Senesi 47:19 - Tosi Tapu

¹⁹ Kolea loa ke motou mamate ai i ou mua, kae tuu noa omatou kele ? Ke ke totogi matou mo omatou kele, kae ke ke soli mai kia matou se nea kai. Ti ko matou mo omatou kele, e motou fakasausau loa kia Falaone, talie e leaise motou fia mate. Soli mai kia matou ni pulapula ke to ti ke motou mauli ai, ti ke aua na tuu noa omatou kele.

Senesi 47:19 ပူးပေါင်းရင်းမြစ်များ

Senesi 41:36

E maua loa e Esipito se tokonaki nea kai ki fetuu oge e fitu, ti e leaise mamate loa le kakai i le oge.

Senesi 47:15

Ti na oki loa le paaga o le fenua o Esipito mo le fenua o Kanaane, ti na ano loa le kakai o Esipito kia Sosefo, o pati : Soli mai kia matou se pane ! Pe tonu ke motou mamate i ou mua talie kua oki lamatou paaga ?

Senesi 47:18

Na oki loa le fetuu lena, ti na lotou toe ano loa kia Sosefo i leia ake fetuu, o pati kiate ia : E leaise motou fufu foki ki lomatou aliki, kua oki amatou paaga, ti kua nofo mo koe amatou kau manu. Koi toe fai ki omatou tino totonu mo omatou kele ke aumai kiate koe.

Senesi 47:20

Na totogi loa e Sosefo a kele fuli o Esipito ma Falaone ; talie na veli ai le oge, ti na tasi fakatau loa e le kau Esipito lana faisaga. Ti na liliu loa le fenua ko le kele o Falaone.

Sopo 2:4

Ti na tali loa Satana ki le Eteleno : Ko le kili ki le kili ! Io, e soli loa e le tagata a nea fuli ala e maua e ia o tupu ko lona mauli.

Tagi laulau a Selemia 1:11

Kua mamae lona kakai katoa, kua afa e ia se pane ; Kua lotou soli alatou nea mauiga ki se nea kai, O tupu ke fakamakeke ai lolatou laumalie. Tio, Eteleno, tio ki loku fakaveliveli !

Tagi laulau a Selemia 5:6

Na motou falo omatou lima ki Esipito, mo Asilia, Ke motou makokona i se pane.

Tagi laulau a Selemia 5:9

E motou teiteiki omatou mauli ke maua se pane, I mua o le seleta o le toafa.

Mateo 16:26

Ti kolea lona aoga ki se tagata ke maua e ia le malama nei katoa, kae e puli noa lona laumalie ? pe kolea e soli loa e se tagata ke totogi ai lona laumalie ?