Senesi 49:8 - Tosi Tapu

⁸ Ko Suta, e ke tali loa a fakavikiviki o ou fetaina ; E teki loa lou lima ki le muli ulu o ou fili ; E tulolo loa a vosa o lou tamana i ou mua.

Senesi 49:8 ပူးပေါင်းရင်းမြစ်များ

Senesi 27:29

Ke fakalogo ni kakai kiate koe, Ti ke punou ni puleaga i ou mua ! Ke ke pule ki ou fetaina, Ti ke punou a vosa o lou tinana i ou mua ! Ke malaia leia e tutuku ia a koe, Ti ke tapuakina leia e tapuaki loa kiate koe.

Senesi 29:35

Na toe tinae loa a ia, o fanaui loa e ia se tasi a tama, ti na pati loa a ia : I le faiaga loa leinei, e kau fakavikiviki loa ki le Eteleno. Ti na soli loa e ia ki le vosa lena le igoa ko Suta. Ti na gato loa lana fanaunau.

Senesi 42:6

Na pule Sosefo i le fenua ; ko ia leia na fakatau ia le fulumeto ki le kakai katoa o le fenua. Ti na au loa fetaina o Sosefo o punou ki le kele i ona mua.

Senesi 46:12

Ko vosa o Suta : Ko Ele, mo Onane, mo Sela, mo Pelesi, mo Selake. Na mate loa Ele mo Onane i le fenua o Kanaane. Ko vosa o Pelesi ko Eselone mo Amule.

Lua tosi a Samuele 22:41

E ke fakasosola oku fili i oku mua, Ti e kau tamate latou ala e vesia kiate au.

Lua tosi a Samuele 24:9

Na tuku loa e Soape ki le sau le lasi o le kakai : Na maua loa i Iselaele ni kau tagata tau e tino lelau afe valu, na too seleta ; ti mo kau tagata e tino lelau afe lima i Suta.

Lua tosi a Samuele 5:3

Koia na au loa le kau matua fuli o Iselaele kia Tavite i Epelone, ti na fai loa e le sau ko Tavite se sai mo latou i mua o le Eteleno. Na lotou pani lolo loa Tavite ko le sau o Iselaele.

Uluaki tosi o Koloniko 28:4

Ka na filifili au e le Eteleno, le Atua o Iselaele, i le fale katoa o loku tamana, ke kau liliu ko le sau o Iselaele o lee gato ; talie na filifili e ia Suta ko le pule, ti na filifili e ia le fale o loku tamana i le faasiga o Suta, ti na fakanofo e ia au i vosa o loku tamana ke sau ki Iselaele katoa.

Uluaki tosi o Koloniko 5:2

Talie na makeke ake Suta i ona fetaina, ti na tupu mei lona sakoga se sau ; kae na nofo le pule o le uluaki mo Sosefo.

Lua tosi o Koloniko 14:8

Na saele loa Selake, le Etiopia, mo se solia ko ni tagata e miliona mo ni saliote e kau lelau tolu, ke taui a Asa, ti na kaku loa a ia ki Malesa.

Lua tosi o Koloniko 15:9

Na fakatasii loa e Asa a Suta katoa mo Pesamino, ti mo latou o Efalaimi, mo Manase, ti mo Simeone ala na nonofo mo latou, talie na au se kakai toka api o Iselaele kiate ia, i lalatou tio kua nofo mo ia le Eteleno, lona Atua.

Lua tosi o Koloniko 17:2

Na fakamakeke loa a ia ki Iselaele : na tuku loa e ia ni fa solia ki kolo tau fuli o Suta, mo ni solia leo i le fenua o Suta mo kolo o Efalaimi ala na too e Asa, lona tamana.

Lua tosi o Koloniko 30:11

Kae logo ai le gologolo a le kakai, na i ai ni tagata o Asele, mo Manase, mo Sapulone ala na fakataulalo loa ti na au loa ki Selusalemi.

Pesalemo 76:1

Ki le pule o le kau sua. I ni nea faimusika va. Pesalemo a Asafe. Katiko.

Esaia 9:7

E kakau e le Eteleno se folafola kia Sakopo, Ti kua vilo a ia ki Iselaele.

Esekiele 21:29

Koia e folafola le Aliki, le Eteleno, o pati : O tupu e kotou fakamanatu tuumau mai kiate au akoutou agaveveli, o fakasa ki tafa akoutou patigataa mo akoutou agasala i akoutou gaoiaga fuli ; o tupu e kotou fakamanatu tuumau latou kiate au, e too loa koutou e lona lima makeke.

Numelo 1:27

ti na maua loa i le tosi o le faasiga o Suta : ko le tino fitu tupu fa tino lelau ono (74 600).

Numelo 10:14

Na uluaki mavae loa le manumanu o le nofolaga o Suta, mo ona kau tau. Na taki le kau tau o Suta e Nasoni, vosa o Aminatape ;

Numelo 26:20

Ko nei a vosa o Suta o mulimuli ki olatou famili : ko Sela leia e ifo mei ai le famili o le kau Sela ; mo Pelesi, le famili o le kau Pelesi ; mo Selake, le famili o le kau Selake.

Numelo 26:22

Ko famili ana o Suta, ala na kau i le tosi : ko le tino fitu tupu ono afe mo tino lelau e lima (76 500).

Tetelonome 33:7

Ko leinei le nea na pati a ia o uiga mo Suta : Eteleno, fakalogo mai ki le leo o Suta, Ti ke toe fakaliliu mai a ia ki lona kakai. Ke makeke ona lima ; Ti ke ke tokoi kiate ia ki ona fili !

Epelo 10:13

ti e talitali a ia talu mei ai ke soko ona fili ko lona tekiaga vae.

Epelo 7:14

talie kua sa maoki na tupu lotatou Aliki meia Suta, faasiga leia na leaise masau ki ai Moisese ki le tulaga fakapelepitelo.

Sosue 10:24

I le kaku ake o sau ana ki mua o Sosue, na fakatotonu loa e Sosue ke fakatasi ake kiate ia a tagata fuli o Iselaele, ti na pati loa a ia ki pule o le kau tau ala na ano mo ia ki le tau : Kotou fakafeofi mai, ti kotou teki okoutou vae ki ua o sau anei. Na lotou fakafeofi ake loa, ti na lotou teki loa olatou vae ki ua o sau.

Sosue 15:20

Ko lena le tofiga o le faasiga o vosa o Suta, o mulimuli ki olatou famili.

Apokalipisi 11:15

Ti na pupusi loa e le fitu o aselo lana fakatagi pupusi. Ti na i ai loa ni leo makeke i le lagi ala na pati : Ko le puleaga o le malama nei kua tuku ki lotatou Aliki ti mo lona Kilisito ; ti e sau loa a ia i sekulo mo sekulo.

Apokalipisi 5:5

Ti na pati mai loa se tasi o le kau matua kiate au : Aua na ke tagi ; ko leinei, ko le laione o le faasiga o Suta, le afusa o Tavite, kua malo ke fakamavaa ia le tosi mo ona fakamau e fitu.

Tuifakamaau 20:18

Ti na tuu ake loa a fanau a Iselaele ki aluga, o ano ki Petele, ti na lotou kole loa ki le Atua, o pati : Ko ai leia ia matou e tonu ke uluaki ano loa o tau ki vosa o Pesamino ? Na tali loa le Eteleno : Ko Suta e kamata ia loa.