Senesi 47:1 - Tosi Tapu

¹ Na ano loa Sosefo o fakasa kia Falaone : Kua tau mai oku fetaina mo loku tamana mei le fenua o Kanaane, mo alatou kau ovi, mo alatou kau pipi, ti mo alatou nea fuli ; ko nei latou kua nonofo i le fenua o Koseni.

Senesi 47:1 ပူးပေါင်းရင်းမြစ်များ

Senesi 45:10

E ke nofo loa i le fenua o Koseni, ke ke feofi mai kiate au, mo au fanau, mo ou makopuna, mo au kau pipi, mo au kau ovi, mo au kau koti, ti mo au nea fuli.

Senesi 45:16

Na mafola loa le logo i le fale o Falaone kua kaku ake fetaina o Sosefo kiate ia. Na fiafia lasi ai Falaone mo ana minisi i le nea lena.

Senesi 46:28

Na kakau loa e Sakopo a Suta ke muamua iate ia kia Sosefo, o fakasa kiate ia, ke nake a ia ki Koseni, talie e ifo loa a ia ki ai.

Senesi 46:31

Na pati loa Sosefo ki ona fetaina, mo le famili katoa o lona tamana : E kau ano o fakasa kia Falaone kua kaku mai kiate au oku fetaina mo le famili katoa o loku tamana, ala na nofo i le fenua o Kanaane.

Senesi 46:34

Pe kolea lakoutou gaoi ? Kotou tali loa kiate ia : E tausi manu au tagata fakasausau talu mei lomatou liliki o kaku mai ki le aso nei, ofaipe omatou tamana. I le nea lena e fakataga loa e ia kia koutou ke kotou nonofo i le fenua ko Koseni, talie e fakalialia le kau Esipito ki kau tausi manu fuli.

Ekesote 8:22

Na tali loa Moisese : E leaise malie le nea lena ; talie e motou momoli loa ki le Eteleno, lomatou Atua, ni sakilifisio ala e fakalialia ki le kau Esipito. Ti kapau e motou momoli loa i olatou mua ni sakilifisio ala e fakalialia ki le kau Esipito, pe leaise lotou tuki fatui loa matou.

Ekesote 9:26

Na gato fai ki le fenua o Koseni, leia na nofo ai fanau a Iselaele, na leaise to ai loa se ua fatu.

Epelo 2:11

Talie ko leia e fakamea ia, ti mo latou ala kua fakamea, e lotou au fuli mei le toka tasi. Koia e leaise luma ai a ia i lolatou fakaigoa ko ona fetaina,