Senesi 7:23 - Tosi Tapu

²³ Na mamate loa a nea fuli ala na mauli i aluga o le kele, mei le tagata o kaku ki le manu lalata, mo manu totolo ti mo manu lele o le lagi : na tamate fuli loa latou ke puli i le kele. Na toe fai a Noe mo latou ala na nonofo mo ia i le aleka.

Senesi 7:23 ပူးပေါင်းရင်းမြစ်များ

Senesi 6:17

Ti ko au, e kau kakau mai loa le lomaki ke to ki le kele, o maumaui a nea fuli ala e mauli i lalo o le lagi ; ti e mamate loa a nea fuli ala e mauli i aluga o le kele.

Senesi 8:18

Ti na mavae loa a Noe mei le aleka mo ona vosa, mo lana avaga ti mo avaga o ona vosa.

Sopo 5:19

E fakamauli loa e ia a koe i le mamae o tua ono, Ti e leaise lave loa le veli kiate koe o tua fitu.

Pesalemo 91:1

Ko leia e nofo i le potu lilo o le Taualuga E malolo i le malu o le Mafimafi.

Pesalemo 91:7

Pe mamate se tino afe i ou tafa, Ti mo se tino agafulu afe i lou lima atamai, E leaise soko loa a ia o ofi kiate koe.

Taagapati 11:4

I le aso o le sausau, e leaise aoga le mou koloa ; Kae e fakamauli i le mate e le faitotonu.

Mateo 25:46

Ti e ano loa latou anei ki le tautea lee gato, kae e ano loa le kau agatonu ki le mauli lee gato.

Epelo 11:7

Ko le tui leia na fakalogo ai a Noe ki valoki a le Atua o uiga mo nea ala ka soko kae na leaise tio ki ai, ti na i loa a ia ki le Atua, o fau loa se aleka ke fakamauli ai lona famili ; ko le tui lena na fakasa ia loa e ia le veli o le malama nei, ti na liliu loa a ia ko le tagata maua tofiga o le faitotonu leia e maua i le tui.

Uluaki tosi a Petelo 3:20

ala na tui gataa i mua, i le talitali mo le kataki fualoa a le Atua i aso o Noe, i le lolotoga fau o le aleka, leia na saofaki ia se ga toka teiki, ko le toka valu, mei le vai.

Lua tosi a Petelo 2:5

kapau na leaise fakasao e ia le malama afea, ti kapau na fakamauli fua e ia se ga toka valu o kau ai a Noe, le tagata fai akonaki lena o le faitotonu, i le temi leia na kakau mai ai e ia le lomaki ki se malama o ni tagata agasala ;

Lua tosi a Petelo 2:9

Koia, e iloa e le Aliki le fakamauli o tagata maokioki mei le asiasii, ti e iloa e ia le taofi o le kau agasala ke tautea i le aso o le fakamaau,

Lua tosi a Petelo 3:6

ti na toe maumaui foki le malama lena ki a nea ana, i le vai o le lomaki ;