Senesi 45:27 - Tosi Tapu

²⁷ Ti na lotou fakamatala loa kiate ia a masau fuli ala na fai e Sosefo kia latou. Na toe tio foki Sakopo ki saliote ala na fakamomoli ake e Sosefo ki lona fanoga. I le nea lena, na ofo loa le laumalie o lolatou tamana ko Sakopo.

Senesi 45:27 ပူးပေါင်းရင်းမြစ်များ

Senesi 45:19

E kau tuku atu loa kiate koe le fakatotonu leinei, ke ke pati kia latou : Kotou fai le nea leinei : Kotou too i le fenua o Esipito ni saliote ke aumai ai okoutou avaga, mo okoutou fanau, mo lokoutou tamana.

Senesi 45:28

Ti na pati loa Iselaele : Kua feauga ! Koi mauli loku vosa ko Sosefo ! E kau ano loa, ti e kau tio loa kiate ia i mua o loku mate.

Pesalemo 85:6

Pe ke ita loa kia matou o lee gato ? Pe sosolo loa lou ita i tautupu fuli ?

Taagapati 25:25

Ofaipe se vai mokomoko ki se tasi leia e fia inu, E felaaki le logo malie leia e au mei se fenua mamao.

Esaia 57:15

Talie e folafola le Taualuga, Leia e lee gato lona nofoaga ti e maokioki lona suafa : E kau nofo i potu taualuga ti mo le maokioki ; Kae e kau nofo foki mo le tagata fakasemala mo agamalu, O tupu ke toe fakamauli a loto fakasemala, O tupu ke toe fakaofo a loto agamalu.

Oseo 6:2

E toe tuku loa e ia le mauli kia tatou i le sili o aso e lua ; I le tolu o aso e fakatuu loa e ia tatou ki aluga, Ti e tou mauuli loa i ona mua.

Tuifakamaau 15:19

Na fakamavaa loa e le Atua le mafaa o le utu leia e tuu i Lesi, ti na tafe loa mei ai le vai. Na inu loa Samisoni, ti na toe malama loa ona mata, o toe maua loa lona makeke.

Uluaki tosi a Samuele 30:12

ti na lotou soli loa kiate ia se potu paapaa fiki malo mo ni fui vite malo e lua. I le oki o lana kai, na toe maua loa lona makeke, talie na leaise kai a ia mo inu talu mei aso e tolu mo po e tolu.