Senesi 5:22 - Tosi Tapu

²² Ko Enoke, i le oki o le tupu o Metusela, na saele loa mo le Atua i fetuu e kau lelau tolu ; ti na fakatupu loa e ia ni vosa mo ni taineliki.

Senesi 5:22 ပူးပေါင်းရင်းမြစ်များ

Senesi 17:1

I le fetuu kau iva tupu iva o Apalamo, na sa loa le Eteleno kia Apalamo, o pati kiate ia : Ko Au ko le Atua Mafimafi. Ke ke saele i oku mua, ti ke agatonu !

Senesi 24:40

Ti na tali mai loa a ia kiate au : Ko le Eteleno, leia na kau saele i ona mua, e kakau ia loa lona aselo i ou mua, ti e fakamanuia loa e ia lou fanoga, ti e ke filifili loa se avaga ki loku vosa i le famili mo le fale o loku tamana.

Senesi 48:15

Na tapuaki loa a ia kia Sosefo, o pati : E kau kole ki le Atua leia na saele i mua o oku tamana ko Apalaamo mo Isaake, ki le Atua leia na taki ia au mei loku tupu o kaku mai ki le aso nei,

Senesi 5:21

Ko Enoke, i lona fetuu kau ono tupu lima, na fakatupu ia loa Metusela.

Senesi 5:23

Ko aso fuli o Enoke ko fetuu e kau lelau tolu kau ono tupu lima.

Senesi 5:24

Na saele loa Enoke mo le Atua ; ti na leaise toe maua loa a ia, talie na ave loa a ia e le Atua.

Senesi 6:9

Ko leinei le sakoga o Noe. Ko Noe ko se tagata agatonu mo maokioki a ia i lona tautupu. Na saele a Noe mo le Atua.

Uluaki tosi o Sau 2:4

o tupu ke fakasoko e le Eteleno le folafola leinei na fai e ia kiate au : Kapau e tokaga loa ou vosa ki olatou ala, o saele agatonu i oku mua, i lolatou loto katoa, ti mo lolatou laumalie katoa, e leaise ke toe mativa tagata loa i ou muli, ke ekeeke i le ekeekeaga fakasau o Iselaele.

Lua tosi o Sau 20:3

Ei Eteleno ! Ke ke manatui na kau saele i ou mua i le maokioki mo le agatonu, ti na kau fai le nea leia e malie ki ou mata ! Ti na tagi mamae loa Esekiasi.

Pesalemo 116:9

E kau saele loa i mua o le Eteleno, I le kele o le kau mauli.

Pesalemo 128:1

Katiko o le fanoga tapu. Manuia tagata fuli ai e i ki le Eteleno, Leia e saele i ona ala !

Pesalemo 16:8

E kau maua tuumau le Eteleno i oku mua. Ka nofo a ia i loku fetuu atamai, e leaise kau siga.

Pesalemo 26:11

Ko au, e kau saele i le agatonu. Ke ke fakamauli au, ti ke ke alofa mai kiate au !

Pesalemo 56:13

Ei Atua ! e tonu ke kau fakasoko a fakapapau ala na kau fai kiate koe ; E kau momoli loa ni sakilifisio fakafetai kiate koe.

Pesalemo 86:11

Ei Eteleno, ako mai kiate au ou ala ; E kau saele loa i lou agatonu. Teuteu loku loto ke i ki lou suafa.

Ekesote 16:4

Na pati loa le Eteleno kia Moisese : Ko leinei, e kau fakavilo ia loa kia koutou se pane mei le lagi. E ulu loa le kakai ki fafo, o tae le pane i aso taki tasi, o fakafuafua ki le nea leia e aoga ki lana kai. E kau tio loa i ai pe kotou fakalogo ki aku lao pe leai.

Katiko o Katiko 1:4

Toso atu au kiate koe ! Ta makape ! Ko loku sau a koe, ave au ki lou kogafale, E ta fiafia loa toka lua, e ta nekenekea loa iate koe ; E ta sua loa lou alofa leia e malie ake i le vino. E tonu ai le mamana o taineliki kiate koe.

Oseo 14:9

Ko leia e poto ke tokaga ki nea anei ! Ko leia e atamai ke matala ki nea anei ! Talie e totonu a ala o le Eteleno ; E saele loa i ai le kau agatonu, Kae e sisiga loa i ai le kau agatuu.

Levitiko 26:12

E kau saele loa i loto malie o koutou, ti e kau liliu loa ko lokoutou Atua, ti e kotou liliu loa ko loku kakai.

Amosi 3:3

Pe saele fakatasi ni tagata e toka lua Kae e leikiaise la tonu tasi ?

