Senesi 48:15 - Tosi Tapu

¹⁵ Na tapuaki loa a ia kia Sosefo, o pati : E kau kole ki le Atua leia na saele i mua o oku tamana ko Apalaamo mo Isaake, ki le Atua leia na taki ia au mei loku tupu o kaku mai ki le aso nei,

Senesi 48:15 ပူးပေါင်းရင်းမြစ်များ

Senesi 17:1

I le fetuu kau iva tupu iva o Apalamo, na sa loa le Eteleno kia Apalamo, o pati kiate ia : Ko Au ko le Atua Mafimafi. Ke ke saele i oku mua, ti ke agatonu !

Senesi 24:20

Ti na fakatavili loa a ia, o liligi lana fagu ki le ganea inu o manu, kae toe makape loa a ia ki le sosoni, o asu vai mei ai. Na asu loa e ia o fakainu a kamelo fuli.

Senesi 24:40

Ti na tali mai loa a ia kiate au : Ko le Eteleno, leia na kau saele i ona mua, e kakau ia loa lona aselo i ou mua, ti e fakamanuia loa e ia lou fanoga, ti e ke filifili loa se avaga ki loku vosa i le famili mo le fale o loku tamana.

Senesi 27:27

Ti na soso ake loa Sakopo o sogi kiate ia. Ti na nanamu loa Isaake ki le sauga o ona kofu ; ti na tapuaki loa a ia kiate ia, o pati : Ko leinei, e tatau le sauga o loku vosa mo le sauga o se faisaga leia kua tapuakii e le Eteleno.

Senesi 27:4

Teuteui mai loa kiate au se nea kai leia e kau manako ki ai, ti ke aumai loa a ia kiate au ke kau kai, o tupu ke kau tapuaki loa kiate koe i mua o loku mate.

Senesi 28:20

Ti na fai loa e Sakopo lana fakapapau, o pati : Kapau e nofo le Atua mo au, o taupau au i le fanoga leia e kau fai, kapau e tuku mai e ia kiate au se pane ke kau kai mo ni teu ke kau lava,

Senesi 28:22

Ko le fatu leinei kua kau fakatuu ti kua kau fakatapui, e liliu loa ko le fale o le Atua ; ti e kau soli loa kiate ia le vaega kau agafulu o nea fuli ala e soli mai loa e ia kiate au.

Senesi 28:3

Ke tapuaki le Atua Mafimafi kiate koe, o fakatuputupua mo liuliuga a koe, ke ke liliu ko ni kakai mauke ai !

Senesi 35:3

E tou tutuu loa ki aluga, ti e tou pale loa ki Petele. E kau fakatuu loa i ai se aletale ki le Atua, leia na tali ia laku kole i le aso o loku mamae, ti na nofo mo au i ala na kau fanoga ai.

Senesi 48:16

ki le aselo leia na saofaki ia au mei tutamaki fuli, e kau kole kiate ia ke tapuaki ki fanau anei ! Ke la fakamauli loku igoa ofaipe le igoa o loku tamana ko Apalaamo mo Isaake, ti ke la liuliuga o lasi i le fenua katoa !

Senesi 49:22

Ko Sosefo, ko le uli a ia o se laakau fua, Le uli o se laakau fua i tafa o se matapuna vai ; E malaga loa ona laa i aluga o le kaua.

Senesi 49:24

Kae na tuu makeke aifai lana kalolo, Ti na fakamakeke ona lima E lima o le Atua makeke o Sakopo : Koia leia na liliu ai a ia ko le tagata tausi manu, mo le utu o Iselaele.

Senesi 49:28

Ko latou fuli ana, na tupu mei ai a famili e tino agafulu tupu lua o Iselaele. Ti ko masau ana, na tuku kia latou e lolatou tamana, i lana tapuaki kia latou. Na tuku e ia lana tapuaki ki le tagata taki toka tasi.

Senesi 6:9

Ko leinei le sakoga o Noe. Ko Noe ko se tagata agatonu mo maokioki a ia i lona tautupu. Na saele a Noe mo le Atua.

Uluaki tosi o Sau 3:6

Na tali loa Salomone : Kua ke fakasa lou alofa ki lau tagata fakasausau ko Tavite, loku tamana, talie na saele a ia i ou mua i le agatonu, mo le maokioki, ti mo lona loto katoa kiate koe ; na ke taupau kiate ia le alofa lasi lena, ti na ke soli kiate ia se vosa leia kua ekeeke i lona ekeekeaga fakasau, ofaipe le nea kua tio ki ai i le aso nei.

