Senesi 49:23 - Tosi Tapu

²³ Na fakaveliveli kiate ia ni tagata fai kalolo, Ti na lotou kaloloi a ia ki alatou kalolo, Ti na lotou kapu a ia i lolatou vesia.

Senesi 49:23 ပူးပေါင်းရင်းမြစ်များ

Senesi 37:18

Na lotou tio loa kiate ia mei mamao, kae i mua o lana kaku ake kia latou, na lotou fonofono loa ke tamate a ia.

Senesi 37:24

Ti na lotou ti loa a ia ki le sosoni. Na masa le sosoni lena, ti na leaise se vai i ai.

Senesi 37:28

I le kaku ake o le kau o Matiane kia latou, na lotou toso ake loa Sosefo mei le sosoni ki tafa, ti na lotou fakatau loa a ia o kau lua sikele paaga ki le kau Isemaele, ala na ave ia loa Sosefo ki Esipito.

Senesi 37:4

Na tio loa ona fetaina na alofa lasi ake lolatou tamana kia Sosefo ia latou fuli, ti na lotou vesia loa kiate ia. Na leaise feala ke lotou masau malie kiate ia.

Senesi 42:21

Na lotou fepatiaki loa ia latou : Io, kua soko le mamae leinei kia tatou o tupu ko latatou agasala leia na tou fai ki lotatou taina : Talie na tou tio ki le mamae o lona loto, i lana tagi mai kia tatou ke tou alofa ake kiate ia, kae na leaise tou tokagai a ia !

Senesi 49:22

Ko Sosefo, ko le uli a ia o se laakau fua, Le uli o se laakau fua i tafa o se matapuna vai ; E malaga loa ona laa i aluga o le kaua.

Senesi 49:24

Kae na tuu makeke aifai lana kalolo, Ti na fakamakeke ona lima E lima o le Atua makeke o Sakopo : Koia leia na liliu ai a ia ko le tagata tausi manu, mo le utu o Iselaele.

Pesalemo 118:13

Na tulei au ke kau siga ; Kae na tokoi le Eteleno kiate au.

Pesalemo 64:3

Saofaki au i fono veli a le kau agasala, I le fakatasi logoa a tagata agaveli !

Soane 16:33

Kua kau fakasa a nea ana kia koutou, o tupu ke kotou maua le tokamalie iate au. E kotou maua loa ni mamae i le malama nei ; kae kotou loto makeke, kua kau malo i le malama nei.

Gaoi 14:22

o fakamakeke le laumalie o le kau tisipulo, mo akonaki kia latou ke lotou tuu mau i le tui, o pati : e tonu ke tou ulu ki le Puleaga o le Atua i ni mamae lasi ai.