Senesi 47:27 - Tosi Tapu

²⁷ Na nofo loa Iselaele i Esipito, i le fenua ko Koseni. Na lotou maua loa i ai ni kele, ti na lotou maua loa ni fanau, ti na lotou liliu loa o lasi ai.

Senesi 47:27 ပူးပေါင်းရင်းမြစ်များ

Senesi 13:16

E kau fakaliliu loa lou sakoga ke lasi ofaipe le efu o le kele, ti kapau e mafai e se tagata le lau o le efu o le kele, ti e lau loa lou sakoga.

Senesi 17:6

E kau liuliuga loa a koe o lasi, e kau fakatupu loa meiate koe ni puleaga ; ti e tupu loa ni sau meiate koe.

Senesi 26:4

E kau liuliuga loa lou sakoga ofaipe fetuu o le lagi ; ti e kau soli loa ki lou sakoga a fenua fuli anei ; ti e tapuakina loa a puleaga fuli o le malama nei i lou sakoga ;

Senesi 28:14

E tatau loa lou sakoga mo le efu o le kele ; e ke mafolafola loa ki le potu uesite mo le potu esite, ki le potu noleto mo le potu saute ; ti e tapuakina loa a famili fuli o le malama nei iate koe mo lou sakoga.

Senesi 34:10

E kotou nofo loa mo matou, ti e tuu loa le fenua o fakalogo atu kia koutou. Kotou nofo loa i le fenua, o ai mo totogi ai ni okoutou kele.

Senesi 35:11

Ti na pati loa le Atua kiate ia : Ko au ko le Atua Mafimafi. Ke ke fanaunau, mo ke liuliuga : E tupu loa meiate koe se puleaga, mo ni puleaga lasi ai, ti e ulu loa ni sau mei ou ifiifi.

Senesi 46:3

Ti na pati loa le Atua : Ko au ko le Atua, ko le Atua o lou tamana. Ke aua na ke tuania i le ifo ki Esipito, talie e kau fakaliliu loa a koe ko se puleaga lasi i le fenua lena.

Senesi 47:11

Na soli loa e Sosefo ki lona tamana mo ona fetaina se kele i le fenua o Koseni ke lotou nonofo ai, i le ganea malie tukupau o le fenua, i tafa o Lamisese, o fai ki le fakatotonu leia na tuku e Falaone.

Senesi 8:7

Na tuku loa e ia le kolopo ke ano ; leia na ano loa ti toe nake o kaku ki le temi leia na malo ai loa le vai i aluga o le kele.

Senesi 8:9

Kae na leaise maua loa e le lupe se ganea leia ke tuu ai ona vae, ti na toe liliu loa a ia kia Noe i le aleka, talie na koi nofo le vai i aluga o le kele katoa. Ti na falo loa e Noe lona lima o too le lupe o fakaulu ki le aleka i ona tafa.

Neemia 9:23

Na ke liuliuga loa olatou vosa ofaipe fetuu o le lagi, ti na ke fakaulu loa latou ki le fenua leia na ke fakasa ki olatou tamana, leia ke lotou maua tofiga.

Pesalemo 105:24

Na fakaliliu loa e le Atua lona kakai ke fanaunau, Ti ke makeke ake i ona fili.

Pesalemo 107:38

E tapuaki a ia kia latou, ti e lotou liliu o toka api ai, Ti e leaise toe tamate loa e ia alatou kau manu.

Ekesote 1:12

Kae na logo ai lolatou fakamamae, na toe asilisili ake lolatou api mo lolatou makeke ; ti na toe asilisili veli ake le vesia ki fanau a Iselaele.

Ekesote 1:7

Na fanaunau loa fanau a Iselaele o lasi ai, ti na lotou liliu loa o makeke mo mauiga. Ti na apele loa le fenua ia latou.

Sakalia 10:8

E kau vekai ia loa latou ti e kau fakatasi loa latou, talie e kau totogi latou, Ti e lotou liuliuga loa ofaipe le temi mua.

Gaoi 7:17

Na ofi mai loa le temi leia na tonu ke fakasoko ai le fakapapau leia na fai e le Atua kia Apalaamo ; ti na tupu loa o toka api ai le kakai i Esipito,

Tetelonome 10:22

Na ifo ou tamana ki Esipito ko le tino fitu lolatou api. I le aso nei kua fakaliliu a koe e le Eteleno, lou Atua, o tatau mo fetuu o le lagi.

Tetelonome 26:5

Ti e ke toe masau loa o fakasa i mua o le Eteleno, lou Atua : ko loku tamana ko se tagata Alame leia na taka fenua ; na ifo loa a ia ki Esipito mo se ga kakai toka teiki, o nofo i ai. Kae na liliu loa a ia i ai ko se puleaga lasi, mo makeke, mo api.