Senesi 49:10 - Tosi Tapu

¹⁰ E leaise fakamamao loa le pala fakasau ia Suta, Ti mo le tokotoko fakaaliki i lima o lona sakoga, O kaku ki le aso leia e sa ai loa le Silo (leia e tonu ke maua ia a ia), Ti ke fakalogo loa kiate ia a kakai fuli.

Senesi 49:10 ပူးပေါင်းရင်းမြစ်များ

Lua tosi a Samuele 7:13

Ko ia leia ka fakatuu ia loa se fale ki loku suafa, ti e kau fakamakeke loa le ekeekeaga fakasau o lona puleaga, o lee gato.

Lua tosi a Samuele 7:16

E tuu loa lou fale mo lou puleaga o lee gato, ti e tuu makeke loa lou ekeekeaga fakasau o lee gato.

Uluaki tosi o Koloniko 12:24

I vosa o Suta, ko tagata e tino afe e ono mo tino lelau e valu, ala na too ia le paletau mo le tao.

Uluaki tosi o Koloniko 12:39

Na lotou nonofo loa i Epelone mo Tavite i aso e tolu, o kai mo inu, talie na teuteui e olatou fetaina ni nea kai kia latou.

Pesalemo 108:8

Na fakasa e le Atua i lona maokioki : E kau malo loa, E kau vae loa Siseme, e kau fuafua loa le vaivailiua o Sikote ;

Pesalemo 60:7

O tupu ke saofaki ou alofaaga, Ke ke fakamauli ki lou lima atamai, ti ke ke tali matou !

Pesalemo 60:9

A aku Kalaate, a aku Manase ; Ko Efalaimi ko loku puloga tau, Ti ko Suta ko loku tokotoko fakasau ;

Pesalemo 78:68

Na filifili loa e ia le faasiga o Suta, Le mauga o Sione leia na alofa a ia ki ai.

Esaia 11:10

I le aso lena, e nofo loa i ai le uli o Isaia Ofaipe se manumanu ki kakai fuli ; E afa loa a ia e atu puleaga, Ti e malolo loa a ia i le kololia.

Esaia 2:2

E soko loa, i aso fakamuli, E fakatuu loa le mauga o le fale o le Eteleno I le tumutumu o mauga, Ti e malaga loa a ia i aluga o mauga liliki, Ti e tau mai loa ki ai a atu puleaga fuli.

Esaia 33:22

Talie ko le Eteleno ko lotatou tui fakamaau, Ko le Eteleno ko lotatou tagata takitaki, Ko le Eteleno ko lotatou sau : Ko ia leia e fakamauli ia tatou.

Esaia 42:1

Ko leinei laku tagata fakasausau, leia e kau tokoi loa ki ai, Laku filifilia, leia e fiafia ai loku laumalie. Na kau tuku kiate ia loku Laumalie ; E fakasa loa e ia le faitotonu ki atu puleaga.

Esaia 55:3

Kotou tokaga mai okoutou taliga, ti kotou au kiate au, Kotou fakalogo mai, ti e mauli loa lokoutou laumalie : E kau fai loa mo koutou se sai lee gato, Ke tuku tuumau kia koutou oku kalasia kia Tavite.

Esaia 60:1

Tuu ki aluga, ke ke gigila, talie kua soko mai lou malama, ti kua sopo le kololia o le Eteleno kiate koe.

Esaia 62:11

Ko leinei le nea leia e fakasa e le Eteleno ki potupotu o le malama nei : Kotou pati ki le taine o Sione : Ko leinei, e au lou fakamauli ; E au a ia mo le totogi, Ti e muamua a fakapale iate ia.

Esaia 9:6

E fakamafola loa e ia lana pule ki atu puleaga, E tuku loa e ia le tokamalie lee gato ki le ekeekeaga fakasau o Tavite, mo lona puleaga, Ti e fakamakeke loa e ia a ia ti mo poupou a ia ki le lao mo le faitotonu, I le temi nei o lee gato : Ko lena le nea e fai loa e le Eteleno o kau tau i lona alofa lasi.

