Senesi 49:18 - Tosi Tapu

¹⁸ E kau fanaki ki le Eteleno, ko loku tokoi !

Senesi 49:18 ပူးပေါင်းရင်းမြစ်များ

Senesi 49:17

E fai a Tane pe se gata i le ala, Pe se gata kona i se ala lau ikiiki, Leia e uuti ia a taga vae o osi, Ke vilo ai ki muli le tagata leia e eke i aluga.

Pesalemo 119:166

Ei Eteleno, e kau amanaki malie ki lau fakamauli, Ti e kau tausi au folafola.

Pesalemo 119:174

Ei Eteleno, e kau oli mamae ki lau fakamauli ! Ti ko lau lao e fai ia oku fiafiaaga.

Pesalemo 119:41

Eteleno, ke au lou manava alofa kiate au. Fakamauli au o mulimuli ki lau fakapapau !

Pesalemo 123:2

Ko leinei, ofaipe mata o ni tagata fakasausau e tio tuumau ki le lima o olatou pule, Ti mo mata o le fafine fakasausau ki le lima o lona fafine pule, E agaaga foki omatou mata ki le Eteleno, lomatou Atua, O kaku ki lona aloalofa mai kia matou.

Pesalemo 130:5

E kau amanaki malie ki le Eteleno, e amanaki malie loku laumalie, Ti e kau talitali ki lana fakapapau.

Pesalemo 14:7

Oi ! Ko ai ka aumai ia loa mei Sione le fakamauli ki Iselaele ? Io e toe aumai loa e le Eteleno le kau popula o lona kakai, E nofo loa Sakopo i le fiafia lasi, E fiafia loa Iselaele.

Pesalemo 40:1

Ki le pule o le kau sua. A Tavite. Pesalemo.

Pesalemo 62:1

Ki le pule o le kau sua. Meia Setutune. Pesalemo a Tavite.

Pesalemo 62:5

E lotou fakakaukau ke fakaifo a ia i lona tuulaga taualuga ; E lotou maua lolatou fiafia i le loi ; E lotou tapuaki i olatou gutu, Kae e lotou fakamalaia i olatou loto. - Manava.

Pesalemo 85:7

Pe leaise ke toe aumai loa le mauli kia matou, o tupu ke fiafia lou kakai iate koe ?

Ekesote 15:2

Ko le Eteleno ko loku makeke ti ko le tupuaga a ia o aku fakavikiviki ; Ko ia leia na saofaki ia au. Ko ia ko loku Atua : e kau fakavikiviki loa kiate ia ; Ko ia ko le Atua o loku tamana : e kau fakasa loa lona mauiga.

Taagapati 14:32

E vilo le tagata agaveli o tupu ko lana agaveli, Kae e maua e le tagata agatonu se mumuniaga i lona mate.

Esaia 25:9

I le aso lena e pati loa : Ko leinei, ko lomatou Atua, leia e motou fanaki ki ai, Ti ko ia leia e fakamauli ia matou ; Ko le Eteleno leia e motou fanaki ki ai ; Ke tou nekenekea, ti ke tou fakafiafia i lana fakamauli !

Esaia 30:18

Koia e oli le Eteleno ke soli atu kia koutou lona kalasia, Ti e tuu loa a ia ki aluga o soli atu kia koutou lona manava alofa ; Talie ko le Eteleno ko se Atua faitotonu : Manuia latou fuli ala e amanaki malie kiate ia !

Esaia 33:2

Eteleno, alofa mai kia matou ! E motou amanaki malie kiate koe. Ke ke liliu ko lomatou tokoi i usu fuli, Ti mo lomatou fakamauli i le temi o le mamae !

Esaia 36:8

I le aso nei, fai se talaga mo loku pule, le sau o Asilia, ti e kau soli atu loa kiate koe ni kau osi e lua afe mo ka e ke maua ni tagata ke eke ia latou.

Esaia 8:17

E kau amanaki malie ki le Eteleno, Leia kua tapono ia ona mata ki le fale o Sakopo ; E kau tuku laku fanaki kiate ia.

Tagi laulau a Selemia 3:25

E agamalie le Eteleno ki leia e tuku lana amanaki malie kiate ia, Ki le laumalie leia e afa ia a ia.

Oseo 12:7

Ti ko koe, toe liliu mai ki lou Atua ; Taupau le alofa ki le Atua mo le faitotonu, Ti fanaki tuumau ki lou Atua.

Mikea 7:7

Kiate au, e kau maliu loa ki le Eteleno, E kau tuku loa laku amanaki malie ki le Atua o loku fakamauli ; E tali loa loku Atua ki aku kole.

Mateo 1:21

E fanaui loa e ia se tama, e ke soli loa kiate ia le igoa ko Sesu, talie ko ia loa leia ka saofaki ia loa lona kakai mei alatou agasala.

Maleko 15:43

na kaku mai loa Sosefo mei Alimatea, ko se tagata fono mauiga, leia na talitali foki ki le puleaga o le Atua. Na toa loa a ia o ano kia Pilato, o kole le tino o Sesu.

Luka 1:30

Kae na pati loa le aselo kiate ia : Aua na ke i, Malia, talie kua ke maua se kalasia i mua o le Atua.

Luka 2:25

Ti ko leinei, na i ai i Selusalemi se tagata na igoa ko Simeone. Na agatonu le tagata lena mo tausi malie ki le Atua, ti na talitali a ia ki le fakapelepeleaga o Iselaele, ti na iate ia le Laumalie Maokioki.

Luka 2:30

Talie kua tio oku mata ki lau fakamauli,

Luka 23:51

ti na leaise kau a ia ki le nea leia na fakatuutuu ti mo fai e la ake tagata o le fono lasi. Na au a ia mei le kolo o le kau Sutea ko Alimatea, ti na talitali a ia ki le puleaga o le Atua.

Loma 8:19

Koia e talitali ai le malama nei mo se oli mamae ki le fakasa o vosa o le Atua.

Loma 8:25

Kae kapau e tou amanaki ki le nea leia e leaise tou tio ki ai, e tou talitali ki ai mo le loto kataki fualoa.

Kalate 5:5

Kia tatou, e tou talitali i le Laumalie ki le amanaki malie o le faitotonu leia e maua i le tui.

Uluaki tosi ki le kau Tesalonika 1:10

ti ke talitali mei le atu lagi ki lona Alo, leia na toe fakatuuake e ia mei le kau mate, Sesu, leia e fakamauli ia tatou mei le sausau ka au.