Senesi 8:19 - Tosi Tapu

¹⁹ Ti na mavae loa mei le aleka a manu fuli, o mulimuli ki olatou faasiga, a manu lalasi mo manu liliki, a manu lele mo manu totolo.

Senesi 8:19 ပူးပေါင်းရင်းမြစ်များ

Senesi 1:21

Ti na fakatupu loa e le Atua a ika lalasi, ti mo manu mauli fuli ala e feanoaki mo fanaunau i le vai o mulimuli ki olatou faasiga. Na toe fakatupu foki e ia a manu lele kesekese. Na tio loa le Atua na malie le nea lena.

Senesi 1:24

Na pati loa le Atua : Ke tupu i le kele ni manu mauli i faasiga kesekese : ni manu lalata, mo ni manu totolo, ti mo ni manu kesekese o le vao. Ti na soko loa le nea lena.

Senesi 8:18

Ti na mavae loa a Noe mei le aleka mo ona vosa, mo lana avaga ti mo avaga o ona vosa.

Senesi 8:20

Na fakatuu loa e Noe se aletale ki le Eteleno ; ti na too loa e ia ni manu i manu mea fuli mo manu lele mea fuli, ti na momoli loa e ia ni failaulau i le aletale.

Senesi 9:10

ti mo nea fuli ala e mauuli i okoutou tafa : tatau a manu lele, mo manu lalata, mo manu fuli o le vao, mo manu fuli ala na mavae mei le aleka, ti mo manu fuli ala e mauli loa ki muli i aluga o le kele.