Senesi 45:15 - Tosi Tapu

¹⁵ Na toe fui foki e Sosefo ona fetaina fuli o tagi, ti na lotou kamata toa loa i le masau ake kiate ia.

Senesi 45:15 ပူးပေါင်းရင်းမြစ်များ

Senesi 29:11

Ti na sogi loa Sakopo kia Lasele, ti na tagi leo lasi loa a ia.

Senesi 29:13

I le logo a Lapane ki le masau kia Sakopo, le tama o lona tuagaane, na makape loa a ia ki ona mua, o luluku a ia ki ona lima, o sogi kiate ia, ti na taki ake loa e ia a ia ki lona fale. Na fakamatala loa e Sakopo kia Lapane a nea fuli ala na soko kiate ia.

Senesi 33:4

Na makape loa Esau o fakafelavei kiate ia ; ti na folasi loa e ia ona lima kia Sakopo, o fui lona ua mo sogi kiate ia. Ti na la fetagisi loa.

Senesi 42:24

Na fakamamao loa Sosefo ia latou o tagi. Ti na toe liliu mai loa a ia o masau kia latou ; ti na too loa e ia Simeone, o fakatotonu ke sai a ia ki se tini i olatou mua.

Senesi 45:14

Na fui loa e Sosefo le ua o lona taina ko Pesamino, o tagi. Ti na tagi loa Pesamino i lona ua.

Senesi 45:16

Na mafola loa le logo i le fale o Falaone kua kaku ake fetaina o Sosefo kiate ia. Na fiafia lasi ai Falaone mo ana minisi i le nea lena.

Senesi 45:2

Na tagi loa Sosefo o leo lasi, ti na logo loa ki ai le kau Esipito, ti na toe logo foki ki ai le fale o Falaone.

Senesi 46:29

Na teuteui loa e Sosefo lana saliote, ti na eke loa a ia ki ai, ti na ano loa a ia ki Koseni, o fakafelavei ki lona tamana ko Iselaele. I lana tio ki lona tamana, na makape loa a ia o kalu ki lona ua, o sogi kiate ia, ti na tagi loa a ia o fualoa i lona ua.

Lua tosi a Samuele 14:33

Na ano loa Soape, o fakasa le nea lena ki le sau ti na kalagai loa e le sau Apesalone. Na au loa Apesalone ki le sau ti na punou loa ona mata ki le kele i mua o le sau. Na sogi loa le sau kia Apesalone.

Pesalemo 77:4

E kau manatu ki le Atua, ti e kau tagi ; E kau metitasio, ti e mamae loku laumalie. - Manava.

Ekesote 4:27

Na pati loa le Eteleno kia Alone : Ano i le toafa ki mua o Moisese. Ti na ano loa Alone ; ti na felavei loa a ia mo Moisese i le mauga o le Atua ; na sogi loa a ia kia Moisese.

Luka 15:20

Ti na tuu loa a ia ki aluga, ti na ano loa a ia ki lona tamana. Koi natu a ia i mamao, kae kua tio mai lona tamana kiate ia, ti na manavaalofa loa a ia, ti na makape loa a ia, o fui lona vosa ki ona lima, ti mo sogi kiate ia.

Gaoi 20:37

Ti na lotou tagi mamae fuli loa, ti na lotou kalu loa ki le ua o Paulo, o sogi kiate ia,

Lute 1:14

Ti na la siki ake loa ki aluga ola leo, o la toe fetagisi leo lasi loa. Na sogi loa Olipa ki lona tinana o poloaki kiate ia, kae na pipiki loa a Lute kia Naomi.

Lute 1:9

Ke fai e le Eteleno ke kolua maua taki toka tasi se malolo i le fale o se tagata ! Ti na sogi loa a ia kia laua. Na la siki loa ki aluga ola leo, ti na la fetagisi loa o leo lasi ;

Uluaki tosi a Samuele 10:1

Na too loa e Samuele le fagu lolo, o liligi ki le ulu o Saulo, mo sogi kiate ia, o pati : Pe na leaise pani lolo a koe e le Eteleno, ke ke nofo ko le pule o lona tofiga ?

Uluaki tosi a Samuele 20:41

I le mavae loa o le toe, na tuu mai loa Tavite mei le ganea leia na mumuni ai i le potu saute, o punou tua tolu ona mata ki le kele. Na sogi loa Sonatane mo Tavite, ti na la fetagisi loa toka lua, kae na lasi ai le maligi o loimata o Tavite.