Senesi 48:9 - Tosi Tapu

⁹ Na tali loa Sosefo ki lona tamana : Ko oku vosa, ala na soli mai kiate au e le Atua i le fenua leinei. Ti na pati loa Iselaele : E kau kole atu kiate koe, ke ke fakafeofi mai laua kiate au ke kau tapuaki kia laua.

Senesi 48:9 ပူးပေါင်းရင်းမြစ်များ

Senesi 27:4

Teuteui mai loa kiate au se nea kai leia e kau manako ki ai, ti ke aumai loa a ia kiate au ke kau kai, o tupu ke kau tapuaki loa kiate koe i mua o loku mate.

Senesi 30:2

Na ita loa Sakopo kia Lasele, o pati : Pe ko le Atua au, leia na tapono ia a koe ke aua na ke fanaunau ?

Senesi 33:5

Ti na siki ake loa e Esau ona mata, o tio ki fafine mo toe, ti na pati loa a ia : Ko ai ma latou anei ? Ti na tali loa Sakopo : Ko fanau anei na soli mai e le Atua ki lau tagata fakasausau.

Senesi 49:28

Ko latou fuli ana, na tupu mei ai a famili e tino agafulu tupu lua o Iselaele. Ti ko masau ana, na tuku kia latou e lolatou tamana, i lana tapuaki kia latou. Na tuku e ia lana tapuaki ki le tagata taki toka tasi.

Uluaki tosi o Koloniko 25:5

ko vosa fuli latou o Emani, leia ko le polofeta a le sau, ke fakasa ia a folafola a le Atua, ti ke fakavikiviki ki lona mafimafi ; na soli e le Atua kia Emani ni vosa e tino agafulu tupu lua mo ni taineliki e toka tolu.

Pesalemo 127:3

Ko leinei, ko ni vosa ko se tofiga mei le Eteleno, Ko le fua o le manava ko se fakapale.

Esaia 8:18

Ko leinei, ko au mo fanau ala na tuku mai e le Eteleno kiate au, Kua motou liliu ko ni fakamailoga mo ni nea fakatalatupua i Iselaele, Mei le Eteleno o kau tau, Leia e nofo i le mauga o Sione.

Tetelonome 33:1

Ko leinei le tapuaki na tuku e Moisese, tagata a le Atua, i le aso leia na tapuaki ai a ia ki fanau a Iselaele, i mua o lona mate.

Epelo 11:21

Ko le tui leia na tapuaki ai loa Sakopo, i lana teuteu ke mate, ki vosa taki tasi o Sosefo, ti mo atolasio, o fafanaki ki le potupotu o lona tokotoko.

Uluaki tosi a Samuele 1:20

I le fetuu lena, na tinae loa a Ana, ti na fanaui loa e ia se tama, leia na fakaigoa loa e ia ko Samuele, talie na pati loa a ia : Na kau kole a ia ki le Eteleno.

Uluaki tosi a Samuele 1:27

Na kau kole le toe leinei, ti kua tali e le Eteleno le kole leia na kau fai kiate ia.