Senesi 7:4 - Tosi Tapu

⁴ Talie, koi toe fua ni aso e fitu, ti e kau fakato ia loa le ua ki le kele i aso e kau fa mo po e kau fa, ti e kau fakapuli loa i aluga o le kele a nea fuli ala na kau fakatupu ia.

Senesi 7:4 ပူးပေါင်းရင်းမြစ်များ

Senesi 2:5

I le fakatupu e le Eteleno o le kele mo le lagi, na leaise somo se laakau ikiiki o le vao i le kele, ti na leaise sa se mutie i aluga o le kele : talie na leikiaise tuku e le Eteleno Atua se ua ke to ki le kele, ti na leikiaise maua se tagata ke gaoi ki le kele.

Senesi 6:13

Koia na pati ai loa le Atua kia Noe : Kua kau fakapapau ke fakagato a tagata fuli ; talie kua lotou fakaapele ia le kele ki le agamakeke ; e kau maumaui loa a tagata mo le kele.

Senesi 6:17

Ti ko au, e kau kakau mai loa le lomaki ke to ki le kele, o maumaui a nea fuli ala e mauli i lalo o le lagi ; ti e mamate loa a nea fuli ala e mauli i aluga o le kele.

Senesi 6:3

Koia na pati ai loa le Atua : E leaise toe nofo tuumau loa loku Laumalie i le tagata, talie ko se kanofi fuai le tagata, ti ko le lasi loa o ona aso ko le kau lelau kau lua fetuu.

Senesi 6:7

Ti na pati loa le Eteleno : E kau fakapuli loa i aluga o le malama nei le tagata leia na kau fakatupu, mei le tagata o kaku ki manu lalasi, mo manu liliki, ti mo manu lele o le lagi ; talie kua kau fakasemala i laku fakatupu ia latou.

Senesi 7:10

I le sili o aso e fitu, na to loa le lomaki ki le malama nei.

Senesi 7:12

Ti na to loa le ua ki le malama nei i aso e kau fa mo po e kau fa.

Senesi 7:17

Ti na to loa le lomaki ki le kele i aso e kau fa. Na pale loa le vai ki aluga o lagai le aleka, ti na tele loa a ia i aluga o le fenua.

Senesi 7:3

ti mo ni soa manu foki e fitu o manu lele o le lagi, se manu tagata mo se manu fafine, o tupu ke ke fakamauli olatou faasiga i aluga o le kele katoa.

Senesi 8:10

Na toe talitali loa a ia i ni iki a aso e fitu, ti na toe tuku loa e ia le lupe ke toe mavae mei le aleka.

Senesi 8:12

Na toe talitali loa a ia i ni iki a aso e fitu ; ti na toe tuku loa e ia le lupe ke ano. Kae na leaise toe liliu ake loa le lupe kiate ia.

Senesi 8:2

Na mapono loa a matapuna o le moana lasi mo matapa o le lagi, ti na leaise toe to loa le ua mei le lagi.

Sopo 22:16

Na tuuti latou kae na leikiaise tatae lolatou temi, Ofaipe se kaua leia na soloi e se vaitafe.

Sopo 28:25

I le aso leia na fuafua ai e ia le mamafa o le matagi, Ti na fakatuutuu ai e ia le lasi o vai,

Pesalemo 69:28

Ke ke tosi alatou agaveli fuli, Ti ke aua na lotou kau ki lou manava alofa !

Selemia 28:16

Koia e folafola le Eteleno, o pati : Ko leinei, e kau kapu a koe mei le kele ; ti e ke mate loa i le fetuu leinei, o tupu ko au folafola ko se agatuu latou ki le Eteleno.

Amosi 4:7

Ti ko au, na kau fakafiti le ua kia koutou, kae koi toe masina e tolu ki le temi tuuti o le fulumeto ; Na kau fakato le ua ki se kolo, Kae na leaise kau fakato a ia ki se tasi ake a kolo ; Na tali e se faisaga le ua, Kae na leaise to a ia ki se tasi faisaga, leia na malo.

Apokalipisi 3:5

Ko leia e malo loa, e fakakofu loa a ia ki ni kofu tetea ; e leaise kau soloi loa lona igoa i le tosi o le mauli, ti e kau fakasa loa lona igoa i mua o loku Tamana ti mo mua o ana kau aselo.