Senesi 47:12 - Tosi Tapu

¹² Na tokaga loa Sosefo ki le pane o lona tamana, mo ona fetaina, mo le famili katoa o lona tamana, o fakafuafua ki lolatou api.

Senesi 47:12 ပူးပေါင်းရင်းမြစ်များ

Senesi 45:10

E ke nofo loa i le fenua o Koseni, ke ke feofi mai kiate au, mo au fanau, mo ou makopuna, mo au kau pipi, mo au kau ovi, mo au kau koti, ti mo au nea fuli.

Senesi 45:11

I leinei, e kau fagai loa a koe, mo lou fale, ti mo au nea fuli, ke aua na puli loa se nea kia koutou, talie koi toe foki ni fetuu oge e lima.

Senesi 45:7

Na kakau mai au e le Atua ke kau muamua mai ia koutou ki le fenua leinei, o tupu ke mauli ai lokoutou sakoga i le fenua, ti ke kotou mauli foki o tio ki le alofa lasi o le Atua kia koutou o saofaki koutou.

Senesi 47:1

Na ano loa Sosefo o fakasa kia Falaone : Kua tau mai oku fetaina mo loku tamana mei le fenua o Kanaane, mo alatou kau ovi, mo alatou kau pipi, ti mo alatou nea fuli ; ko nei latou kua nonofo i le fenua o Koseni.

Senesi 47:21

Na fakaliliu loa e Sosefo le kakai katoa o Esipito o popula kia Falaone, mei leia a potu ki leia a potu.

Senesi 47:24

Kae i le temi tanaki o le fulumeto, e kotou soli loa kia Falaone le vaega lima o le fulumeto. E fakalogo loa ala ake vaega e fa kia koutou, ke to ai akoutou faisaga, ti ke fagai ai akoutou fanau mo latou fuli ala e nofo i okoutou fale.

Senesi 50:21

Koia ke aua na kotou tuania ia fua se nea ; e kau tausi loa koutou, mo okoutou famili. Ti na fakafimalie loa e ia latou i lana masau ki olatou loto.

Ekesote 20:12

Fakaapaapa ki lou tamana mo lou tinana, o tupu ke tologa lou mauli i le fenua leia e soli atu loa kiate koe e le Eteleno, lou Atua.

Esaia 22:24

E liliu loa a ia ko le tautauaga o le kololia katoa o le fale o lona tamana, O uli malilie mo uli veveli, O ipu liliki fuli, O pesini mo kulo.

Uluaki tosi ki le kau Tesalonika 2:7

kae na motou apele i le agamalu i loto malie o koutou, io ofaipe se fafine taupau toe leia e tokaga malie ki ana fanau :

Uluaki tosi kia Timoteo 4:8

Kae ke ke gaoi ki le aga fakaatua ; talie e aoga ikiiki a fai manogi fakatino, kae ko le aga fakaatua e aoga a ia ki nea fuli ai : e maua e ia le fakapapau o le mauli o le temi nei ti mo leia o le temi ka au.

Uluaki tosi kia Timoteo 5:4

Ti kapau e maua e se fafine lokonui ni ana fanau pe ko ni ona makopuna, e tonu ke lotou ako i mua o nea fuli le fai o le aga fakaatua ki olatou famili totonu, ti ke lotou totogi ki olatou matua le nea leia na lotou tali meia latou, talie e malie le nea lena ki le Atua.

Uluaki tosi kia Timoteo 5:8

Kapau e leaise tokaga se tasi kia latou o lona fale, kae tafito latou o lona famili, kua tiaki e ia le tui, ti e veli ake a ia i se pagani.

Lute 4:15

E fakafiafiai loa e le fanau leinei lou loto, ti e liliu loa a ia ko le tokoi o lou temi matua ; talie na fanaui a ia e lou fugao, leia e alofa kiate koe, ti e mauiga ake kiate koe i ni vosa e toka fitu.