Senesi 46:7 - Tosi Tapu

⁷ Na ave loa e ia ki Esipito ona vosa, mo vosa o ona vosa, mo ona taineliki, mo taineliki o ona vosa, ti mo lona famili katoa.

Senesi 46:7 ပူးပေါင်းရင်းမြစ်များ

Senesi 34:7

Ti na toe liliu ake loa a vosa o Sakopo i faisaga, o logo ki le nea leia kua soko. Ti na mamae lasi ai a tagata ana, ti na lotou itaita veli ai, talie kua fai e Siseme se nea fakalumaluma i Iselaele, i lana momoe mo le taine o Sakopo. Talie na leaise tonu ke fai le nea lena i Iselaele.

Senesi 46:6

Na lotou ave foki alatou kau manu, mo alatou nea fuli ala na lotou maua i le fenua o Kanaane. Ti na ano loa Sakopo ki Esipito mo lona famili katoa.

Senesi 46:8

Ko nei a igoa o vosa o Iselaele, ala na ifo loa ki Esipito. Ko Sakopo mo ona vosa. Ko le vosa uluaki o Sakopo ko Lupeni.

Pesalemo 105:23

Ti na au loa Iselaele ki Esipito, Ti na nofo loa Sakopo i le fenua o Kami.

Esaia 52:4

Talie ko leinei le folafola a le Aliki, le Eteleno : I mua na ifo loku kakai ki Esipito o nofo i ai ; Ti na fakavelivelii a ia e le tagata Asilia kae e leai sona tupuaga.

Numelo 20:15

Na ifo omatou tamana ki Esipito, ti na motou nonofo i ai o fualoa. Kae na fakavelivelii matou e le kau Esipito ti mo omatou tamana.

Tetelonome 23:7

Ke aua na ke vesia loa ki le Etome, talie ko lou taina ; ke aua na ke vesia loa ki le Esipito, talie na ke nofo matapule i lona fenua :

Tetelonome 26:5

Ti e ke toe masau loa o fakasa i mua o le Eteleno, lou Atua : ko loku tamana ko se tagata Alame leia na taka fenua ; na ifo loa a ia ki Esipito mo se ga kakai toka teiki, o nofo i ai. Kae na liliu loa a ia i ai ko se puleaga lasi, mo makeke, mo api.

Sosue 24:4

Na kau soli loa kia Isaake a Sakopo mo Esau ; na kau soli loa kia Esau le mauga o Seili, kae na ifo loa Sakopo mo ona vosa ki Esipito.