Senesi 9:15 - Tosi Tapu

¹⁵ Ti e kau manatui loa laku sai leia kua kau fai mo koutou mo faasiga manu kesekese fuli, ti e leaise toe liliu loa le ua ko se lomaki o maumaui ia a kanofi fuli.

Senesi 9:15 ပူးပေါင်းရင်းမြစ်များ

Senesi 8:21

Na nanamu loa le Eteleno ki le manogi o le sakilifisio, ti na pati loa a ia i lona loto : E leaise kau toe fakamalaia loa le kele o tupu ko le tagata, talie e veveli a manatu o le loto o le tagata mei lona ikiiki ; ti e leaise kau toe tautea loa a nea fuli e mauli, ofaipe le nea leinei kua kau fai.

Senesi 9:10

ti mo nea fuli ala e mauuli i okoutou tafa : tatau a manu lele, mo manu lalata, mo manu fuli o le vao, mo manu fuli ala na mavae mei le aleka, ti mo manu fuli ala e mauli loa ki muli i aluga o le kele.

Senesi 9:11

E kau fai laku fakapapau kia koutou : E leaise toe tamate loa e le vai o le lomaki a kanofi fuli i se aso, ti e leaise toe to loa se lomaki o maumaui le malama nei.

Senesi 9:14

I le aso leia e kau tanaki ai loa ni ao i aluga o le kele, e sa loa le nuanua i le ao,

Uluaki tosi o Sau 8:23

Ei Eteleno, Atua o Iselaele ! E leaise tasi ake Atua e toe tatau mo koe, i aluga i le lagi ti mo lalo i le kele : e ke taupau le sai mo lou manava alofa ki au tagata fakasausau ala e saele i lou agai mo le loto katoa !

Neemia 9:32

Ti ko leinei, ei lomatou Atua, Atua lasi, mo mafimafi, mo fakaii, a koe leia e taupau ia lau sai ti e manava alofa, aua na ke tio ki mamae fuli ala na motou tali ofaipe se ganea noa, a mamae ala na motou tali e matou, mo omatou sau, mo omatou pule, mo omatou tagata faisakilifisio, mo omatou polofeta, mo omatou tamana ti mo le kakai katoa, mei le temi o sau o Asilia o kaku mai ki le aso nei.

Pesalemo 106:45

Na manatui loa e ia lana sai leia na fai mo latou ; Ti na aloalofa loa a ia kia latou i lona agamalie lasi,

Ekesote 28:12

E ke fakapipiki loa a fatu ana e lua ki tuauma e lua o le efote, ke fakamanatu ai a vosa o Iselaele ; ti e amo loa e Alone olatou igoa i ona tuauma i mua o le Eteleno, ofaipe se tausi alofa.

Selemia 14:21

Aua na ke fakalialia kia matou, o tupu ko lou suafa, Aua na ke tuku ke kelekele le ekeekeaga fakasau o lou kololia ! Aua na galo iate koe, aua na ke motusi lau sai mo matou !

Esekiele 16:60

Kae e kau toe manatui loa laku sai mo koe i le temi o lou ikiiki, ti e kau toe fai loa mo koe se sai lee gato.

Luka 1:72

E fakasa e ia i ai lona manavaalofa ki otatou tamana, Ti e manatui e ia lana sai maokioki,

Tetelonome 7:9

Koia, ke ke iloa ko le Eteleno ko lou Atua, ko le Atua a ia e tasi, ko le Atua agatonu : E taupau e ia lana sai mo lona manava alofa o kaku ki le afe o tautupu kia latou ala e alofa kiate ia, mo tausi ia ana folafola.