Senesi 8:1 - Tosi Tapu

¹ Na manatui loa e le Atua a Noe, mo manu fuli, mo manu fekai, mo manu lalata fuli ala na nofo mo ia i le aleka ; ti kakau loa e le Atua se matagi ke agi ki aluga o le malama nei, ti na kamata ifo loa le vai ki lalo.

Senesi 8:1 ပူးပေါင်းရင်းမြစ်များ

Senesi 19:29

I le aso leia na maumaui ai loa e le Atua a kolo o le fenua laumalie lena, na manatui loa e ia Apalaamo ; ti na fakamauli loa e ia a Lote mei le tutamaki leia na tautea ai e ia a kolo ala na fakatuu ai e Lote lona nofoaga.

Senesi 30:22

Na manatui loa e le Atua a Lasele, ti na tali loa e ia lana kole, o fakafanaunau loa a ia.

Senesi 9:10

ti mo nea fuli ala e mauuli i okoutou tafa : tatau a manu lele, mo manu lalata, mo manu fuli o le vao, mo manu fuli ala na mavae mei le aleka, ti mo manu fuli ala e mauli loa ki muli i aluga o le kele.

Neemia 13:14

Ei loku Atua, ke ke manatui au, o tupu ko le nea lena, ti ke aua na galo iate koe a gaoi malilie ala na kau fai ki le fale o loku Atua, ti mo nea ala e tonu ke taupau !

Neemia 13:22

Na kau fakatotonu foki ki le kau Levi ke lotou fakamea, ti ke lotou au o leoleo a matapa, o tupu ke fakatapui le aso o le sapato. Ei loku Atua, ke ke manatui au, o tupu ko le nea lena, ti ke puipui au o tupu ko lou manava alofa lasi !

Neemia 13:29

Ei loku Atua, ke ke manatui latou, talie na lotou fakakelekele le gaoi fakapelepitelo, mo le sai leia na fai e le kau tagata faisakilifisio mo le kau Levi.

Neemia 13:31

ti mo le nea o uiga mo le moliga fafie i lakaga kua fakatuutuu ki ai, ti mo uluaki fua. Ei loku Atua, ke ke manatui au, o agamalie mai kiate au !

Sopo 12:15

Ka taofi e ia a vai, ti e malo nea fuli ; Kae ka tuku e ia latou, ti e lotou maumaui le kele.

Sopo 14:13

Oi, ka na ke loto fua ke fufu au i le nofoaga o le kau mate, Ke kau mumuni ai o kaku ki le oki o lou sausau, Ti ka na ke fakatotonu fua se temi leia e ke toe manatu ai loa kiate au !

Pesalemo 105:42

Talie na manatui loa e ia lana folafola maokioki, Ti mo Apalaamo, lana tagata fakasausau.

Pesalemo 106:4

Eteleno, manatui au i lou alofa ki lou kakai ! Manatui au i lau tuku kiate ia lou tokoi,

Pesalemo 115:12

E manatu le Eteleno kia tatou : e tapuaki loa a ia, E tapuaki loa a ia ki le fale o Iselaele, E tapuaki loa a ia ki le fale o Alone,

Pesalemo 132:1

Katiko o le fanoga tapu. Eteleno, ke ke manatui Tavite, Mo ona mamae fuli !

Pesalemo 136:23

Ko ia leia na manatu loa kia tatou i le temi na tou mamae ai, Talie e lee gato lona manava alofa !

Pesalemo 137:7

Eteleno, manatui fanau o Etome, Ala, i le aso o Selusalemi : Na pati : Kotou tele, kotou tele O kaku ki ona fakatafito !

Pesalemo 29:10

Na eke le Eteleno i lona ekeekeaga fakasau i le aso o le lomaki. E pule le Eteleno i lona ekeekeaga fakasau o lee gato.

Pesalemo 36:6

Eteleno ! E kaku lou agamalie ki le atu lagi, Lou agatonu ki atu ao.

Ekesote 14:21

Na falo loa e Moisese lona lima ki le tai. Ti na tatafi loa e le Eteleno le tai ki se matagi makeke mei le potu esite leia na agi loa i le po katoa ; ti na fakamalo loa e ia le tai ti na vaelua loa e ia le vai.

Ekesote 15:10

Na ke pupusi lau tukumanava : Ti na lotou lofia i le tai ; Na lotou ogo ofaipe se potu pulu, O kaku ki le takele o le moana.

Ekesote 2:24

Na logo loa le Atua ki alatou tagi, ti na manatui loa e ia lana fakapapau kia Apalaamo, mo Isaake, mo Sakopo.

Taagapati 25:23

E fanaui e le matagi o le potu noleto le ua, Ti e fanaui e le alelo fakaveli ni mata itaita.

Esaia 44:27

E kau pati ki le vanu loloto : Ke ke malo, E kau fakamasa loa ou vaitafe.

Selemia 50:38

Ke vilo le tau laa ki ona vai ! ke lotou mamasa ! Talie ko se fenua o taulaatua ; Kua lotou valelea ki olatou taulaatua.

Amosi 8:7

Kua fakapapau le Eteleno i le kololia o Sakopo : E leaise kau toe galoi loa sana gaoi fua e tasi.

Sonasi 4:11

Ti ko au, pe leaise kau alofa loa ki Ninive, le kolo lasi, leia e mauli ai ni tagata e tino lelau tino lua afe tupu, ala e leaise iloa ia fua lolatou lima atamai mei lolatou lima sema, ti mo ni manu lasi ai !

Naume 1:4

E valoki e ia le tai ti e malo a ia. E fakamasa e ia a vaitafe fuli ; E gae le Pasani mo le Kalemelo, E gae a fitii laakau o Lipane.

Apakuki 3:2

Eteleno, na kau logo ki le nea leia na ke fakasa, ti kua kau apele i le i. Ei Eteleno, fakasoko lau gaoiaga i lolotoga o fetuu ka soko mai ! Io, fakasa a ia i fetuu ka soko mai ! Kae i lou sausau, manatui ou aloalofa !

Sakalia 10:11

E lotou fakalaka loa i le tai o le mamae, e lotou taai loa a galu o le tai, Ti e malo loa a takele fuli o vaitafe. E taai loa ki lalo le fia nealasi o Asilia, Ti e puli loa le tokotoko fakasau o Esipito.

Numelo 10:9

I lokoutou fenua, ka kotou ano loa o tau ki le fili leia na osoi ia koutou, e kotou pupusi fakamakeke loa a fakatagi pupusi, ti e manatui loa koutou e le Eteleno, ko lokoutou Atua, ti e saofaki loa e ia koutou mei okoutou fili.

Numelo 22:32

Na pati loa le aselo a le Eteleno kiate ia : Kolea na ke ta tua tolu ai lau asino fafine ? Ko leinei, na kau au o taofi a koe, talie ko se ala veli leia e tuu i oku mua.

Apokalipisi 16:19

Ti na paisi tolu loa le kolo lasi, ti na sosolo loa a kolo o atu puleaga, ti na manatui loa e le Atua a Papilone ko le kolo lasi, ke soli kiate ia le ipu o le vino o lona sausau kaka.

Apokalipisi 18:5

Talie kua fakatuuga ana agasala o kaku ki le lagi, ti kua manatui e le Atua ana agaveli.

Uluaki tosi a Samuele 1:19

Na lotou tutuu ake loa i le usu, o atolasio ki le Eteleno, ti na lotou toe liliu loa ki lolatou fale i Lama. Na iloa loa e Elekana lana avaga ko Ana, ti na manatui loa a ia e le Eteleno.