Senesi 49:22 - Tosi Tapu

²² Ko Sosefo, ko le uli a ia o se laakau fua, Le uli o se laakau fua i tafa o se matapuna vai ; E malaga loa ona laa i aluga o le kaua.

Senesi 49:22 ပူးပေါင်းရင်းမြစ်များ

Senesi 41:52

Ti na soli loa e ia ki le vosa lua le igoa ko Efalaimi, talie na pati a ia : Kua soli mai e le Atua kiate au ni fanau i le fenua leinei na kau mamae lasi ai.

Senesi 46:27

Na maua e Sosefo ni vosa e toka lua, ala na tupu kiate ia i Esipito. Ko le api katoa o le famili o Sakopo leia na nofo loa i Esipito ko le tino fitu.

Senesi 48:1

I le oki o nea ana, na fakasa loa kia Sosefo : Ko leinei kua masaki lou tamana. Ti na too loa e Sosefo ona vosa e toka lua ko Manase mo Efalaimi, o ave kia Sakopo.

Senesi 48:15

Na tapuaki loa a ia kia Sosefo, o pati : E kau kole ki le Atua leia na saele i mua o oku tamana ko Apalaamo mo Isaake, ki le Atua leia na taki ia au mei loku tupu o kaku mai ki le aso nei,

Senesi 48:16

ki le aselo leia na saofaki ia au mei tutamaki fuli, e kau kole kiate ia ke tapuaki ki fanau anei ! Ke la fakamauli loku igoa ofaipe le igoa o loku tamana ko Apalaamo mo Isaake, ti ke la liuliuga o lasi i le fenua katoa !

Senesi 48:5

I le aso nei, ko vosa e lua, ala na tupu kiate koe i le fenua o Esipito i mua o laku tau mai kiate koe i Esipito nei, e ke soli mai loa laua kiate au : E liliu loa Efalaimi mo Manase ko aku fanau ofaipe Lupeni mo Simeone.

Senesi 49:23

Na fakaveliveli kiate ia ni tagata fai kalolo, Ti na lotou kaloloi a ia ki alatou kalolo, Ti na lotou kapu a ia i lolatou vesia.

Pesalemo 128:1

Katiko o le fanoga tapu. Manuia tagata fuli ai e i ki le Eteleno, Leia e saele i ona ala !

Pesalemo 128:3

E fai lau avaga pe se vite fua I lou loto fale ; E fai ou vosa pe ni uli o le olive I le takatakai o lou laupapa kai.

Pesalemo 80:10

Na ke fakalauatea i ona mua, Na fakatupu e ia ni aka, ti na fakaapele e ia le fenua.

Esekiele 19:11

Na maua e ia ni laa makeke ke fai ai ni tokotoko fakasau ; Na malaga a ia o taualuga ake i la ake laakau. Na viki a ia, o tupu ko lona taualuga mo le lasi o ona laa.

Oseo 13:15

E logo ai le lasi o fua o Efalaimi i loto malie o ona fetaina, E au loa le matagi o le potu Esite, e malaga ake loa le matagi o le Eteleno i le toafa, O fakamalo ia loa ona matapuna, ti mo fakamasa ia loa ona tanakiaga vai. E kaia loa a fale koloa fuli ala e tanaki ai au nea mauiga.