Senesi 6:6 - Tosi Tapu

⁶ Ti na fakasemala loa le Eteleno i lana fakatupu le tagata i le malama nei, ti na mamae ai lona loto.

Senesi 6:6 ပူးပေါင်းရင်းမြစ်များ

Senesi 6:7

Ti na pati loa le Eteleno : E kau fakapuli loa i aluga o le malama nei le tagata leia na kau fakatupu, mei le tagata o kaku ki manu lalasi, mo manu liliki, ti mo manu lele o le lagi ; talie kua kau fakasemala i laku fakatupu ia latou.

Lua tosi a Samuele 24:16

I le mafao o le lima o le aselo ke maumaui a Selusalemi, na fakasemala loa le Eteleno ki le veli lena, ti na pati loa a ia ki le aselo leia na tamate ia le kakai : Kua feauga, taofi lou lima i le lakaga nei. Na ofi le aselo o le Eteleno ki le sasaaga fulumeto a Alavana, tagata Sepusi.

Uluaki tosi o Koloniko 21:15

Na kakau loa e le Atua se aselo ki Selusalemi ke maumaui a ia ; kae i lana lolotoga maumaui a ia, na tio loa le Eteleno ti na fakasemala loa a ia ki le veli lena, ti na pati loa a ia ki le aselo leia na fai ia le maumau : Kua feauga ! Taofi lou lima. Na tuu le aselo a le Eteleno o ofi ki le faisaga a Alavana, le tagata Sepusi.

Pesalemo 106:45

Na manatui loa e ia lana sai leia na fai mo latou ; Ti na aloalofa loa a ia kia latou i lona agamalie lasi,

Pesalemo 110:4

Na fakapapau le Eteleno, ti e leaise toe fakasemala loa a ia ki ai : Ko le tagata faisakilifisio a koe o lee gato, i le faasiga o Melekiseteke.

Pesalemo 119:158

E kau tio ki le kau kaka ti e kau fakalialia, Talie e leaise lotou tausi lau folafola.

Pesalemo 78:40

Na tua fia lalatou agatuu kiate ia i le toafa ! Na tua fia lalatou fakatupu ia lona sausau i le potu lavaki !

Pesalemo 81:13

Koia na kau tuku ai latou ki oli o olatou loto, Ti na lotou mulimuli ki alatou manatu totonu.

Pesalemo 95:10

I le lolotoga o fetuu e kau fa na kau vesia loa ki le lanu lena, Ti na kau pati loa : Ko se kakai leia kua sese lona loto, E leaise lotou iloa oku ala.

Ekesote 32:14

Ti na fakasemala loa le Eteleno ki le veli leia na fakasa e ia, leia na loto a ia ke fai ki lona kakai.

Esaia 48:18

Oi, amusia ake ke ke tokaga ki aku folafola ! E ifo loa kiate koe ni tapuakina ofaipe se vaitafe, Ti e au loa kiate koe le manuia ofaipe ni galu o le tai !

Esaia 63:10

Kae na lotou agatuu kiate ia, na lotou fakamamae lona Laumalie maokioki ; Koia na liliu ai loa a ia ko lolatou fili, ti na tau loa a ia kia latou.

Selemia 18:7

E fokifa e kau masau, ki se kakai, ki se puleaga, Ke taaki, ke tuuti ti ke maumaui.

Selemia 26:19

Pe na tamate loa a ia e Esekiasi, sau o Suta, mo Suta katoa ? Pe na leaise i loa Esekiasi ki le Eteleno ? Pe na leaise tagi loa a ia ki le Eteleno ? Koia na fakasemala loa le Eteleno ki le veli leia na puaki e ia kia latou. Ti ko tatou, pe tou amo loa se tukipo lasi feneeki ?

Esekiele 33:11

Pati kia latou : E kau mauli ! e pati le Aliki, le Eteleno, ko le nea leia e kau loto ki ai, e leaise ko le mate o le tagata agasala, kae ke fetogi lona mauli ti ke mauli a ia. Kotou toe liliu mai, kotou toe liliu mai i lokoutou ala veli ; kolea e kotou mamate ai loa, fale o Iselaele ?