Selemia 30:21

E au loa lona pule mei lona manava, E ulu loa meiate ia leia e takitaki ia loa a ia. E kau fakafeofi mai loa a ia kiate au, ti e au loa a ia kiate au ; Talie ko ai e toa loa i le fakafeofi toka tasi mai kiate au ? E pati le Eteleno.

Selemia 33:26

E kau tiaki loa le sakoga o Sakopo mo Tavite, laku tagata fakasausau, Ti e leaise kau toe too loa i lona sakoga latou ala e pule loa Ki fanau a Apalaamo, mo Isaake, mo Sakopo. Talie e kau toe aumai loa lolatou kau popula, ti e kau alofa loa kia latou.

Esekiele 19:11

Na maua e ia ni laa makeke ke fai ai ni tokotoko fakasau ; Na malaga a ia o taualuga ake i la ake laakau. Na viki a ia, o tupu ko lona taualuga mo le lasi o ona laa.

Esekiele 19:14

Na mapuna le afi i ona laa, Ti na kai e ia ona fua ; E leaise koi maua e ia ni laa makeke Ke fai ai se tokotoko fakasau. Ko lena se lau mamae, leia e tonu ke sua ko se lau mate.

Esekiele 21:27

Kua vilo ki lona lima atamai le gasau, leia na tusi mo Selusalemi. Ko leinei, ka tuku loa e ia le fakatotonu ke ano ki ai, ti ke fai ni kalaga makeke. E fakatuu loa e ia ni masini tau ki matapa o le kolo, ti e laga loa e ia ni palepale tau, ti e kenu loa e ia ni mumuniaga.

Esekiele 21:32

E kau fakaliliu loa Selusalemi ko se kolo maumau, ko se kolo maumau, ko se kolo maumau ! Kae koi soko loa le nea lena i le au o leia e maua ia le fakamaau, ti e kau tuku loa a ia kiate ia.

Taniela 9:25

Koia ke ke iloa ai ti mo ke matala ki le nea leinei : Mei le lakaga leia na fakasa ai e le folafola e toe laga loa Selusalemi, o kaku ki le Mesia, le Takitaki, e i ai ni vasaa e fitu ti mo ni vasaa e kau ono tupu lua : e toe laga loa a lapalasi mo kanivo, kae i ni temi maveuveu.

Mikea 5:1

Ti ko koe, Peteleemi Efalata, Leia e ikiiki i le tino afe o Suta, Iate koe e au loa kiate au, Leia e pule loa i Iselaele, Leia e pale ana gaoi o kaku ki temi afea, Ki aso o le lee gato.

Akeseo 2:7

E kau luui loa a atu puleaga fuli ; E aumai loa a koloa o atu puleaga fuli, ti e kau fakaapele loa ki le kololia le fale leinei, E pati le Eteleno.

Sakalia 10:11

E lotou fakalaka loa i le tai o le mamae, e lotou taai loa a galu o le tai, Ti e malo loa a takele fuli o vaitafe. E taai loa ki lalo le fia nealasi o Asilia, Ti e puli loa le tokotoko fakasau o Esipito.

Sakalia 2:11

I le aso lena e api loa a puleaga ala e pipiki loa ki le Eteleno, Ti e liliu loa ko loku kakai. E kau nofo loa i loto malie o ou, Ti e ke iloa loa na kakau mai au kiate koe e le Eteleno o kau tau.

Numelo 21:18

Sosoni, na kenu koutou e ni kau aliki ! Na kenu koutou e ni kau lalasi o le kakai, Ki le tokotoko pule, ki alatou laakau pule !

Numelo 24:17

E kau tio ki ai, kae e leai nei ; E kau tio ki ai, kae koi mamao : E ulu se fetuu meia Sakopo, E malaga se sau i Iselaele. E taai e ia a vakavaka o Moape, Ti e tamate e ia a vosa fuli o Seti.

