Senesi 48:21 - Tosi Tapu

²¹ Na pati loa Iselaele kia Sosefo : Ko leinei ka kau mate loa ! Kae e nofo loa le Atua mo koutou, ti e toe fakaliliu loa koutou e le Atua ki le fenua o okoutou tamana.

Senesi 48:21 ပူးပေါင်းရင်းမြစ်များ

Senesi 12:5

Na ave loa e Apalamo lana avaga ko Salai, mo Lote, le vosa o lona taina, ti mo nea fuli ala na lotou maua, ti mo tagata fakasausau ala na lotou maua i Salani. Na lotou mavae loa o ano ki le fenua o Kanaane. Ti na lotou tau loa ki le fenua o Kanaane.

Senesi 15:14

Kae e kau fakamaaui loa le puleaga lena na lotou popula ki ai, ti e lotou mavae loa mei ai mo ni koloa lasi.

Senesi 15:16

I le fa o tautupu, e lotou toe liliu mai loa ki leinei ; talie e leikiaise kaku le agasala o le kakai Amole ki lona apele malie.

Senesi 26:3

Nofo mau i le fenua leinei : E kau nofo loa mo koe, ti e kau tapuaki loa kiate koe, talie e kau soli loa a fenua fuli anei kiate koe mo lou sakoga, ti e kau fakasoko loa le fakapapau leia na kau fai kia Apalaamo, lou tamana.

Senesi 28:15

Ko leinei, e kau nofo mo koe, e kau taupau loa a koe i ganea fuli ala e ke ano loa ki ai, ti e kau toe aumai loa a koe ki le fenua leinei ; talie e leaise kau tiaki noa loa a koe, kae kau fakasoko loa a nea fuli ala na kau fakapapau atu kiate koe.

Senesi 37:1

Na nofo loa Sakopo i le fenua o Kanaane, leia na nofo fakatemi ai lona tamana.

Senesi 46:4

Ko au totonu, e kau ifo loa mo koe ki Esipito, ti ko au totonu, e kau toe aumai ia loa a koe ki leinei. I lou mate ko Sosefo leia e tapono ia loa ou mata.

Senesi 47:29

Na fakafeofi loa Iselaele ki le temi o lona mate, ti na kalagai loa e ia lona vosa ko Sosefo, o pati kiate ia : Kapau e ke alofa kiate au, ti ke fakasa loa kiate au lou alofa mo lou agatonu : Aua na ke tanu loa au i Esipito. E kau kole atu kiate koe, ke ke fakapapau mai kiate au, o velo mai lou lima ki lalo o loku tega.

Senesi 50:24

Na pati loa Sosefo ki ona fetaina : Kua tatae loku temi mate ; kae e fakatele maoki loa le Atua kia koutou, ti e fakamavae loa e ia koutou i le fenua leinei ki le fenua leia kua fakapapau e ia ke soli kia Apalaamo, mo Isaake, mo Sakopo.

Senesi 50:6

Na tali loa Falaone : Pale o tanu lou tamana, o fakasoko lau fakapapau kiate ia.

Pesalemo 18:46

E puli le makeke o vosa o le matapule, E lotou lulu i fafo o olatou kolo tau.

Luka 2:29

I le lakaga nei, Aliki, ke ke tuku la lau tagata fakasausau Ke ano i le tokamalie, o mulimuli ki lau folafola.

Gaoi 13:36

Kae ko Tavite, i le oki o lana fai i lona tautupu le finegalo o le Atua, na mate loa a ia ti kua tanu a ia mo ona tamana, ti kua pala lona tino.

Tetelonome 30:3

ti e toe aumai loa e le Eteleno, lou Atua, lou kakai popula ki lona fenua, ti e toe alofa loa a ia kiate koe, o toe fakatasii loa a koe mei loto malie o puleaga fuli ala na fakamavete a koe ki ai e le Eteleno.

Tetelonome 31:8

E saele loa le Eteleno i ou mua, e leaise mavae loa a ia meiate koe, e leaise tiaki loa e ia a koe : Ke aua na ke i ti ke aua na ke loto gaegae !

Lua tosi kia Timoteo 4:6

Talie kiate au, kua tatae le lakaga ke momoli ai au ofaipe se lipasio (sakilifisio vino), ti kua ofi fua le lakaga o loku mavae.

Epelo 7:3

E sala tamana a ia, mo sala tinana, ti mo sala sakoga, e leaise kamataaga o ona aso ti e leaise fakaokiaga o lona mauli, kae e fakatatau a ia ki le Alo o le Atua ; ti e nofo le Melekiseteke lena ko le tagata fai sakilifisio o lee gato.

Epelo 7:8

I leinei, ko latou ala e tanaki ia le vaega kau agafulu ko ni tagata e mamate ; kae i lena, ko leia e fakamaoki ki ai e mauli.

Sosue 1:5

E leaise tuu loa se tasi i ou mua, i le temi o lou mauli. E kau nofo loa mo koe, ofaipe laku nofo mo Moisese : E leaise kau tukunoa loa a koe, e leaise kau tiaki loa a koe.

Sosue 1:9

Pe na leaise kau tuku atu kiate koe le fakatotonu leinei : Ke ke fakamakeke mo ke loto toa ? Ke aua na ke i, ti ke aua na ke loto gaegae, talie ko le Eteleno, lou Atua, e nofo mo koe i ganea fuli ala e ke ano loa ki ai.

Sosue 23:14

Kiate au, kua vave fua loku mate. I le aso nei ke kotou fakamaoki i lokoutou loto katoa mo lokoutou laumalie katoa e leaise folafola fua e tasi i folafola malilie ala na fai kia koutou e le Eteleno, lokoutou Atua, na leaise fua : kua soko a folafola fuli kia koutou, ti na leai fua se folafola e tasi na tuku noa.

Sosue 3:7

Na pati loa le Eteleno kia Sosue : I le aso nei e kau kamata loa le fakamakeke o lou pule i mata o fanau fuli a Iselaele, talie ke lotou iloa e kau nofo mo koe ofaipe laku nofo mo Moisese.

Lua tosi a Petelo 1:14

talie e kau iloa e kau mavae fakapunamauli loa i le falela leinei, ofaipe lona fakasa mai kiate au e lotatou Aliki ko Sesu-Kilisito.