Senesi 7:11 - Tosi Tapu

¹¹ I le fetuu kau lelau ono o le mauli o Noe, i le lua masina, i le aso kau agafulu tupu fitu o le masina, i le aso lena na mapusi loa a matapuna fuli o le moana lasi ki aluga, ti na mavaa loa a matapa o le lagi.

Senesi 7:11 ပူးပေါင်းရင်းမြစ်များ

Senesi 1:7

Ti na soko loa le nea lena : Na fakatupu loa e le Atua le vasa, ti na vaei kese loa e ia a vai o aluga i vai o lalo.

Senesi 6:17

Ti ko au, e kau kakau mai loa le lomaki ke to ki le kele, o maumaui a nea fuli ala e mauli i lalo o le lagi ; ti e mamate loa a nea fuli ala e mauli i aluga o le kele.

Senesi 7:6

Na fetuu kau lelau ono a Noe, i le aso leia na to ai loa le lomaki vai ki le kele.

Senesi 8:14

I le lua masina, i le aso kau lua tupu fitu o le masina, na malo malie loa le kele.

Senesi 8:2

Na mapono loa a matapuna o le moana lasi mo matapa o le lagi, ti na leaise toe to loa le ua mei le lagi.

Lua tosi o Sau 7:19

Ti na tali loa le ofisa ki le tagata a le Atua : Pe fai foki e le Eteleno ni katupa i le lagi ke laku mai ai ni fulumeto, pe soko loa se nea felaaki ? Ti na pati loa Eliseo : E ke tio mata loa ki ai, kae e leaise ke kai loa ki ai.

Lua tosi o Sau 7:2

Na tali loa le tagata solia leia na feanoaki tuumau mo le sau ki le tagata a le Atua : Kapau e fai loa e le Eteleno ni katupa i le lagi ke laku mai ai se fulumeto, tio lagi mafai ke soko loa le nea lena e ke pati ki ai ! Na tali loa Eliseo : E tio loa ou mata ki le nea lena, kae e leaise ke kai loa ki ai.

Sopo 12:15

Ka taofi e ia a vai, ti e malo nea fuli ; Kae ka tuku e ia latou, ti e lotou maumaui le kele.

Sopo 28:4

E kenu e ia se sosoni o mamao mei ganea ala e nofoi ; E leaise koi tokoi ona vae kiate ia, Ti e tautau a ia, o kalu, mo mamao mei tagata.

Sopo 38:16

Pe kua ke ulu o kaku ki matapuna o le tai ? Pe kua ke evaeva i le loloto o le vanu ?

Sopo 38:37

Ko ai leia e poto i le lau o ao, Ti mo le liligi o utele o le lagi,

Pesalemo 33:7

E tanaki fakatuuga e ia a vai o le tai, Ti e tuku e ia ki ni tanakiaga vai a moana.

Pesalemo 74:15

Na ke fakatafe ni matapuna vai mo ni liua, Na ke fakamalo ni vaitafe ala na leaise mafai ke mamasa.

Taagapati 3:20

Ko lona poto leia na mavaa ai a vanu loloto, Ti na vilo ai le sasau mei ao.

Esaia 24:18

Ko leia e sola i mua o kalaga fakaii kua vilo ki le popoko ; Ti ko leia e toe pale ake i le popoko kua pikiia i le masele ; Talie kua mavaa a matapa o le lagi, Ti kua galulu a fakatafito o le malama nei.

Esaia 24:19

Kua mafaa le kele, Kua matuletule le malama nei, Kua siga a ia ki lalo.

Selemia 5:22

Pe leaise kotou i loa kiate au, e pati le Eteleno, Pe leaise kotou lulu loa i oku mua ? Ko au leia na soli ia le one ke fakagatogato ai le tai, Ko se koiga kua lau sekulo leia ke aua na fakalaka ai a ia ; Kapau e pale loa ona galu, kae e leaise lotou makeke ake loa ; Kapau e lotou gugulu, kae leaise lotou fakalaka loa i ai.

Selemia 51:16

I lona leo, e gugulu a vai i le atu lagi ; E fakapale ake e ia a ao i potupotu o le malama nei, E fakatupu e ia a uila mo le ua, E too e ia le matagi mei ona fale koloa.

Esekiele 26:19

Talie e folafola le Aliki, le Eteleno, o pati : Ka kau fakaliliu ai loa a koe ko se kolo lavaki, Ofaipe kolo ala e leaise maua ia ni kakai, Ka kau aumai ai loa kiate koe le moana loloto, Ti e uufi loa a koe e atu vai lalasi,

Malakia 3:10

Kotou aumai ki le fale tanaki koloa a vaega kau agafulu fuli, O tupu ke i ai se nea kai i loku fale ; Kotou asiasii au i le nea aia, E pati le Eteleno o kau tau, Ti e kotou tio loa pe leaise kau fakamavaa loa kia koutou a matapa o atu lagi, Pe leaise kau liligi loa kia koutou le tapuakina o lasi ai.

Mateo 24:38

Talie, i aso i mua o le lomaki, na kai a tagata mo inu, ti na lotou avaga mo fakaavaga olatou fanau, o kaku ki le aso leia na ulu ai loa a Noe ki le aleka ;

Uluaki tosi ki le kau Tesalonika 5:3

I le temi leia e pati ai loa a tagata : Tokamalie mo fimalie ! I le temi loa lena e fakamauatoka loa latou e se tuutamaki fakapunamauli, ofaipe mamae o le temi fanau ala e fakamauatoka ia le fafine faitoe ; ti e leaise lotou sao loa i ai.

Lua tosi a Petelo 3:6

ti na toe maumaui foki le malama lena ki a nea ana, i le vai o le lomaki ;