Senesi 6:11 - Tosi Tapu

¹¹ Na fakalialia le malama nei i mua o le Atua, ti na apele le malama nei i le agamakeke.

Senesi 6:11 ပူးပေါင်းရင်းမြစ်များ

Senesi 10:9

Na liliu loa a ia ko se tagata kapu manu lasi i mua o le Eteleno ; koia leia e pati ai : Tagata kapu manu lasi i mua o le Eteleno ofaipe Nimelote.

Senesi 13:13

Na agaveli le kakai o Sotoma, mo agasala lasi ki le Eteleno.

Senesi 6:10

Na fakatupu loa e Noe ni vosa e toka tolu : ko Semi, mo Kami, mo Safeti.

Senesi 7:1

Na pati loa le Eteleno kia Noe : Ulu ki le aleka, a koe mo lou famili ; talie kua kau tio e ke agatonu toka tasi i oku mua i le tautupu leinei.

Lua tosi o Koloniko 34:27

O tupu na lave ki lou loto a folafola ana, ti na ke fakasemala i mua o le Atua i lau logo ki folafola ana o uiga mo le ganea leinei mo lona kakai, ti na ke fakasemala i oku mua, ti na ke sae ou kofu, ti na ke tagi i oku mua, ko au foki, na kau logo, e folafola le Eteleno.

Pesalemo 11:5

E tilo e le Eteleno le loto o le tagata agatonu ; E vesia a ia ki le tagata agaveli mo leia e fiafia i le agamakeke.

Pesalemo 140:11

Ke laku kia latou ni malala kaka ! Ke ti latou ki le afi, Ki vanu, ala e leaise mafai ke lotou toe tuu ake i ai !

Pesalemo 55:9

E kau sola vave loa, O gasolo ake i le matagi makeke mo le afa.

Ekesote 32:7

Na pati loa le Eteleno kia Moisese : Ano, o ifo vave ki lalo, talie ko lou kakai leia na ke fakamavae mei le fenua o Esipito, kua fai ia ni nea fakalialia.

Esaia 60:18

E leaise toe logo loa ki le agamakeke i lou fenua, Pe ki le kaia mo le maumau i lou kele ; E ke tuku loa ki ou paa le igoa ko fakamauli, Ki ou matapa leia o kololia.

Selemia 6:7

Ofaipe se vai e mapuna mei se sosoni, E mapuna foki lona agaveli meiate ia ; E masau ata iate ia ki le fakamakeke mo le maumau ; E tio tuumau oku mata ki le mamae mo lavea.

Esekiele 28:16

O tupu ko le lasi o lau fai koloa Na ke apele i le agamakeke, ti na ke agasala ; E kau ti a koe ki lalo i le mauga maokioki o le Atua, Ti e kau kapu a koe, selupino leoleo, I loto malie o fatu gigila.

Esekiele 8:17

Ti na pati mai loa a ia kiate au : Pe ke tio, vosa o le tagata ? Pe koi ikiiki aifai ki le fale o Suta a nea fakalialia ala e lotou fai i leinei ? Pe tonu foki ke lotou fakaapele le fenua ki tukipo, ti ke aua na lotou tuku loku fakaitaitai ? Ko leinei, e lotou fakafeofi le laakau ki olatou isu.

Apakuki 1:2

E kaku loa kiafea, ei Eteleno ?… Na kau tagi, Kae e leaise ke fakalogo mai ! Na kau kalaga kiate koe o tupu ko le agamakeke, Kae e leaise ke tokoi mai !

Apakuki 2:17

Talie e vilo loa kiate koe a agamakeke na fai ki Lipane, Ti e fakaii loa a koe e maumau a manu, O tupu na ke liligi le toto o ni tagata, Ti na ke fai ni agamakeke i le fenua, Ki le kolo mo lona kakai fuli.

Apakuki 2:8

O tupu na ke kaia ni puleaga mauke ai, E kaia loa a koe e le toetoega fuli o kakai ; Talie na ke liligi le toto o ni tagata, Na ke fai ni agamakeke i le fenua, Ki le kolo mo lona kakai katoa.

Luka 1:6

Na la agatonu toka lua i mua o le Atua, o tausi malie a lao fuli mo fakatotonu fuli a le Aliki.

Loma 2:13

Talie e leaise ko latou ala e fakalogo ki le lao e faitotonu i mua o le Atua, kae ko latou ala e fai ia le lao e faitotonu.

Loma 3:19

Ti e tou iloa ko nea fuli ala e pati ki ai le lao e fakasa e ia kia latou ala e mauli i le lao, o tupu ke tapono a gutu fuli ti ke iloa kua agasala le malama nei katoa i mua o le Atua.

Tetelonome 31:29

Talie e kau iloa i le oki o loku mate e kotou fai loa ni nea fakalumaluma, ti e kotou maliu kese loa i le ala leia na kau fakasa kia koutou ; ti e soko loa kia koutou le malaia i temi ka au, ala e kotou fai ai loa le nea leia e veli ki mata o le Eteleno, ke tupu ai lona sausau kia koutou.

Tuifakamaau 2:19

Kae i le mate o le tui fakamaau, na lotou toe liliu loa o veli ake i olatou tamana. Na lotou toe pipiki loa ki ni atua kese, o tausi loa kia latou ti mo atolasio loa kia latou. Na leaise lotou tiaki loa alatou aga fakalialia mo alatou agatuu.