Uluaki tosi o Koloniko 5:1

Ko vosa o Lupeni, vosa uluaki o Iselaele. Talie ko ia leia na uluaki tupu ; kae, o tupu na fakakelekele loa e ia le moeaga o lona tamana, na soli loa lona pule fakauluaki ki vosa o Sosefo, vosa o Iselaele ; kae na leaise tosi loa Sosefo i sakoga ko le uluaki.

Pesalemo 16:8

E kau maua tuumau le Eteleno i oku mua. Ka nofo a ia i loku fetuu atamai, e leaise kau siga.

Pesalemo 23:1

Katiko a Tavite. Ko le Eteleno ko loku tagata tausi ovi : E leaise kau toe mativa loa i se nea.

Pesalemo 37:3

Ke ke fanaki ki le Eteleno, ti ke fai le nea leia e malie ; Ke ke maua le fenua ko lou nofoaga, ti ke ke fai le malie ko lau nea kai.

Ekesote 3:16

Ke ke ano, ti ke fakatasi le kau matua o Iselaele, ti ke pati loa kia latou : Ko le Eteleno, le Atua o okoutou tamana, le Atua o Apalaamo, mo Isaake, mo Sakopo na sa mai kiate au. Ti na pati mai a ia : Kua kau tio kia koutou, ti kua kau tio ki le nea leia e fai kia koutou i Esipito,

Ekesote 4:5

Na pati loa le Eteleno : Ko lena le nea leia e tonu ke ke fai, ke lotou tui loa na sa kiate koe le Eteleno, le Atua o olatou tamana, le Atua o Apalaamo, le Atua o Isaake, le Atua o Sakopo.

Ekelesiasi 5:12

E i ai se veli lasi kua kau tio ki ai i le lalo laa : Ko ni koloa ala na tanaki e se tagata ki lona malaia totonu.

Ekelesiasi 5:18

Kae kapau na soli e le Atua ki se tagata ni koloa mo ni nea malilie, ti kapau na tuku e ia ke pule le tagata lena ki ona koloa o kai, mo too lona vaega, ti mo fiafia i loto malie o lana gaoi, ko le nea lena ko se nea alofa a ia o le Atua.

Ekelesiasi 6:7

E fai a gaoi fuli a le tagata o tupu ko ona oli, kae e leaise lotou fimalie i se aso.

Esaia 30:21

E logo loa ou taliga i ou muli ki le leo leia e pati loa : Ko leinei le ala, kotou saele i ai ! Talie e kotou ano loa ki le fetuu atamai, pe kotou ano loa ki le fetuu sema.

Esaia 33:16

Ko ia lena e nofo loa i ni ganea taualuga ; Ko lona maloloaga loa ko ni utu makeke ; E soli loa kiate ia se pane, Ti e sali tuumau loa kiate ia se vai.

Selemia 8:2

E fola loa latou i mua o le laa, mo mua o le masina, mo mua o le kau tau fuli o le lagi, ala na lotou alofa ki ai, ala na lotou tausi ki ai, ala na lotou mulimuli ki ai, ala na lotou afa ia, ala na lotou atolasio ki ai ; e leaise tanaki loa latou, ti e leaise tanu loa latou, kae e lotou fai loa pe se taei kele fakagako i aluga o le kele.

Luka 1:6

Na la agatonu toka lua i mua o le Atua, o tausi malie a lao fuli mo fakatotonu fuli a le Aliki.

Uluaki tosi ki le kau Kolinto 10:31

Koia ka kotou kai ai, pe kotou inu, pe kotou fai se nea fua, kotou fai a nea fuli ke fakakololia ai le Atua.

Lua tosi ki le kau Kolinto 1:12

Talie ko le nea leia e ma fiafia ai, ko le fakamaoki leinei o ma loto, na ma mauli i le malama nei, kae tafito kia koutou, i le maokioki ti mo le mea i mua o le Atua, o leai i se poto fakatagata, kae i le kalasia o le Atua.

Tetelonome 33:1

Ko leinei le tapuaki na tuku e Moisese, tagata a le Atua, i le aso leia na tapuaki ai a ia ki fanau a Iselaele, i mua o lona mate.

Kolose 2:6

Koia o tupu kua kotou tali le Aliki ko Sesu-Kilisito, kotou saele iate ia,

Uluaki tosi ki le kau Tesalonika 2:12

talie na motou fakalotomakeke koutou, mo fakapelepele koutou, ti mo fakakolekole koutou, ke kotou saele o gali mo le Atua, leia kua kalagai ia koutou ki lona puleaga ti mo lona kololia.

Epelo 11:21

Ko le tui leia na tapuaki ai loa Sakopo, i lana teuteu ke mate, ki vosa taki tasi o Sosefo, ti mo atolasio, o fafanaki ki le potupotu o lona tokotoko.