Senesi 48:10 - Tosi Tapu

¹⁰ Kua veveli a mata o Iselaele, talie kua matua ai a ia, ti na leaise koi tio malie a ia.

Senesi 48:10 ပူးပေါင်းရင်းမြစ်များ

Senesi 27:1

Na matua Isaake, ti kua fakapouli ona mata, ti na leaise koi tio a ia. I se aso, na kalagai loa e ia Esau, lona vosa uluaki, o pati kiate ia : Ei loku vosa ! Na tali loa Esau : Ko leinei au !

Senesi 27:27

Ti na soso ake loa Sakopo o sogi kiate ia. Ti na nanamu loa Isaake ki le sauga o ona kofu ; ti na tapuaki loa a ia kiate ia, o pati : Ko leinei, e tatau le sauga o loku vosa mo le sauga o se faisaga leia kua tapuakii e le Eteleno.

Senesi 31:55

Ti na tuu ake loa Lapane i le usu koi mafoata, o sogi ki ona vosa mo ona taineliki, ti na tapuaki loa a ia kia latou. Ti na mavae loa a ia, o toe liliu ki lona kaiga.

Senesi 45:15

Na toe fui foki e Sosefo ona fetaina fuli o tagi, ti na lotou kamata toa loa i le masau ake kiate ia.

Senesi 48:11

Ti na pati loa Iselaele kia Sosefo : Na leaise kau amanaki e kau toe tio loa ki ou mata, ti ko leinei kua fakatio au e le Atua ki lou sakoga.

Senesi 48:8

Ti na tio loa Iselaele ki vosa o Sosefo, ti na pati loa a ia : Ko ai ma laua anei ?

Uluaki tosi o Sau 19:20

Ti na tuku loa e Eliseo ana pipi, kae na makape loa a ia i muli o Elia, o pati : Tuku mai mua kau ano o sogi ki loku tamana mo loku tinana, ti e kau muli atu loa iate koe. Na tali loa Elia kiate ia : Ano, ti ke toe liliu mai ; talie ke ke manatu ki le nea leia kua kau fai kiate koe.

Ekelesiasi 12:3

Kae ke ke manatui lou tupuaga i le temi o lou tupulaga, i mua o le kaku mai o aso veveli ti mo le fakafeofi mai o fetuu ala e ke pati ai loa : E leaise koi kau maua se fiafia i le mauli ;

Esaia 59:1

Leai, e leaise toetoe le lima o le Eteleno ke fakamauli, Pe tulituli lona taliga ke aua na logo.

Esaia 6:10

Ke ke fakaliliu le loto o le kakai leinei ke logo noa ; Ke ke fakatulituli ona taliga, ti mo tapono ona mata, Talie ke aua na tio loa ona mata, mo logo loa ona taliga, Mo matala loa lona loto, Mo tafoki loa, ti ke kau fakamauli loa a ia.

Tetelonome 34:7

Na fetuu kau lelau kau lua Moisese i le aso leia na mate ai loa a ia ; kae na leaise gaegae lana tio, ti na leaise teifo lona makeke.

Uluaki tosi a Samuele 3:2

I le temi lena, na moe loa a Eli i lona ganea moe, ti na fakaau loa ke kivi ona mata, o leaise koi tio loa a ia ki se nea.

Uluaki tosi a Samuele 4:15

Kua matua ai a Eli ko fetuu e kau iva tupu valu, ti kua fakapouli ona mata, na leaise koi tio a ia.