Senesi 45:20 - Tosi Tapu

²⁰ Ke aua na kotou fakasemala ki nea ala ka kotou tuku loa, talie e tuku atu loa kia koutou a nea malilie tukupau o Esipito.

Senesi 45:20 ပူးပေါင်းရင်းမြစ်များ

Senesi 20:15

Na pati loa Apimeleke : Ko leinei, e tuu loku fenua i ou mua ; nofo i le ganea leia e ke loto ki ai.

Senesi 45:18

Kotou too loa lokoutou tamana, ti mo okoutou famili, ti kotou au loa kiate au. E kau soli loa kia koutou le koga fenua malie tukupau o Esipito, ti e kotou kai loa a fua malilie o le fenua.

Senesi 45:19

E kau tuku atu loa kiate koe le fakatotonu leinei, ke ke pati kia latou : Kotou fai le nea leinei : Kotou too i le fenua o Esipito ni saliote ke aumai ai okoutou avaga, mo okoutou fanau, mo lokoutou tamana.

Senesi 45:21

Na fai loa e vosa o Iselaele le nea lena. Na tuku loa e Sosefo kia latou ni saliote o mulimuli ki le fakatotonu a Falaone, ti mo ni nea kai ki le fanoga.

Senesi 47:6

e fakalogo le fenua katoa o Esipito kiate koe. Filifili e koe le ganea malie tukupau o le fenua ke lotou nonofo ai. Ke lotou nonofo i le fenua o Koseni ! Ti kapau e ke maua ia latou ni tagata poto i le tausi manu, ti ke tuku latou ke tokaga ki aku kau manu.

Esetalasi 9:12

Koia, aua na kotou soli loa okoutou taineliki ki olatou tamaliki, ti aua na kotou too loa olatou taineliki ke avaga mo okoutou vosa, ti aua na kotou afa loa ke lotou fimalie ti ke lotou mou koloa ; o tupu ke kotou liliu loa o makeke, ti mo kotou kai loa a fua malilie o le fenua, ti mo kotou tuku loa le fenua ko se tofiga ki okoutou vosa, o lee gato.

Ekesote 22:7

Kapau e tuku e se tagata ke taupau e se tasi tagata se siliva pe ko ni nea, ti e kaia loa a nea ana i lona fale, e liufaki loa e le tagata kaia a nea o liuga lua mo kapau e maua a ia.

Esaia 1:19

Kapau e kotou maua se loto malie ti kapau e kotou patigaofie, E kotou kai loa a fua malilie tukupau o le fenua ;

Esaia 13:18

E lotou tamate loa le kau tupulaga ki alatou kalolo, Ti e leaise lotou toe manava alofa loa ki le fua o manava ; E leaise fakamauli loa e olatou mata a fanau liliki.

Esekiele 20:17

Kae na logo ai le nea lena, na mamae loa loku mata kia latou, ti na leaise kau maumaui loa latou, ti na leaise kau fakapuli loa latou i le toafa.

Esekiele 7:4

E leaise toe alofa loa loku mata kiate koe, Ti e leaise kau toe maua loa se ga manava alofa kiate koe ; Kae e kau fakaamo loa kiate koe ou ala, Ti e tuu loa au aga fakalialia i loto malie o ou ; Ti e kotou iloa loa ko au ko le Eteleno.

Esekiele 7:9

E leaise alofa loa loku mata kiate koe, Ti e leaise kau toe maua loa se manava alofa, E kau fakaamo loa kiate koe ou ala, Ti e tuku loa i ou mua au aga fakalialia. Ti e kotou iloa loa ko au ko le Eteleno, leia e tautea ia.

Esekiele 9:5

Ti na masau loa a ia ki la ake tagata i oku mua, o pati : Kotou ano i ona muli i le kolo, ti kotou taai ; ke aua na toe aloalofa loa okoutou mata, ti ke aua na kotou toe manava alofa loa !

Mateo 24:17

ko leia e nofo loa i le taufufu ke aua na ifo loa a ia, o too se nea i le loto fale ;

Luka 17:31

I le aso lena, ko leia e nofo loa i le taufufu o lona fale kae tuku ona nea i le loto fale, ke aua na ifo loa a ia o too latou ; ti ko leia e nofo loa i faisaga ke aua na toe liliu loa a ia ki muli.

Tetelonome 19:13

Ke aua na maua loa e lou mata se alofa kiate ia, kae e ke too loa mei Iselaele le toto o le tagata mea, ti e ke manuia loa.

Tetelonome 19:21

Ke aua na alofa loa lou mata : ko le mauli ki le mauli, ko le fa mata ki le fa mata, ko le nifo ki le nifo, ko le lima ki le lima, ko le vae ki le vae.

Tetelonome 7:16

Ke ke tamate loa a kakai fuli ala e tuku atu loa kiate koe e le Eteleno, lou Atua. Ke aua na maua loa e lou mata se alofa kia latou, ti ke aua na ke tausi loa ki olatou atua, talie ko se masele loa a ia kiate koe.

Sosue 7:11

Kua agasala a fanau a Iselaele : Kua lotou maumaui le fakapapau leia na kau tuku kia latou ; io, kua lotou too ni nea i nea ala na kau tapui kia latou, kua lotou kaia a nea ana, ti kua lotou fufu latou i loto malie o alatou kavega.

Uluaki tosi a Samuele 10:22

Na toe afa loa ki le Eteleno : Pe na i ai se tasi tagata kese na au ki leinei ? Ti na pati loa le Eteleno : E mumuni a ia i kavega.

Uluaki tosi a Samuele 25:13

Ti na pati loa Tavite ki lana kakai : Ke kotou tasi too lana seleta ! Ti na lotou tasi tui loa lana seleta ki lona kilii pipi. Na tui foki e Tavite lana seleta, ti na pale loa a tino lelau e fa mo ia. Kae na nonofo loa a tino lelau e lua o leoleo a kavega.

Uluaki tosi a Samuele 30:24

Ti ko ai ka tokaga loa kia koutou i le nea lena ? E tonu ke tatau le vaega o leia na ifo ki le tau mo leia na nofo mo kavega : na lotou vae fakatatau loa a koloa.