Mikea 4:5

Talie e saele loa a kakai fuli, taki tasi i le suafa o lona atua, Ko matou, e motou saele loa i le suafa o le Eteleno, lomatou Atua, I tautupu mo tautupu, o lee gato.

Mikea 6:8

Na fakasa kiate koe, ei tagata, le nea leia e malie ; Ti ko le nea leia e kole atu e le Eteleno kiate koe, Ke ke fai le nea leia e totonu, Ke ke alofa ki le manava alofa, Ti ke ke saele mo lou Atua i le agamalu.

Malakia 2:6

Na nofo le lao o le maoki i lona loto, Ti na leaise maua le agaveli i ona laugutu ; Na saele a ia mo au i le tokamalie mo le maoki, Ti na fakamaliu e ia mei le veli ni tagata toka api.

Luka 1:6

Na la agatonu toka lua i mua o le Atua, o tausi malie a lao fuli mo fakatotonu fuli a le Aliki.

Gaoi 9:31

Na maua e le Ekelesia se tokamalie i Sutea katoa, mo Kalilea, mo Samalia, ti na laga ake latou ofaipe se fale, ti na lotou saele i le i ki le Aliki mo le gaoi a le Laumalie Maokioki, ti na tupu ake a ia o lasi.

Loma 8:1

Koia i le temi nei, e leaise tautea fua e tasi kia latou ala e nonofo ia Sesu-Kilisito.

Uluaki tosi ki le kau Kolinto 7:17

Ko leia fua, fetaina, ke tasi saele le tagata o mulimuli ki le vaega leia kua tuku e le Aliki kiate ia, ti mo le kalaga leia kua tali e ia mei le Atua. Ko lena le nea leia e kau fakatotonu ki Ekelesia fuli.

Lua tosi ki le kau Kolinto 6:16

Ko le nea fea leia e fakatasi ai le fale tapu o le Atua mo taulaatua ? Talie ko le fale tapu tatou o le Atua mauli, ofaipe le pati a le Atua : E kau nofo loa ti e kau saele loa i loto malie o latou ; e kau liliu loa ko lolatou Atua, ti e lotou liliu loa ko loku kakai.

Efeso 5:15

Koia kotou tokaga ai ki lakoutou saele, ke aua na kotou faipe se kau vale, kae ke kotou faipe se kau poto ;

Tetelonome 13:4

Ke kotou mulimuli loa i le Eteleno, lokoutou Atua, ti ke kotou i loa kiate ia ; ke kotou tausi loa ana folafola, ke kotou fakalogo loa ki lona leo, ke kotou tausi loa kiate ia, ti ke kotou pipiki loa kiate ia.

Tetelonome 28:9

E fakanofo loa a koe e le Eteleno ko se kakai maokioki kiate ia, o fai ki le nea leia na fakapapau atu e ia kiate koe, mo ka ke tausi loa a folafola a le Eteleno, lou Atua, ti mo ke saele loa i ona ala.

Tetelonome 5:33

Ke kotou mulimuli katoa i le ala leia na fakatotonu atu kia koutou e le Eteleno, lokoutou Atua, o tupu ke kotou mauli loa ti ke kotou manuia loa, o tupu ke kotou fakatologa loa okoutou aso i le fenua leia ka kotou maua tofiga loa.

Kolose 1:10

o tupu ke kotou saele o gali mo le Aliki, ti ke kotou malilie kiate ia i nea fuli, ti ke kotou maua ia ni fua o lasi i gaoi malilie kesekese, ti ke kotou tupu o lasi i le iloa o le Atua,

Kolose 4:5

Kotou saele tokaga kia latou ala e nonofo i fafo, ti kotou totogi le temi.

Uluaki tosi ki le kau Tesalonika 2:12

talie na motou fakalotomakeke koutou, mo fakapelepele koutou, ti mo fakakolekole koutou, ke kotou saele o gali mo le Atua, leia kua kalagai ia koutou ki lona puleaga ti mo lona kololia.

Uluaki tosi ki le kau Tesalonika 4:1

Koia, fetaina, talie kua kotou ako meia matou le mauli leia e tonu ke kotou maua o tupu ke kotou mata malie ai ki le Atua, ti e kotou fai le nea lena, e motou kole atu kia koutou, ti e motou kole mamae atu a ia kia koutou i le suafa o le Aliki ko Sesu, ke kotou saele i le nea lena o lakalaka ki mua.

Uluaki tosi a Soane 1:7

Kae kapau e tou saele i le malama, ofaipe ia totonu e nofo i le malama, e tou fekomunioaki tuumau, ti e fakamea tatou e le toto o Sesu lona Alo i agasala fuli ai.