Senesi 46:2 - Tosi Tapu

² Ti na masau loa le Atua kia Iselaele i se moe miti i le pouli, o pati : Sakopo ! Sakopo ! Ti na tali loa Iselaele : Ko leinei au !

Senesi 46:2 ပူးပေါင်းရင်းမြစ်များ

Senesi 15:1

I le oki o nea ana, na tuku loa le folafola a le Eteleno kia Apalamo i se tio kiate ia, o pati : Apalamo, aua na ke i ! Ko au ko lou paletau, ti e lasi loa lou fakapale.

Senesi 15:13

Ti na pati loa le Eteleno kia Apalamo : Ke ke iloa papau e nofo matapule loa lou sakoga i se fenua kese. E lotou nofo popula loa i ai, ti e lotou fakavelivelii loa i ai i fetuu e kau lelau fa.

Senesi 20:3

Kae na sa loa le Atua i se moe miti kia Apimeleke i le pouli, o pati kiate ia : Ko leinei, e ke mate loa o tupu ko le fafine leia kua ke aga o too, talie e i ai lona avaga.

Senesi 22:1

Na sili loa ki nea ana, ti na asiasii loa e le Atua a Apalaamo, ti na pati loa a ia kiate ia : Apalaamo ! Ti na tali loa a ia : Ko leinei au !

Senesi 22:11

Kae na kalaga loa le Aselo o le Eteleno mei lagi, o pati : Apalaamo ! Apalaamo ! Ti na tali loa a ia : Ko leinei au !

Senesi 31:11

Ti na pati mai loa le aselo o le Atua kiate au i le moe : Sakopo ! Na kau tali : Ko leinei au !

Lua tosi o Koloniko 26:5

Na fakamalotoloto loa a ia o afa le Atua i le lolotoga o le mauli o Sakalia, leia na poto i le iloa o nea ala na sa mei le Atua ; ti na fakamanuia loa a ia e le Atua i le temi leia na afa ai loa e ia le Eteleno.

Sopo 4:13

I le temi leia e gaoi ai le moe miti le fakakaukau, Mo ka kua tuku a tagata ki se moe loloto,

Taniela 2:19

Ti na fakasa loa le nea fakafufu kia Taniela, i se tio i le pouli. Ti na fakafetai loa Taniela ki le Atua o le atu lagi.

Sakalia 1:8

Na kau tio i le pouli, ti ko leinei, na eke se tagata i se osi kula, ti na tuu a ia i loto malie o ni mila i se ganea malumalu ; na tutuu i ona muli ni osi kula, mo ni osi uli, ti mo ni osi tea.

Numelo 12:6

Ti na pati loa a ia : Kolua fakalogo malie mai ki aku masau ! Ka maua loa ia koutou se polofeta, ko se ata loa leia e kau sa ai loa kiate ia, a au ko le Eteleno, ti e kau masau loa kiate ia i se moe miti.

Numelo 24:4

Ko leinei le folafola a le tagata leia e logo ki folafola a le Atua, A leia e tio ki le tio a le Mafimafi, A leia e punou kae mavaa ona mata.

Gaoi 10:13

Ti na pati loa se leo kiate ia : Petelo, tuu ki aluga, ti ke tamate, o kai.

Gaoi 10:3

I se sili lalatea vae ola tolu, na tio malama loa a ia i se sa ki se aselo a le Atua na ulu ake ki lona fale, o pati ake kiate ia : Kolenelio !

Gaoi 16:9

I le pouli, na moe miti loa Paulo : Na sa ake loa kiate ia se tagata Masetonia, o fai ake kiate ia le kole leinei : Au ki Masetonia, o tokoi mai kia matou !

Gaoi 9:10

Kae na i ai se tisipulo i Tamaso na igoa ko Ananiasi. Na pati loa le Aliki kiate ia i se tio : Ananiasi ! Ti na tali loa a ia : Ko leinei au, Aliki !

Gaoi 9:4

Na vilo loa a ia ki lalo, ti na logo loa a ia ki se leo leia e pati mai kiate ia : Saulo, Saulo, kolea e ke fakavelivelii ai au ?

Tuifakamaau 7:2

Na pati loa le Eteleno kia Seteone : E api le kakai leia e nofo mo koe, ke kau tuku ai loa a Matiane ki ou lima ; e feala loa ke fia nealasi Iselaele, o pati : ko loku lima leia na saofaki ia au.

Tuifakamaau 7:9

Na pati loa le Eteleno kia Seteone i le po lena : Tuu ki aluga, ti ke ifo ki le nofolaga o Matiane, talie kua kau tuku atu a ia ki ou lima.

Uluaki tosi a Samuele 3:10

Na au loa le Eteleno, o tuu, ti na fetapa loa a ia ofaipe la ake faiaga : Samuele, Samuele ! Ti na tali loa Samuele : Masau, talie e fakalogo atu lau tagata fakasausau.

Uluaki tosi a Samuele 3:4

Ti na fetapa loa le Eteleno kia Samuele. Na tali loa a ia : Ko leinei au !