Senesi 47:15 - Tosi Tapu

¹⁵ Ti na oki loa le paaga o le fenua o Esipito mo le fenua o Kanaane, ti na ano loa le kakai o Esipito kia Sosefo, o pati : Soli mai kia matou se pane ! Pe tonu ke motou mamate i ou mua talie kua oki lamatou paaga ?

Senesi 47:15 ပူးပေါင်းရင်းမြစ်များ

Senesi 41:36

E maua loa e Esipito se tokonaki nea kai ki fetuu oge e fitu, ti e leaise mamate loa le kakai i le oge.

Senesi 47:16

Na pati loa Sosefo : Kotou soli mai akoutou kau manu, ti e kau soli atu loa kia koutou se pane, mo kapau kua oki akoutou paaga.

Senesi 47:24

Kae i le temi tanaki o le fulumeto, e kotou soli loa kia Falaone le vaega lima o le fulumeto. E fakalogo loa ala ake vaega e fa kia koutou, ke to ai akoutou faisaga, ti ke fagai ai akoutou fanau mo latou fuli ala e nofo i okoutou fale.

Pesalemo 37:3

Ke ke fanaki ki le Eteleno, ti ke fai le nea leia e malie ; Ke ke maua le fenua ko lou nofoaga, ti ke ke fai le malie ko lau nea kai.

Esaia 33:16

Ko ia lena e nofo loa i ni ganea taualuga ; Ko lona maloloaga loa ko ni utu makeke ; E soli loa kiate ia se pane, Ti e sali tuumau loa kiate ia se vai.

Mateo 6:11

Soli mai kia matou i le aso nei le pane o aso taki tasi ;

Tuifakamaau 8:5

Na pati loa Seteone ki le kakai o Sukoti : E kau kole atu kia koutou ke kotou soli ni fa pane ki tagata anei e ano mo au, talie kua lotou gagae, ti e kau tuli a sau o Matiane ko Sepaki mo Salamuna.

Tuifakamaau 8:8

I lena, na pale loa a ia ki Penuele, ti na toe fai loa e ia le kole lena ki le kakai o Penuele. Na lotou tali loa kiate ia ofaipe le tali a le kakai o Sukoti.

Uluaki tosi a Samuele 21:3

Kolea le nea leia e ke maua nei i lou lima ? Soli mai kiate au ni fa pane e lima, pe ko le nea leia e ke maua.

Uluaki tosi a Samuele 25:8

Vesili ki au tagata fakasausau ti e lotou fakasa atu loa. Koia e kau kole atu ai kiate koe, ke ke tali malie a tupulaga ana talie e motou au kiate koe i se aso fakafiafia. Soli ki au tagata fakasausau mo lou vosa ko Tavite le nea leia e maua i lou lima.