူးပေါင်းရင်းမြစ်များ

Senesi 1:21

Ti na fakatupu loa e le Atua a ika lalasi, ti mo manu mauli fuli ala e feanoaki mo fanaunau i le vai o mulimuli ki olatou faasiga. Na toe fakatupu foki e ia a manu lele kesekese. Na tio loa le Atua na malie le nea lena.

Senesi 1:26

Ti na pati loa le Atua : Ke tou fakatupu le tagata o fakatatau kia tatou, ti ke pule a ia ki ika o le tai, mo manu lele o le lagi, mo manu lalata, ti mo manu totolo o le kele.

Senesi 1:28

Na tapuaki loa le Atua kia laua, ti na pati loa le Atua kia laua : Kolua fanaunau, kolua liuliuga, kolua fakaapi le kele, ti kolua pulei a ai ; kolua pule ki ika o le tai, mo manu lele o le lagi, ti mo manu fuli ala e taka i le kele.

Senesi 2:19

Ti na fau loa e le Eteleno Atua mei le kele a manu fuli o le vao, mo manu lele fuli o le lagi, ti na aumai loa e ia latou ki le tagata, talie ke tio a ia pe feaki loa le aga a le tagata o fakaigoa a manu, ti ke maua e nea fuli ala e mauli le igoa leia e tuku ake loa e le tagata.

Senesi 35:5

Ti na lotou ano loa. Na mafola loa le i ki le Atua i kolo fuli ala na ofi kia latou, ti na leaise tuli loa e se tasi a vosa o Sakopo.

Senesi 9:1

Na tapuaki loa le Atua kia Noe mo ona vosa, o pati kia latou : Kotou fanaunau, mo kotou liuliuga, ti mo kotou fakaapele le kele.

Senesi 9:3

E tuku atu loa kia koutou a nea fuli ala e taugaoi mo mauli ke kotou kai : e kau tuku atu kia koutou a nea fuli ana ofaipe laku tuku atu kia koutou le mutie sesega.

Sopo 39:11

E taka a ia i mauga o afa lana nea kai, Ti e afa e ia a nea fuli e sesega.

Esekiele 34:25

E kau fai loa mo latou se sai o le tokamalie, ti e kau fakapuli loa i le fenua a manu fekai ; ti e nofo loa aku ovi i le fimalie i le toafa, ti e lotou momoe loa i loto o vaomatua.

Oseo 2:18

I le aso lena, e pati loa le Eteleno : E ke fakaigoa loa au : Loku avaga ! ti e leaise ke toe fakaigoa loa au : Loku pule !

Levitiko 26:22

E kau kakau mai loa kia koutou a manu fekai o le vao, ti e lotou tamate loa okoutou fanau, ti e lotou kai loa akoutou kau manu, ti e lotou fakateiki loa koutou, ti e lavaki loa okoutou ala.

Levitiko 26:6

E kau tuku loa le tokamalie ki le fenua, ti e kotou momoe loa i le tokamalie, e leaise kotou tuania ia loa se tagata. E kau fakamamao loa mei le fenua a manu veveli, ti e leaise toe au loa le seleta ki lokoutou fenua.

Sakopo 3:7

Talie na fakalalata e le tagata i mua, ti e koi fakalalata nei foki e ia a manu fekai kesekese fuli, mo manu lele, mo manu totolo, ti mo manu o le tai ;