Senesi 8:21 - Tosi Tapu

²¹ Na nanamu loa le Eteleno ki le manogi o le sakilifisio, ti na pati loa a ia i lona loto : E leaise kau toe fakamalaia loa le kele o tupu ko le tagata, talie e veveli a manatu o le loto o le tagata mei lona ikiiki ; ti e leaise kau toe tautea loa a nea fuli e mauli, ofaipe le nea leinei kua kau fai.

Senesi 8:21 ပူးပေါင်းရင်းမြစ်များ

Senesi 3:17

Ti na pati loa a ia ki le tagata : O tupu na ke fakalogo ki le leo o lau avaga, ti na ke kai ki le fua o le laakau leia na kau fakatotonu atu kiate koe : E leaise ke kai loa ki ai ! E malaia loa le kele o tupu ko koe. E ke gaoi pakia loa ke maua ai lau nea kai i aso fuli o lou mauli.

Senesi 4:12

Ka ke gaoi loa ki le kele, e leaise toe soli atu loa e le kele kiate koe lona koloa. E ke sese loa, ti e ke foli noa loa i aluga o le kele.

Senesi 5:29

Ti na soli loa e ia kiate ia le igoa ko Noe, o pati : Ko ia leinei e fakafimalie ia loa tatou i atatou gaoi pakia, talie kua fakamalaia le kele leinei e le Eteleno.

Senesi 6:13

Koia na pati ai loa le Atua kia Noe : Kua kau fakapapau ke fakagato a tagata fuli ; talie kua lotou fakaapele ia le kele ki le agamakeke ; e kau maumaui loa a tagata mo le kele.

Senesi 6:17

Ti ko au, e kau kakau mai loa le lomaki ke to ki le kele, o maumaui a nea fuli ala e mauli i lalo o le lagi ; ti e mamate loa a nea fuli ala e mauli i aluga o le kele.

Senesi 6:5

Na tio loa le Eteleno kua lasi le agaveli o le tagata i malama nei, ti kua ano fuai a manatu fuli o lona loto i aso fuli ki le nea leia e veli.

Senesi 6:7

Ti na pati loa le Eteleno : E kau fakapuli loa i aluga o le malama nei le tagata leia na kau fakatupu, mei le tagata o kaku ki manu lalasi, mo manu liliki, ti mo manu lele o le lagi ; talie kua kau fakasemala i laku fakatupu ia latou.

Sopo 14:4

Pe feaki loa ke tupu mei se tagata kelekele se tagata mea ? E leaise feala ke tupu meiate ia se fa toka tasi fua.

Pesalemo 51:5

Talie e kau iloa aku sala : Ti e tuu mau laku agasala i oku mua.

Pesalemo 58:3

Leai ai ! I le loto, e kotou fai ni agaveli, I le fenua ko okoutou lima ala na fakataga ia le agamakeke e fai ia a fakamaau.

Pesalemo 58:4

E fakalialia le kau agaveli mei le manava o olatou tinana ; E sese le kau gutu loiloi mei lolatou vilo i le manava o olatou tinana.

Ekesote 29:18

E ke tutu loa le ovi tagata katoa i le aletale ; ko se failaulau lena ki le Eteleno, ko se sakilifisio leia e tutu e le afi, ti e manogi malie a ia ki le Eteleno.

Ekesote 29:25

E ke too loa a nea ana i olatou lima, ti e ke tutu loa latou i le aletale, i aluga o le failaulau ; ko se sakilifisio tutu katoa a ia e le afi i mua o le Eteleno, ti e manogi malie a ia ki le Eteleno.

Taagapati 20:9

Ko ai e pati loa : kua kau fakamea loku loto, Kua kau mea i laku agasala ?

Ekelesiasi 7:20

Leai, e leaise maua i le malama nei se tagata agatonu e tasi leia e fai ia le malie, ti e leaise agasala i se aso.

Esaia 47:12

Soko atu lau fai au fakalaulaakau Ti mo au faitoo fakatemonio, Ala na ke gaoi pakia ki ai mei lou ikiiki ; E lagi feala loa ke ke maua ia latou se nea, E lagi feala loa ke ke makeke ai.

Esaia 47:15

Ko lena loa le anoaga o latou ala na ke pakia i le afa ki ai. Ti ko latou ala na faikoloa mo koe talu mei lou ikiiki E mavetevete loa o tasi ano ki lona fetuu : E leaise au loa se tasi o tokoi kiate koe.

Esaia 48:8

Na leaise ke logo fua ki ai, na leaise ke iloa fua se nea, Ti na leaise logo fua lou taliga ki ai i le temi kua sili : Talie na kau iloa e leaise ke agatonu loa, Ti na fakaigoa a koe talu mei lou tupu ko le taine agatuu.

Esaia 53:6

Na tou sese fuli ofaipe ni ovi, Na tou tasi muli i lona ala totonu ; Ti na fakavilo e le Eteleno kiate ia le agatuu a tatou fuli.

Esaia 65:6

Ko leinei le nea leia na kau fakapapau i loku loto : E mamao iate au le fakalologo, e kau fakaamo loa kia koutou le tua, Io, e kau fakaamo loa kia latou le tua,

Selemia 17:9

E pikopiko le loto o fakalaka i nea fuli, ti e agaveli a ia : Ko ai e mafai ke iloa ia a ia ?

Selemia 18:12

Kae e lotou pati : E leai sona aoga ! Talie e motou mulimuli loa ki amatou manatu, E motou tasi fai loa o mulimuli ki oli o lomatou loto veli.

