Senesi 6:17 - Tosi Tapu

¹⁷ Ti ko au, e kau kakau mai loa le lomaki ke to ki le kele, o maumaui a nea fuli ala e mauli i lalo o le lagi ; ti e mamate loa a nea fuli ala e mauli i aluga o le kele.

Senesi 6:17 ပူးပေါင်းရင်းမြစ်များ

Senesi 2:7

Na fau loa e le Eteleno Atua le tagata mei le efu o le kele, ti na pupusi loa a ia ki ona pogoisu se tukumanava o le mauli, ti na liliu loa le tagata ko se laumalie mauli.

Senesi 6:13

Koia na pati ai loa le Atua kia Noe : Kua kau fakapapau ke fakagato a tagata fuli ; talie kua lotou fakaapele ia le kele ki le agamakeke ; e kau maumaui loa a tagata mo le kele.

Senesi 6:16

E ke fau loa i le aleka se katupa e tasi i le ato leia e kau lima satimeta lona malaga ki aluga ; e ke fau loa se matapa e tasi i le fetuu o le aleka ; ti e ke fau loa se lau fata lalo, mo se lau fata loto, ti mo se lau fata aluga.

Senesi 6:7

Ti na pati loa le Eteleno : E kau fakapuli loa i aluga o le malama nei le tagata leia na kau fakatupu, mei le tagata o kaku ki manu lalasi, mo manu liliki, ti mo manu lele o le lagi ; talie kua kau fakasemala i laku fakatupu ia latou.

Senesi 7:15

Na lotou ulu fuli loa ki le aleka ki tafa o Noe, o taki taumatua, a nea fuli ala na tukumanava.

Senesi 7:17

Ti na to loa le lomaki ki le kele i aso e kau fa. Na pale loa le vai ki aluga o lagai le aleka, ti na tele loa a ia i aluga o le fenua.

Senesi 7:4

Talie, koi toe fua ni aso e fitu, ti e kau fakato ia loa le ua ki le kele i aso e kau fa mo po e kau fa, ti e kau fakapuli loa i aluga o le kele a nea fuli ala na kau fakatupu ia.

Senesi 9:9

Ko leinei, e kau fai laku fakapapau kia koutou mo lokoutou sakoga i okoutou muli,

Sopo 22:16

Na tuuti latou kae na leikiaise tatae lolatou temi, Ofaipe se kaua leia na soloi e se vaitafe.

Pesalemo 107:34

Le kele mauli ko se kele kaka, O tupu ko le agaveli o lona kakai.

Pesalemo 29:10

Na eke le Eteleno i lona ekeekeaga fakasau i le aso o le lomaki. E pule le Eteleno i lona ekeekeaga fakasau o lee gato.

Ekesote 14:17

Ko au, e kau fakafefeka loa le loto o le kau Esipito, ti e lotou natu loa i okoutou muli ; ti e fakasa loa loku kololia e Falaone, mo lana solia katoa, mo ana saliote, ti mo lana kau ekeosi.

Esaia 51:12

Ko au, ko au leia e fakapelepele ia koutou. Ei loku kakai, kolea e ke i ai ki le tagata leia e mate, Ki le vosa o le tagata leia e tatau mo le mutie ?

Esaia 54:9

Talie e fai loa kiate au pe le lomaki i le temi o Noe : Na kau fakapapau e leaise toe to loa le lomaki ia Noe ki le malama nei ; E kau toe fakapapau foki ke aua na kau toe ita kiate koe, Ti ke aua na kau toe valoki a koe.

Esekiele 34:11

Talie e folafola le Aliki, le Eteleno, o pati : Ko leinei, e kau tokaga totonu loa ki aku ovi, ti e kau lau loa latou.

Esekiele 34:20

Koia e folafola le Aliki, le Eteleno, o pati : E kau fakamaaui loa a ovi pepeti mo ovi kakala o laku kau manu.

Esekiele 5:8

Io, o tupu ko le nea lena, e folafola le Aliki, le Eteleno : Ko leinei e kau mamae kiate koe, ti e kau fakasoko loa i loto malie o ou aku fakamaauaga i mata o atu puleaga.

Esekiele 6:3

E ke pati loa : Mauga o Iselaele, Kotou fakalogo mai ki le folafola a le Aliki, le Eteleno ! Ko leinei le folafola a le Aliki, le Eteleno, Ki mauga lalasi mo mauga liliki, ki vanu mo vaivailiua : Ko leinei e kau kakau mai loa le seleta kia koutou, Ti e kau maumaui loa okoutou ganea taualuga.

Oseo 5:14

E kau fai loa pe se laione kia Efalaimi, Pe se uviki laione ki le fale o Suta ; Ko au, io ko au, e kau saei loa, ti e kau ano loa ; E kau fetuku loa, ti e leaise too loa e se tasi laku nea kai.

Levitiko 26:28

e kau toe soko atu aifai laku fakatutuu makeke kia koutou, ti e kau toe liuga loa kia koutou o tua fitu le tautea o lakoutou agasala.

Amosi 9:6

Na fakatuu e ia lona fale i le atu lagi, Kae tuu lona fakatafito i le kele. E kalagai e ia a vai o le tai, Ti e fakamafola e ia latou i aluga o le kele : Ko le Eteleno ko lona igoa.

Mateo 24:39

ti na leaise lotou amanaki fua ki se nea, o kaku ki le to o le lomaki, o ave ai latou fuli : E toe fenaaki loa i le toe liliu mai o le Vosa o le tagata.

Luka 17:27

Na kai mo inu a tagata, mo avaga ti mo fakaavaga alatou fanau, o kaku ki le aso leia na ulu ai a Noe ki le aleka ; ti na to loa le lomaki, o lotou mamate fuli ai.

Loma 5:21

o tupu, ke faipe le agasala leia na pule ki le mate, ke toe pule foki le kalasia i le faitotonu leia e taki ia ki le mauli ia Sesu-Kilisito ko lotatou Aliki.

Loma 6:23

Talie ko le totogi o le agasala, ko le mate ; kae ko le nea alofa soli noa o le Atua, ko le mauli lee gato ia Sesu-Kilisito lotatou Aliki.

Tetelonome 32:39

Koia ke kotou iloa ko au leia e Atua, Ti e leaise tasi ake Atua i oku tafa. Ko au leia e fakamauli ia ti e fakamate ia. Ko au leia e fai ia le lavea ti e faitoo ia a ia, Ti e leaise tasi leia e saofaki ia mei oku lima.

Epelo 11:7

Ko le tui leia na fakalogo ai a Noe ki valoki a le Atua o uiga mo nea ala ka soko kae na leaise tio ki ai, ti na i loa a ia ki le Atua, o fau loa se aleka ke fakamauli ai lona famili ; ko le tui lena na fakasa ia loa e ia le veli o le malama nei, ti na liliu loa a ia ko le tagata maua tofiga o le faitotonu leia e maua i le tui.

Uluaki tosi a Petelo 3:20

ala na tui gataa i mua, i le talitali mo le kataki fualoa a le Atua i aso o Noe, i le lolotoga fau o le aleka, leia na saofaki ia se ga toka teiki, ko le toka valu, mei le vai.

Lua tosi a Petelo 2:5

kapau na leaise fakasao e ia le malama afea, ti kapau na fakamauli fua e ia se ga toka valu o kau ai a Noe, le tagata fai akonaki lena o le faitotonu, i le temi leia na kakau mai ai e ia le lomaki ki se malama o ni tagata agasala ;