Senesi 5:29 - Tosi Tapu

²⁹ Ti na soli loa e ia kiate ia le igoa ko Noe, o pati : Ko ia leinei e fakafimalie ia loa tatou i atatou gaoi pakia, talie kua fakamalaia le kele leinei e le Eteleno.

Senesi 5:29 ပူးပေါင်းရင်းမြစ်များ

Senesi 5:28

Ko Lemeke, i lona fetuu kau lelau kau valu tupu lua, na fakatupu ia loa se vosa.

Senesi 5:30

Na mauli loa Lemeke, i le oki o le tupu o Noe, i fetuu e kau lelau ono kau iva tupu lima ; ti na fakatupu loa e ia ni vosa mo ni taine.

Senesi 7:23

Na mamate loa a nea fuli ala na mauli i aluga o le kele, mei le tagata o kaku ki le manu lalata, mo manu totolo ti mo manu lele o le lagi : na tamate fuli loa latou ke puli i le kele. Na toe fai a Noe mo latou ala na nonofo mo ia i le aleka.

Senesi 9:24

I le ofo ake a Noe i lona kona, na logo loa a ia ki le nea leia na fai kiate ia e le lua o ona vosa.

Esaia 54:9

Talie e fai loa kiate au pe le lomaki i le temi o Noe : Na kau fakapapau e leaise toe to loa le lomaki ia Noe ki le malama nei ; E kau toe fakapapau foki ke aua na kau toe ita kiate koe, Ti ke aua na kau toe valoki a koe.

Esekiele 14:14

Kae e maua loa i loto malie o le fenua lena a tagata anei e toka tolu, ko Noe, mo Taniela, mo Sopo, e lotou saofaki loa olatou laumalie ki lalatou faitotonu, e pati le Aliki, le Eteleno.

Esekiele 14:20

Kae e maua loa i loto malie o ia a Noe, mo Taniela, mo Sopo, e kau mauli ! e pati le Aliki, le Eteleno, e leaise lotou saofaki loa ni vosa pe ko ni taine, kae e lotou saofaki loa olatou mauli tefua i lalatou faitotonu.

Mateo 24:37

Ko le nea leia na soko i le temi o Noe e toe soko loa i le toe liliu mai o le Vosa o le tagata.

Luka 3:36

vosa o Kainame, vosa o Alepakesate, vosa o Seme, vosa o Noe, vosa o Lameke,

Loma 8:20

Talie na fakataulaloi le malama nei ki le vaiga, kae na leaise loto a ia ki ai, e leia na tuku ia a ia ki ai,

Epelo 11:7

Ko le tui leia na fakalogo ai a Noe ki valoki a le Atua o uiga mo nea ala ka soko kae na leaise tio ki ai, ti na i loa a ia ki le Atua, o fau loa se aleka ke fakamauli ai lona famili ; ko le tui lena na fakasa ia loa e ia le veli o le malama nei, ti na liliu loa a ia ko le tagata maua tofiga o le faitotonu leia e maua i le tui.

Uluaki tosi a Petelo 3:20

ala na tui gataa i mua, i le talitali mo le kataki fualoa a le Atua i aso o Noe, i le lolotoga fau o le aleka, leia na saofaki ia se ga toka teiki, ko le toka valu, mei le vai.

Lua tosi a Petelo 2:5

kapau na leaise fakasao e ia le malama afea, ti kapau na fakamauli fua e ia se ga toka valu o kau ai a Noe, le tagata fai akonaki lena o le faitotonu, i le temi leia na kakau mai ai e ia le lomaki ki se malama o ni tagata agasala ;