Oseo 11:8

Kolea e kau fai loa kiate koe, Efalaimi ? Pe tonu ke kau tiaki a koe, Iselaele ? Pe kau tautea loa a koe ofaipe Atema ? Pe kau fakaliliu loa a koe ke tatau mo Tesepoimi ? Kua ta loku mafu i loku loto, Kua malaga oku manava alofa fuli.

Soele 2:13

Kotou sae okoutou loto kae aua okoutou kofu, Ti kotou toe liliu mai ki le Eteleno, lokoutou Atua ; Talie e agamalie a ia mo manava alofa, E kataki fualoa a ia mo apele i le agamalie, Ti e fakasemala a ia ki tautea ala e tuku e ia.

Sonasi 3:10

Ti na tio loa le Atua kua lotou fai felaaki, ti kua lotou tafoki mei olatou ala veveli. Ti na fakasemala loa le Atua ki le veli leia na fakatotonu e ia ke fai kia latou, ti na leaise fakasoko loa e ia a ia.

Malakia 3:6

Talie ko au ko le Eteleno, e leaise kau fetogi. Ti ko koutou, fanau a Sakopo, na leaise kotou fetogi foki.

Numelo 23:19

Ko le Atua e leaise ko se tagata a ia ke loi, Pe ko se vosa a ia o le tagata ke toe fetogi manatu. Ko le nea leia kua folafola a ia ki ai, pe se fai loa e ia a ia ? Ko le nea leia kua fakapapau e ia, pe se fakasoko loa e ia a ia.

Loma 11:29

Talie e leaise toe fakasemala le Atua ki ana nea alofa ala kua soli ti mo lana kalaga.

Efeso 4:30

Aua na kotou fakamamae le Laumalie Maokioki o le Atua leia na fakamailoga ia koutou ki le aso o le letamisio.

Tetelonome 32:29

Ka na lotou popoto, e lotou matala loa ki le nea leinei, E lotou manatu loa ki le nea leia e soko loa kia latou ki muli.

Tetelonome 32:36

E fakamaaui loa e le Eteleno lona kakai ; Kae e alofa loa a ia ki ana tagata fakasausau, Mo ka tio a ia kua oki lolatou makeke, Ti e leaise maua se tasi ke tokoi kiate ia, Ti e leaise maua se tasi ke toe fanaki a ia ki ai !

Tetelonome 5:29

Amusia ake ke lotou maua tuumau le loto malie lena, o i kiate au, mo fia tausi aku folafola, o tupu ke lotou manuia o lee gato, latou mo alatou fanau !

Epelo 3:10

Koia na kau vesia ai loa ki le tautupu lena, ti na kau pati ai loa : E sese tuumau olatou loto, Ti e leaise lotou iloa oku ala.

Epelo 3:17

Ti ko ai ma latou ala na ita loa ki ai le Atua i le lolotoga o fetuu e kau fa ? Pe leaise ko latou ala na agasala loa, ti na vivilo loa olatou tino o mamate i le toafa ?

Sakopo 1:17

Ko kalasia malilie fuli ti mo nea alofa malilie tukupau fuli, e lotou ifo mei aluga, mei le Tamana o malama, leia e leaise toe fetogi pe moumou lakaga.

Uluaki tosi a Samuele 15:11

Kua kau fakasemala i laku fakanofo Saulo ke sau, talie kua maliu kese a ia iate au ti e leaise tausi e ia aku folafola. Na mamae ai a Samuele, ti na tagi loa a ia ki le Eteleno i le po katoa.

Uluaki tosi a Samuele 15:29

Ko ia leia ko le makeke o Iselaele e leaise loi ti e leaise toe fakasemala, talie e leaise ko se tagata a ia ke fakasemala.

Uluaki tosi a Samuele 15:35

Na leaise toe ano loa Samuele o fakafelavei kia Saulo o kaku ki lona mate ; talie na tagi Samuele o uiga mo Saulo, kae na fakasemala loa le Eteleno i lana fakanofo Saulo ko le sau o Iselaele.