Senesi 48:12 - Tosi Tapu

¹² Ti na too loa e Sosefo ona vosa, ala na ekeeke i tuli o lona tamana ko Sakopo, o tuku ki lalo, ti na punou loa a ia i ona mua.

Senesi 48:12 ပူးပေါင်းရင်းမြစ်များ

Senesi 18:2

Na siki ake loa e ia ona mata, o tio : ti ko leinei, kua tutuu ni tagata e toka tolu o ofi kiate ia. I lana tio kia latou, na makape loa a ia ki olatou mua, mei le matapa o le falela, o punou ki le kele.

Senesi 19:1

Na kaku loa aselo e toka lua ki Sotoma i le afiafi ; kae na tonatona loa a Lote i le matapa o Sotoma. I le tio a Lote kia laua, na tuu ake loa a ia o ano o fakafelavei kia laua, ti na punou loa a ia o kaku ki le kele.

Senesi 23:7

Na tuu ake loa Apalaamo o punou i mua o le kakai o le fenua, i mua o vosa o Eti.

Senesi 33:3

Na ano loa a ia totonu i olatou mua, ti na punou loa a ia ki le kele o tua fitu i mua o lana kaku ki lona taina.

Senesi 42:6

Na pule Sosefo i le fenua ; ko ia leia na fakatau ia le fulumeto ki le kakai katoa o le fenua. Ti na au loa fetaina o Sosefo o punou ki le kele i ona mua.

Senesi 48:11

Ti na pati loa Iselaele kia Sosefo : Na leaise kau amanaki e kau toe tio loa ki ou mata, ti ko leinei kua fakatio au e le Atua ki lou sakoga.

Senesi 48:13

Ti na too loa e Sosefo ona vosa lualua, o taki tasi i ona lima : Ti na too loa e ia Efalaimi i lona lima atamai o fakatautonu ki le lima sema o Iselaele, kae too loa e ia Manase i lona lima sema o fakatautonu ki le lima atamai o Iselaele. Ti na fakafeofi ake loa e ia laua kia Iselaele.

Uluaki tosi o Sau 2:19

Na ano loa Pate-Sepa ki le sau ko Salomone, o masau kiate ia o uiga mo Atonisa. Na tuu loa le sau ki aluga, o ano o fakafelavei kia Pate-Sepa, ti na punou loa a ia i mua o Pate-Sepa, ti na toe ekeeke loa a ia ki lona ekeekeaga fakasau. Na aumai loa se ekeekeaga ki le tinana o le sau, ti na ekeeke loa a ia i le fetuu atamai o le sau.

Lua tosi o Sau 4:37

Na ano loa le fafine Sunami, o punou i vae o Eliseo o kaku ki le kele. Ti na too loa e ia lona tama, o ulu ki fafo.

Ekesote 20:12

Fakaapaapa ki lou tamana mo lou tinana, o tupu ke tologa lou mauli i le fenua leia e soli atu loa kiate koe e le Eteleno, lou Atua.

Ekesote 34:8

I le lakaga fai lena, na fakamapee loa Moisese ki le kele, o su.

Taagapati 31:28

E tutuu ki aluga ona vosa, o fakamalo kiate ia. Ti e tuu ki aluga lona avaga, o fakavikiviki kiate ia :

Levitiko 19:3

Kotou tasi fakaapaapa loa ki lona tamana mo lona tinana, ti mo tausi loa oku sapato. Ko au ko le Eteleno, ko lou Atua.

Levitiko 19:32

E ke tuu loa ki aluga i mua o le ulu sina, ti ke fakaapaapa loa ki le matua. E ke i loa ki lou Atua. Ko au ko le Eteleno.

Efeso 6:1

Fanau, kotou fakalogo ki okoutou matua i le Aliki, talie e totonu le nea lena.