Senesi 45:18 - Tosi Tapu

¹⁸ Kotou too loa lokoutou tamana, ti mo okoutou famili, ti kotou au loa kiate au. E kau soli loa kia koutou le koga fenua malie tukupau o Esipito, ti e kotou kai loa a fua malilie o le fenua.

Senesi 45:18 ပူးပေါင်းရင်းမြစ်များ

Senesi 27:28

Ke tuku e le Atua kiate koe le sasau o le lagi, Mo le gako o le kele, Mo le fulumeto, ti mo le vino o lasi ai !

Senesi 45:17

Ti na pati loa Falaone kia Sosefo : Pati ki ou fetaina ke lotou fai le nea leinei : Kotou fakauta a amoga o akoutou manu, ti kotou toe liliu ki le fenua o Kanaane ;

Senesi 46:34

Pe kolea lakoutou gaoi ? Kotou tali loa kiate ia : E tausi manu au tagata fakasausau talu mei lomatou liliki o kaku mai ki le aso nei, ofaipe omatou tamana. I le nea lena e fakataga loa e ia kia koutou ke kotou nonofo i le fenua ko Koseni, talie e fakalialia le kau Esipito ki kau tausi manu fuli.

Senesi 47:6

e fakalogo le fenua katoa o Esipito kiate koe. Filifili e koe le ganea malie tukupau o le fenua ke lotou nonofo ai. Ke lotou nonofo i le fenua o Koseni ! Ti kapau e ke maua ia latou ni tagata poto i le tausi manu, ti ke tuku latou ke tokaga ki aku kau manu.

Pesalemo 147:14

E toe tuku e ia le tokamalie ki lou fenua, E fakamakona e ia a koe ki le fulumeto saosaoa.

Pesalemo 81:16

E fakalai loa kiate ia latou ala e vesia ki le Eteleno, Ti e fualoa loa le manuia o Iselaele o lee gato ;

Esaia 28:1

Malaia ki Samalia, le pala fulumalie o le kau konana o Efalaimi ! Malaia ki le fa se gini, leia e fulumalie ia lona kofu, Leia e piki i le tumutumu o le vaivailiua kele mauli o latou ala e konana !

Esaia 28:4

Ti ko le fa se gini, leia e fulumalie ai lona kofu, I le tumutumu o le vaivailiua kele mauli, E fai loa pe se fa fiki tomua leia e sa i mua o le temi tau o fiki, Leia e taui e le lima o folo aifai.

Numelo 18:12

E kau soli kiate koe a uluaki fua ala e lotou momoli loa ki le Eteleno : le lolo leia e malie tukupau, mo le vino foou leia e malie tukupau, ti mo le falina leia e malie tukupau.

Numelo 18:29

I nea alofa fuli ala e fai atu loa kia koutou, e kotou too loa a moliga fuli ki le Eteleno ; i nea malilie tukupau fuli, e kotou too loa le vaega tapu ki le Eteleno.

Tetelonome 32:14

Mo le sua u o pipi fafine mo ovi fafine, Mo le gako o akeno, Mo ovi tagata o Pasani, mo koti tagata, Mo le fulumeto malie ; Ti na ke inu ia le toto o le vite, le vino.