Numelo 24:19

Ko leia e ulu loa meia Sakopo e pule faitalisa, E tamate e ia latou ala e sosola mei kolo.

Mateo 1:21

E fanaui loa e ia se tama, e ke soli loa kiate ia le igoa ko Sesu, talie ko ia loa leia ka saofaki ia loa lona kakai mei alatou agasala.

Mateo 17:5

I le lolotoga o lana masau, na uufi loa latou e se ao gigila. Ti ko leinei, na fakasa loa e se leo mei le ao a folafola anei : Ko ia leinei ko loku Alo alofaina, leia kua kau tuku ki ai loku alofa : Kotou fakalogo kiate ia !

Mateo 21:9

Ko latou ala na ano i mua ti mo latou na muli ia Sesu na kalaga : Osana ki le Vosa o Tavite ! Tapusa leia e saele mai i le suafa o le Aliki ! Osana i ganea taualuga ai !

Mateo 25:32

E fakatasi loa a atu puleaga fuli i ona mua. E vaei kese loa e ia ala mei la, ofaipe le vaei kese e le tagata tausi ovi o ovi mei koti ;

Soane 12:32

Ti ko au, ka siki ake loa au ki aluga mei le kele, e kau fakatatae mai loa kiate au a tagata fuli.

Soane 18:31

I le nea lena, na pati loa Pilato kia latou : Kotou too a ia, ti kotou fakamaaui a ia o mulimuli ki lakoutou lao. Na pati loa le kau Sutea kiate ia : E leaise taga kia matou ke motou tamate se tasi.

Soane 19:12

Talu mei le lakaga lena, na faiga loa Pilato ke fakamauli Sesu. Kae na kalaga le kau Sutea : Kapau e ke fakamauli a ia, ti e leaise ko le kaukau nea a koe o Sesale. Ko leia e pati, ko le sau a ia, e agatuu a ia kia Sesale.

Soane 19:15

Kae na lotou kalaga leo lasi loa : Ke mate, ke mate, ke kulusifiko a ia ! Na pati loa Pilato kia latou : Pe kau kulusifiko loa lokoutou sau ? Na tali loa le kau pule faisakilifisio : Ko lomatou sau e tasi ko Sesale.

Soane 9:7

o pati kiate ia : Ano, o maanu i le maanuaga o Siloe (ko lona uiga : ko le fakasausau). Na ano loa a ia ki ai o maanu, ti na liliu mai loa a ia kua tio malie.

Loma 15:12

Na pati foki Esaia : E tupu loa ia Isaia se afusa, Leia e malaga ake loa o sau i atu puleaga ; Eamanaki malie loa a atu puleaga kiate ia.

Lua tosi ki le kau Kolinto 5:10

Talie e tonu ke tou tutuu fuli i mua o le fakamaauaga a Kilisito, o tupu ke tali e le tagata taki toka tasi o mulimuli ki le malie mo le veli leia na fai i le tino.

Tetelonome 28:57

mo lona ga toe foki leia nao fanaui ake fua, mo le valegafanau o le toe leia nao vilo ake fua iate ia. I le lasi o le mativa mo le pakupaku i le temi o le tau, e fanaki loa le fafine lena ki nea ana ke kai fakafufu loa e ia toka tasi, o tupu ko le veli ai o le fakaaloalofa leia e tuku loa e lou fili kiate koe i kolo fuli ala e ke nofo ai loa.

Epelo 7:14

talie kua sa maoki na tupu lotatou Aliki meia Suta, faasiga leia na leaise masau ki ai Moisese ki le tulaga fakapelepitelo.

Apokalipisi 11:15

Ti na pupusi loa e le fitu o aselo lana fakatagi pupusi. Ti na i ai loa ni leo makeke i le lagi ala na pati : Ko le puleaga o le malama nei kua tuku ki lotatou Aliki ti mo lona Kilisito ; ti e sau loa a ia i sekulo mo sekulo.