Senesi 6:7 - Tosi Tapu

⁷ Ti na pati loa le Eteleno : E kau fakapuli loa i aluga o le malama nei le tagata leia na kau fakatupu, mei le tagata o kaku ki manu lalasi, mo manu liliki, ti mo manu lele o le lagi ; talie kua kau fakasemala i laku fakatupu ia latou.

Senesi 6:7 ပူးပေါင်းရင်းမြစ်များ

Senesi 6:6

Ti na fakasemala loa le Eteleno i lana fakatupu le tagata i le malama nei, ti na mamae ai lona loto.

Senesi 7:21

Na mamate loa a nea fuli ala na mauli i le kele, tatau a manu lele, mo manu lalata, mo manu fuli o le vao, mo manu totolo fuli o le kele, ti mo tagata fuli.

Senesi 7:4

Talie, koi toe fua ni aso e fitu, ti e kau fakato ia loa le ua ki le kele i aso e kau fa mo po e kau fa, ti e kau fakapuli loa i aluga o le kele a nea fuli ala na kau fakatupu ia.

Senesi 8:21

Na nanamu loa le Eteleno ki le manogi o le sakilifisio, ti na pati loa a ia i lona loto : E leaise kau toe fakamalaia loa le kele o tupu ko le tagata, talie e veveli a manatu o le loto o le tagata mei lona ikiiki ; ti e leaise kau toe tautea loa a nea fuli e mauli, ofaipe le nea leinei kua kau fai.

Pesalemo 37:20

Kae e mamate le kau agaveli ; Ti ko fili o le Eteleno, ofaipe faisaga mutie fulumalilie, E lotou pupuli loa, e lotou pupuli loa ofaipe le afu.

Taagapati 10:27

Ko le i ki le Eteleno e fakalasi ia a aso, Kae e fakatoetoe a fetuu o le kau agaveli.

Taagapati 16:4

Na fai e le Eteleno a nea fuli ki se tauaga, Ti mo le tagata agaveli foki ki le aso o le malaia.

Esaia 27:11

Ka malo a laa o laakau, e fati latou ; E au a fafine o tutu latou. E maoki ko se kakai sala atamai a ia : Koia na leaise alofa ai kiate ia leia na fakatupu ia a ia, Ti na leaise fakamolemole ai kiate ia leia na fau ia a ia.

Oseo 4:3

Koia e nofo ai loa le fenua i le mamae, Ti e gaegae ai loa latou fuli ala e nonofo i ai, Tatau fai a manu o faisaga ti mo manu lele o le lagi ; Ti e pupuli loa a ika o le tai.

Amosi 7:3

Ti na fakasemala loa le Eteleno ki le nea lena. Ti na pati le Eteleno : E leaise soko loa le nea lena.

Amosi 7:6

Ti na fakasemala loa le Eteleno ki le nea lena. Ti na pati loa le Aliki, le Eteleno : E leaise soko loa le nea lena ?

Sofoni 1:18

E leaise mafai loa ke saofaki latou e lalatou paaga mo lalatou aulo, I le aso o le sausau o le Eteleno ; E tutu loa le fenua katoa e le afi o lona finenonofo ; Talie e maumaui fakapunamauli loa e ia a kakai fuli o le fenua.

Sofoni 1:2

E kau maumaui loa a nea fuli i aluga o le malama nei, E pati le Eteleno.

Sofoni 1:3

E kau maumaui loa tagata mo manu, A manu lele o le lagi mo ika o le tai, A nea fakatupu siga mo le kau agaveli mo latou ; E kau tuuti loa a tagata i aluga o le malama nei, E pati le Eteleno.

Tetelonome 28:63

O tatau mo le fiafia leia na maua e le Eteleno o fai kia koutou le nea malie ti mo liuliuga koutou, e toe tatau foki mo le fiafia leia e maua loa e le Eteleno o tamate koutou ti mo maumaui koutou. Ti e taaki loa e ia koutou mei le kele leia e ke ulu loa ki ai o maua tofiga.

Tetelonome 29:20

E leaise toe loto loa le Eteleno ke fakamolemole ki le tagata lena. Kae e mu loa le sausau mo le finenonofo o le Eteleno ki le tagata a ia, ti e vilo loa malaia fuli ala e tuu i le tosi leinei kiate ia, ti e soloi loa e le Eteleno lona igoa i lalo o le lagi.

Uluaki tosi a Samuele 15:11

Kua kau fakasemala i laku fakanofo Saulo ke sau, talie kua maliu kese a ia iate au ti e leaise tausi e ia aku folafola. Na mamae ai a Samuele, ti na tagi loa a ia ki le Eteleno i le po katoa.