Senesi 45:5 - Tosi Tapu

⁵ I le aso nei, aua na kotou mamae, ti aua na kotou ita i lakoutou fakatau au. Ko le Atua leia na kakau ia au i okoutou mua ke kau au ki le fenua leinei, ke saofaki ai lokoutou mauli.

Senesi 45:5 ပူးပေါင်းရင်းမြစ်များ

Senesi 37:28

I le kaku ake o le kau o Matiane kia latou, na lotou toso ake loa Sosefo mei le sosoni ki tafa, ti na lotou fakatau loa a ia o kau lua sikele paaga ki le kau Isemaele, ala na ave ia loa Sosefo ki Esipito.

Senesi 47:25

Na lotou pati loa : E ke saofaki omatou mauli ! Ti ko leinei e ke toe fakasa lou alofa kia matou i le nea leinei, koia e motou tali ai ke motou popula kia Falaone.

Senesi 50:19

Ti na pati loa Sosefo kia latou : Aua na kotou tuania. E leaise ko au leia e tonu ke nofo i le tuulaga o le Atua !

Senesi 50:20

Na kotou loto ke fai se nea veli kiate au, kae na fulusi a ia e le Atua ko se nea malie, o tupu ke fakasoko le nea leia kua soko i le aso nei, ke saofaki ai le mauli o se kakai toka api.

Senesi 50:21

Koia ke aua na kotou tuania ia fua se nea ; e kau tausi loa koutou, mo okoutou famili. Ti na fakafimalie loa e ia latou i lana masau ki olatou loto.

Lua tosi a Samuele 12:12

Talie na ke fai fakafufu le nea lena, e kau fai loa le nea leinei i mua o Iselaele katoa, ti mo mua o le laa.

Lua tosi a Samuele 17:14

Na pati loa Apesalone mo le kakai katoa o Iselaele : E malie ake le tokoi a Usai, le tagata Aleki, i le tokoi a Asitofele. Talie kua fakatotonu e le Eteleno ke fakanoai le tokoi malie a Asitofele, o tupu ke aumai ai le malaia kia Apesalone.

Esitele 4:14

talie, kapau e ke fakalologo i le temi nei, e au loa le tokoi mo le fakamauli ki le kau Sutea mei se tasi ake ganea, kae ko koe mo le fale o lou tamana, e kotou pupuli loa. Ti ko ai e iloa ia na saga kua ke kaku ki le tuulaga fakasau o tupu ko le temi leinei ?

Sopo 1:21

O pati : Na kau au telefua mei le manava o loku tinana, ti e kau toe liliu telefua loa ki le manava o le kele. Na soli e le Eteleno, ti kua toe too e le Eteleno ; ke fakafetai ki le suafa o le Eteleno !

Luka 23:34

Na pati loa Sesu : Tamana, fakamolemole kia latou, talie e leaise lotou iloa le nea leia e lotou fai. Ti na lotou vae loa ona kofu ia latou, o toso.

Lua tosi ki le kau Kolinto 2:11

o tupu ke aua na tuku ke maua e Satana se faigamalie ia tatou, talie e leaise tou fakapouli ki ana fakatuutuu.

Lua tosi ki le kau Kolinto 2:7

Koia e tonu ai ke kotou fakamolemole kiate ia, ti ke kotou fakafimalie a ia, talie ke aua na taomia a ia i se mamae lasi.

Filemo 1:15

Na saga na mavae a ia meiate koe i se ga temi noa, o tupu ke ke toe maua a ia ki le lee gato,

Uluaki tosi a Samuele 1:19

Na lotou tutuu ake loa i le usu, o atolasio ki le Eteleno, ti na lotou toe liliu loa ki lolatou fale i Lama. Na iloa loa e Elekana lana avaga ko Ana, ti na manatui loa a ia e le Eteleno.