Selemia 8:6

E kau tokaga, ti e kau fakalogo : E leaise lotou masau ki le nea leia e tonu ke lotou masau ki ai ; E leaise fakasemala se tasi ki lana agaveli, O pati : Kolea na kau fai ia ? E lotou toe makape fuli, Ofaipe se osi leia e makape ki le tau.

Esekiele 20:41

E kau tali loa koutou ofaipe se kaloni manogi fakaaloalofa, mo ka kau fakamavae loa koutou i loto malie o kakai, ti mo fakatasii koutou i fenua ala na kotou mavetevete ai ; ti e kotou fakasa loa i ai loku maokioki i mua o atu puleaga.

Levitiko 1:13

E fufulu loa e ia ki se vai a vava ti mo vae ; ti e tutu loa e le tagata faisakilifisio a nea fuli i aluga o le aletale. Ko se failaulau tutu a ia, ko se failaulau a ia kua tutu e le afi, ti ko se nea manogi malie a ia ki le Eteleno.

Levitiko 1:17

E saei loa e ia le manu lele i loto malie o kapakau, kae e leaise motusi oki loa e ia a ia ; ti e tutu loa e le tagata faisakilifisio le manu lele i aluga o le aletale, i aluga o le fafie leia kua eti i le afi. Ko se moliga a ia o le failaulau, ko se sakilifisio a ia kua tutu e le afi, ti ko se nea manogi malie a ia ki le Eteleno.

Levitiko 1:9

E fufulu loa e ia ki se vai a tootooga mo vae ; ti e tutu loa e le tagata faisakilifisio a nea fuli i aluga o le aletale : ko se failaulau tutu a ia, ko se failaulau kua tutu e le afi, ti ko se nea manogi malie ki le Eteleno.

Levitiko 26:31

E kau fakaliliu loa okoutou kolo o toafa, ti e kau maumaui loa okoutou fale tapu, o tupu ke aua na kau toe sauga ki le manogi malie o okoutou kaloni.

Levitiko 4:31

E tatala loa e ia le gako fuli, ofaipe lana tatala le gako o le sakilifisio fakafetai, ti e tutu loa e ia le gako lena i aluga o le aletale, ti ko se nea a ia e manogi malie loa ki le Eteleno. Ko lena le nea leia e tonu ke fai e le tagata faisakilifisio o uiga mo le fakamolemole o le agasala a le tagata lena, ti e fakamolemole loa a ia kiate ia e le Eteleno.

Levitiko 8:28

Ti na too loa e Moisese a nea ana mei olatou lima, o tutu loa e ia latou i aluga o le aletale, i aluga o le failaulau : ko le sakilifisio a ia o le fakanofo, ko se sakilifisio tutu a ia, ti ko se nea manogi malie a ia ki le Eteleno.

Numelo 15:3

e kotou momoli loa ki le Eteleno ni sakilifisio tutu katoa e le afi mo ni sakilifisio fakafetai, pe ki le fakasoko o se fakapapau, pe i le loto malie, pe i aso fakafiafia. E kotou filifili loa ki sakilifisio ana se pipi tagata, pe ko se ovi, pe ko se koti fafine, ti e kau tali malie loa le afu manogi o sakilifisio ana, ko au ko le Eteleno.

Mateo 15:19

Talie e au mei le loto a manatu veveli, mo tukipo, mo tono, mo oli veli, mo kaia, mo fakamaoki loi, ti mo fatituu.

Soane 3:6

Ko le nea leia na tupu i le kanofi e kanofi, ti ko le nea leia na tupu i le Laumalie Maokioki e laumalie.

Loma 1:21

Talie kua lotou iloa le Atua, kae na leaise lotou fakakololia kiate ia ko le Atua, ti na leaise lotou fakafetai kiate ia ; kae na lotou sese i ni fakakaukau vaiga, ti kua apele olatou atamai valelea i le fakapouli.

Loma 3:23

E leaise kese se tasi : Talie kua agasala a tagata fuli ti kua lotou sala i le kololia o le Atua ;

Lua tosi ki le kau Kolinto 2:15

Talie ko le kaloni tatou o Kilisito ki le Atua, ia latou ala kua fakamauli, ti mo latou ala e mamate :

Efeso 5:2

ti kotou saele i le alofa, o faifaitaki kia Kilisito, leia na alofa kia tatou, ti na soli a ia totonu ki le Atua o tupu ko tatou, ofaipe se moliga mo se sakilifisio manogi ki le Atua.

Filipe 4:18

Kua kau maua nea fuli, ti kua kau nofo i le mou ; kua kau apele pipi i koloa, i laku tali meia Epafolotito le nea leia e au meia koutou ofaipe se kaloni manogi malie, pe se sakilifisio leia e tali e le Atua, ti e mata malie kiate ia.

Uluaki tosi a Soane 5:19

E tou iloa ko tatou a le Atua, kae e malolo le malama nei katoa i le makeke o le Veli.

Uluaki tosi a Samuele 26:19

Ke fakamalie le sau, loku aliki, o fakalogo mai ki le masau a lana tagata fakasausau : Kapau ko le Eteleno leia kua lagai ia a koe ke tau kiate au, ke tali malie e ia le kaloni o se moliga ; kae kapau ko ni tagata, ke lotou malaia i mua o le Eteleno, talie e lotou kapu au i le aso nei, ke aua na kau kau ki le tofiga o le Eteleno, ti e lotou pati mai kiate au : Ano, o tausi ki ni atua kese !