Senesi 8:4 - Tosi Tapu

⁴ I le aso kau agafulu tupu fitu o le fitu masina, na tuu loa le aleka i aluga o le mauga ko Alalate.

Senesi 8:4 ပူးပေါင်းရင်းမြစ်များ

Senesi 7:20

Na fakalaka loa le vai i aluga o tumutumu o mauga taualuga i ni meta e fitu mo le vaelua : na pupuli loa a mauga taualuga fuli i le vai.

Senesi 8:5

Na soko atu le ifo o le vai o kaku ki le masina kau agafulu. I le uluaki aso o le masina lena na sa loa a tumutumu o mauga.

Lua tosi o Sau 19:37

I se aso na tulolo ai loa a ia i le fale o Niseloke, lona atua, na taai loa a ia e Atalameleke mo Saletesele, ko ona vosa, ki le seleta, ti na la sosola loa ki le fenua o Alalate. Ti na sau loa Esale-Atone, lona vosa, o fetogi a ia.

Esaia 37:38

I se aso leia na lolotoga punou ai a ia i le fale o Niseloke, lona atua, na tamate loa a ia e ona vosa ko Atelameleke mo Saletesele ki le seleta, ti na la sosola loa ki le fenua o Alalate. Ti na pule loa lona vosa, ko Esale-Atone, o fetogi a ia.

Selemia 51:27

Kotou fakatuu se manumanu i le fenua ! Kotou pupusi le fakatagi pupusi i atu puleaga ! Kotou teuteu a atu puleaga kiate ia ! Kotou kalagai kiate ia a puleaga o Alalate, mo Mine, mo Asekenase ! Kotou fakanofo ni pule kiate ia ! Kotou fakasaele kiate ia a osi ofaipe ni seseivaka !