Senesi 50:11 - Tosi Tapu

¹¹ Ko le kau Kanaane, ala ko le kakai o le fenua, na tio loa ki le putu lena na fai i Atati, ti na lotou pati loa : Ko se putu lasi leinei a le kau Esipito ! Koia na soli ai le igoa ko Apele-Miselaime ki le ganea sasa fulumeto lena, leia na tuu i le leia atu kauvai o le Solotane.

Senesi 50:11 ပူးပေါင်းရင်းမြစ်များ

Senesi 13:7

Na malaga loa se fefele i tagata tausi manu a Apalamo mo tagata tausi manu a Lote. I le temi lena, na nofo le kau Kanaane mo le kau Felesi i le fenua.

Senesi 24:6

Na tali loa Apalaamo kiate ia : Aua ai na ke ave ki ai loku vosa !

Senesi 34:30

Ti na pati loa Sakopo kia Simeone mo Levi : Kua kolua fai se nea fakamamae kiate au, talie kua kau fakalialia ki mata o le kakai o le fenua leinei, ki le kau Kanaane mo le kau Felesi. E kau fakatasi loa a kakai ana kiate au. E lotou au loa o tamate au mo loku famili, talie e toka teiki fua aku tagata.

Senesi 50:10

I le kaku o le fanoga ki le ganea sasa fulumeto o Atati, leia na tuu i leia atu kauvai o le Solotane, na lotou fai loa i ai ni tagi lasi mo fakamamae ; ti na fai loa e Sosefo se putu ki lona tamana i aso e fitu.

Senesi 50:12

Na fakasoko loa i ai e vosa o Sakopo le nea leia na fakatotonu ake e lolatou tamana kia latou :

Tetelonome 11:30

Ko mauga ana e tuu i leia atu kauvai o le Solotane, i leia atu fetuu o le ala uesite, i le fenua o le kau Kanaane ala e nonofo i le vaivailiua o le Solotane, i mua o Kilikale, o ofi ki le sene o Mole.

Tetelonome 3:25

E kau kole atu kiate koe ke fakataga mai kiate au ke fakalaka i le Solotane, o tio ki le fenua malie i leia kauvai, ki ona mauga fulumalilie mo le Lipane.

Tetelonome 3:27

Pale ki le tumutumu o le mauga ko Pisika, ti ke fakamavaa lasi loa ou mata, o tio ki le uesite, mo le noleto, mo le saute, mo le esite ; talie e leaise ke fakalaka loa i le Solotane lena.

Uluaki tosi a Samuele 6:18

Na i ai foki ni kimoa aulo e lima o fakatatau ki kolo fuli ala e fakalogo ki pule e toka lima o le kau Filisitini, tatau fai a kolo tau mo kolo liliki sala kaua. Ko lena le nea e fakasa e le fatu lasi leia na teki loa ki ai le aleka o le Eteleno, ti koi tuu i le aso nei i le faisaga o Sosue i Pete-Semesi.