Senesi 47:7 - Tosi Tapu

⁷ Na toe ave foki e Sosefo lona tamana ko Sakopo ke felavei mo Falaone. Ti na tapuaki loa Sakopo kia Falaone.

Senesi 47:7 ပူးပေါင်းရင်းမြစ်များ

Senesi 14:19

Na tapuaki loa a ia kia Apalamo, o pati : Ke tapuakina Apalamo e le Atua Taualuga, ko le pule o le lagi mo le kele !

Senesi 35:27

Na kaku loa Sakopo ki lona tamana ko Isaake i Mamele, ofi ki Kiliate-Alepa, leia kua igoa i le temi nei ko Epelone, ganea leia na nofo ai foki Apalaamo mo Isaake.

Senesi 47:10

Na tapuaki loa Sakopo kia Falaone, ti na mavae loa a ia i mua o Falaone.

Senesi 47:8

Na pati loa Falaone kia Sakopo : E fetuu fia lou mauli ?

Lua tosi a Samuele 14:22

Na punou loa Soape ki le kele i mua o le sau, o fakamalo kiate ia mo pati : Ei sau, loku aliki, kua iloa e lau tagata fakasausau i le aso nei e ke taupau kiate au lou agamalie, talie kua fai loa e le sau o mulimuli ki le pati a lau tagata fakasausau.

Lua tosi a Samuele 19:39

I le oki o le fakalaka o le kakai katoa i le solotane, ti na fakalaka foki mo le sau, na sogi loa le sau kia Palesilai mo tapuaki kiate ia. Ti na toe liliu loa Palesilai ki lona kaiga.

Lua tosi a Samuele 8:10

ti na kakau loa e ia Solame, lona vosa, ke felavei mo le sau ko Tavite, o fakamalo kiate ia, i lana taui Atatesele ti mo lana taai a ia. Talie na tau foki a Toi mo Atatesele i le temi lena. Na ave loa e Solame ni ipu siliva, mo ni ipu aulo, ti mo ni ipu sila.

Uluaki tosi o Sau 1:47

Ti kua au a tagata fakasausau a le sau o tapuaki ki lotatou aliki, le sau ko Tavite, o pati : Ke fakaliliu e lou Atua le igoa o Salomone ke logologona ake i lou igoa, ti ke siki e ia lona ekeekeaga fakasau i aluga o lou ekeekeaga fakasau ! Ti na punou le sau i lona palepale.

Uluaki tosi o Sau 8:66

I le valu o aso, na kakau loa e Salomone le kakai ; ti na lotou tapuaki loa ki le sau, ti na lotou tasi ano loa ki lona falela i le loto nekenekea mo le loto fiafia o tupu ko nea malilie fuli ala kua fai e le Eteleno kia Tavite, lana tagata fakasausau, ti mo Iselaele, lona kakai.

Lua tosi o Sau 4:29

Ti na pati loa Eliseo kia Keasi : Toi lou kilipipi, ti ke too loku tokotoko i lou lima, ti ke ano. Kapau e ke felavei loa mo se tasi, aua na ke fakamalo loa kiate ia ; ti kapau e fakamalo atu loa se tasi kiate koe, aua na ke tali loa ki ai. Ti ke teki loa loku tokotoko ki mata o le toe.

Ekesote 12:32

Kotou too akoutou ovi mo akoutou pipi, o mulimuli ki le nea leia na kolua pati ki ai ; kotou ano, ti kotou tapuaki mai kiate au.

Mateo 26:26

I le lolotoga o le kai, na too loa e Sesu le pane, o fakafetai, mo tofitofi, mo soli ki ana tisipulo, o pati : Kotou too, ti kotou kai, ko le nea leinei ko loku tino a ia.

Luka 22:19

Na too foki e ia se pane, o fakafetai, mo tofitofi a ia, mo soli a ia kia latou, o pati : Ko le nea leinei ko loku tino, leia e soli o tupu ko koutou ; kotou fai le nea leinei o fakamanatu kiate au.

Sosue 14:13

Na tapuaki loa Sosue kia Kalepo, vosa o Sefune, ti na tuku loa e ia kiate ia le kolo ko Epelone, ko lona tofiga.

Sosue 22:6

Ti na tapuaki loa Sosue kia latou, ti na kakau loa e ia latou ke toe liliu ki olatou falela, ti na lotou ano loa.

Uluaki tosi a Petelo 2:17

Kotou fakaapaapa ki tagata fuli, kotou alofa ki fetaina, kotou i ki le Atua, kotou fakaapaapa ki le sau.

Uluaki tosi a Samuele 2:20

Na tapuaki loa a Eli kia Elekana mo lana avaga, o pati : Ke soli atu e le Eteleno kiate koe ni iki fanau i le fafine leinei, ke fetogi ai leia kua soli e ia ki le Eteleno ! Ti na la toe liliu loa ki lola kaiga.